Mike 6:16 - WE NU GALE 1995

¹⁶ Mi dɛ sɛ do nɛ na mɛ ni, we kɛ nɛ dɛ o'dã mɛnɔ vɛ̃ kɛ nwa Omri, do be 'da a Akabɛ, do nu fɛlɛ kula 'da wa, wa dɛa zi ni. Kɔ ɔ nɛ kɛ nɛ kɔ̃a we dɛ 'dã dɛa mɛnɔ olo wa ni, mi 'danga sɛ ta 'bɔ gã le 'da nɛ. Nɛ nɛ, owinɔ 'da mi, nɛ hɔ sɛ owi gbɔlɔ mɔmu do owi sape li winɔ vɛ̃.”

Mike 6:16 Iomraidhean Croise

1 Onwanɔ 18:4

Mbe ngba soe zi kpo, nɛ Yezabɛlɛ, kɛnɛ nwa, a tɛ gbɛ owi gba olo nu NWA Gale, nɛ Obadia kpasa zi ombe kɔ wa kama kpo. A kɛ̃a zi wa 'bu wa mɔlɔ mɔlɔ, nɛ a usu wa kɔ ota tɛ ngɔ kalanɔ. Nɛ a gala wa do nyɔngɔmɔ do lì.)

1 Onwanɔ 9:8

Nɛ gã tɔa Tɛmpɛloe gɛ, ma hɔ sɛ aũ tɔa, nɛ owi la walanɔ wa zɔ sɛ ma, nɛ wa ɔngbɔ sɛ, nɛ ma ba sɛ we nu wa. Nɛ wa aka sɛ na: ‘Gulu kɛ NWA Gale dɛa do nùi gɛ, do Tɛmpɛloe gɛ ní ni we ge nde?’

2 Onwanɔ 16:3

A dɛa zi kpo kpo 'dã mɛ olo onwa ngɔ nù Israɛlɛ zi dati ni. Nɛ gã 'dã mɛ kɛ a dɛa ma ni, mɛ a kɛ a gbɛa bulu be 'da a ngboo, nɛ a hã a do dɔnggamɔ hã ogalenɔ 'da a. A dɛa ni, mba gɔ, we kɛ a zɔa zi ma kɔ̃ Okanana, kɛ nwa ndaka zi wa ngɔ nù 'da wa, nɛ a hã ma hã obe Israɛlɛ ni.

2 Onwanɔ 21:3

A 'dafa zi fala dɔnggɔ do ogele galenɔ kɛ baa a Ezekiasi 'danga zi ma ni dɛ olo nɛ. Nɛ a dɛ ombé gbagala we dɔnggɔ do gale Bala. Nɛ a dɛ kpikima gale Asera, ɔ nɛ kɛ Akabɛ, nwa ngɔ Oisraɛlɛ dɛa zi ni, nɛ a dɔnggɔ 'bɔ osɔla.

2 Sakonɔ 22:4

A dɛa mɔ kɛ ma dè tɛ nwa gɔ ni, kpasaa ɔ nɛ kɛ 'da obe zã Akabɛ ni. We kɛ 'do fie 'da baa a, nɛ mbe obe zã Akabɛ wa hɔa Owi tɔ̃ mbula hã a, nɛ mbula ni 'danga dɛa to nwa 'da a.

2 Sakonɔ 34:25

Mba gɔ, Owi Yeruzalɛmɛ wa bɛ̃a gɛnɛ mi, nɛ wa hã dɔnggamɔ hã ogele galenɔ, nɛ mɛnɔ vɛ̃ wa dɛa ni, ma nɔ̃lɔ̃ zã mi. Gulu nɛ a nɔ̃lɔ̃ zã 'da mi dɛ tɛ le Yeruzalɛmɛ ma gã wena, nɛ sila mi gɛ̀ sɛ ngɔ nɛ dɔ̃ gɔ.”

