Mike 6:14 - WE NU GALE 1995

¹⁴ Nɛ nyɔngɔ sɛ mɔ, nɛ nde zã nɛ hɛ̃́ sɛ gɔ, nɛ nɛ he sɛ kɔ̃a wɔ. Omɛnɔ kɛ nɛ e ngɔ ni, ma 'danga sɛ. Nɛ fala kɛ nɛ usu mɔ nde, nɛ mi tombo sɛ owi bolo, nɛ wa 'danga ma.

Mike 6:14 Iomraidhean Croise

Ezai 30:6

NWA Gale tumba toe gɛ we duzu osa'denɔ tɛ li gba zɔ̃ Negɛvɛ. A na: “Owi nɛ tonɔ 'da obe Israɛlɛ wa kala okpamɔ kpi do kpi, nɛ wa a ma ngɔ opunda do osamo, nɛ wa nɛ do ma hã Oezipeto, kɛ wa gbáká wele gɔ ni. Owinɔ ni wa la do ngɔ nù Negɛvɛ, kɛ ngamɔ do 'dã mɔ kɔ nɛ wena ni. Ogbɔgbɔ, do odã gɔ̃̀, do ogba sɔ̃ sa'de kɛ wa bũ bũlũ ni wa di ni boe.

Ezai 65:13

“Ma hã mi NWA Gale, mi tɔ̃a hã nɛ na: Gba wɔ ma te sɛ kɔ le 'da nɛ, nɛ nde owi dɛa tonɔ 'da mi, wa sɛ do nyɔngɔmɔ wena. Nɛ fe sɛ wɔ lì, nɛ nde owi dɛa tonɔ 'da mi, wa sɛ do lì nɔ nɔa wena. Nɛ kpa sɛ sape, nɛ nde owi dɛa tonɔ 'da mi, wa sɛ do yangga.

Ezai 9:20

Nu kpala Manase do nu kpala Efraimɛ wa bi ngba wa. Nɛ 'do nɛ, nɛ wa mba ngba wa kpo, nɛ wa bi nu kpala Yuda. Gɛnɛ kɔ na mɛ ni, nɛ nde sila Gale tɛ gɛ̀ gɔ, a 'bana tɛ be kɔ̃ a li obe Israɛlɛ fai.

Yeremi 48:44

Wele kɛ kili ngamɛ ni ba a, hã a yu