Zumanɔ 1:1

Wi kɛ a bɛ̃ we zele mbulanɔ 'da wanɔ wa ĩ̀ ti Gale gɔ ni, a a wi yangga! A yɛ́nggɛ́ wala kpo do Owi dɛ 'dã mɔ gɔ. A dúngú nù sanga Owi mɔmɔ Gale gɔ.

Zumanɔ 44:13

Mɔ bia gole lɛ, owinɔ 'da mɔ dɛ nù, nɛ mɔ 'dɔlɔ lɛ, nɛ mɔ kpà si olo nɛ gɔ.

Zumanɔ 44:14

Mɔ dɛa na, ongba lɛ wi tɔa, wa fi tɔɛ zu lɛ, nɛ wa dã lɛ, nɛ wa hã sape hã lɛ.

Ezai 25:8

NWA Gale a fo sɛ fio ngɔ nù gɛ do'do, nɛ mbé fio gbɛ́ sɛ 'bɔ wele gɔ. A dili sɛ mili kɔ̃a li owinɔ vɛ̃, nɛ sape kɛ owinɔ 'da a wa kpa zi ma ngɔ nù gɛ ni, a fo sɛ ma do'do. Nɛ zɔ, mbuli kɛ NWA kpua ma gɛ a ni.

Ezai 9:16

Ma hã NWA kɔ̃̀ na, be zagbãlã be mɔ wa kpo 'bana gɔ. Nɛ a dɛ́ 'bako hã obe gulanɔ, do Owi fio wilinɔ kɔ le 'da wa ni gɔ. We kɛ wa vɛ̃, wa ĩ̀ ti Gale gɔ, wa dɛ 'dã mɔ, nɛ wila we nu wa ma dè gɔ. Gɛnɛ kɔ na mɛ ni, nɛ nde sila Gale tɛ gɛ gɔ, a 'bana tɛ be kɔ̃ a li obe Israɛlɛ fai.

Yeremi 19:8

Mi dɛ sɛ na le gɛ 'danga, nɛ ma hɔ mɔ hã kili hã wele. Owinɔ vɛ̃ kɛ wa la do di ni ni, wa zɔ ma, nɛ ma ba sɛ we nu wa, nɛ wa ɔ ɔngba.

Yeremi 25:18

Mi ndua do Owi Yeruzalɛmɛ, do owanɔ kɔ lenɔ ngɔ nù Yuda, fala nɛ kpo do Onwanɔ, do Owi olo li wa. Nɛ wa nɔa, nɛ wa kumu, nɛ lenɔ 'da wa kifi olo tɔa kɛ wele zɔ ma, nɛ kili ba a ba ni. Ma kɛ tia do sɔɛ gɛ, owinɔ wa 'bana tɛ we wa do we, nɛ wa sa li wa kɔ fɔmba.

Yeremi 25:9

mi sa sɛ mɔ hã owinɔ si gbãlã ngɔ i vɛ̃, mba do wi toe 'da mi Nabukɔdɔnɔzɔrɛ, nwa ngɔ nù Babilonia na, wa tɛ. Nɛ mi tombo sɛ wa we bi nɛ, owi ngɔ nù Yuda, do onu kɔnggɔnɔ kɛ zã nɛ ni tɛ mɛ 'bɔ. Mi kumu sɛ nɛ vɛ̃, nɛ mi dɛ sɛ na, nùi gɛ ma hɔ olo tɔa. Winɔ wa zɔ sɛ ma, nɛ sila wa gɔnɔ, nɛ wa zɛ nu wa. Mi nwa, mi tɔ̃a ni.

Yeremi 29:18

Mi ndaka sɛ 'do wa do bolo, do gba wɔ, do 'dã zɛlɛ, do tɛlɛ tɛ kɛ na, owinɔ ngɔ nùi gɛ vɛ̃ wa zɔ wa, nɛ wa zɛ nu wa. Nɛ tɛ falanɔ vɛ̃ mi pɛsɛ sɛ do wa ni, owinɔ wa tana sɛ kili we zɔ mɛ ma dɛa wa ni. Wa mɔmɔ sɛ wa, nɛ wa sa li wa kɔ fɔmba.

Yeremi 51:51

Nɛ 'bana tɛ tɔ̃ na: ‘'Da fala kɛ ogele winɔ wa dã zi lɛ ni, nɛ ma ya zi fala tɛ lɛ wena! Wa tɛa, nɛ wa le tɛ falanɔ kɛ ma santo kɔ Tɛmpɛloe 'da NWA i ni, nɛ ma hã zi sape hã lɛ la li.’ ”

Yeremi 7:24

Nɛ nde wa zèlè mi gɔ, nɛ wa gɛ̀ mbe zala wa tɛ wenɔ mi tɔ́a hã wa ni gɔ. Wa dɛa mɛnɔ kɛ nga zui 'da wa, do 'dã wɔ kɔ sila wa, ma tombo wa na wa dɛ ni. Nɛ wa la fala siki li wa dɛ 'da mi do'do, nɛ wa siki 'do wa hã mi.

ALA NU 5:1

Aa NWA, ta zu mɔ tɛ èlè ngɔ ngamɛnɔ, kɛ lɛ kpa ma gɛ gɔ. Mɔ ká mɔ, hã mɔ zɔ sape kɛ wa hã hã lɛ gɛ.

EZEKIƐLƐ 39:26

Wa ɔ sɛ 'bɔ mbé nɛ dɛ ngɔ nùi 'da wa, nɛ wa kpa sɛ dungu fio, nɛ fo sɛ wi a kili tɛ wa bina. Do 'da fala ni, nɛ tɛ wa ma ele sɛ ngɔ sape wa kpa zi we duzu 'dã mɛnɔ wa dɛa dɛ 'da mi ni.

DANIƐLƐ 9:16

Nɛ nde mɔ NWA, mɔ dɛa zi de mɔ hã lɛ fai. Mɔ kɔ̃́, nɛ zã mɔ tɛ nɔ̃̀lɔ̃̀ dɛ tɛ le Yeruzalɛmɛ fai gɔ, we kɛ mɛ a le 'da mɔ, do kala santo 'da mɔ. Owinɔ wa zĩ lɛ takpa ni, wa mɔmɔ le 'da lɛ, nɛ wa hã sape hã lɛ owinɔ 'da mɔ, we duzu kɛ lɛ dɛa 'dã mɔ, nɛ oyaa lɛ wa dɛa zi 'bɔ 'dã mɔ.

OZE 12:14

'Do nɛ, nɛ NWA tumba 'bɔ wi gba olo nu a kpo, takɔ a fo obe Israɛlɛ kɔ ngbá ngɔ nù Ezipeto i dɛ nza, nɛ a ɔ wi zɔ mɔ tɛ wa.

OZE 5:11

Oisraɛlɛ wa kpa zɛlɛ tɛ wena, nɛ wa tia li ngbangga. We kɛ sila wa ɔkɔlɔ wa, nɛ wa fa gala wi kɔ̃ owinɔ kɛ wa wè tɛ gala wa gɔ ni.

Mike 2:6

Mbe Owele wa tɔ̃ hã mi na, mi tɛ tɔ̃̀ wenɔ nu mi gɛ gɔ, we kɛ fo gulu nɛ bina. Gale hã sɛ sape hã owinɔ 'da a gɔ.

Mike 6:13

We duzu o'dã dɛa mɛnɔ 'da nɛ, ma a mi ndua 'danga odia mɛnɔ 'da nɛ ia ni.

USU MƐNƆ 2:20

Nɛ nde mi kɔ'dɔ nɛ we 'dã mɔ kpo: Nɛ ka mɔ dɛ tɛ wuke li a a Yezabɛlɛ ni iko, nɛ a dɔnggɔ tɛ̃ a na, ɛ a wi gba do nu Gale. Nɛ a ɔlɔ owinɔ 'da mi tɛ be hã wa na, wa dɛ mɔ sape, nɛ wa nyɔngɔ osa'denɔ kɛ wa gbɛ wa we dɔnggɔ do kpikimanɔ ni.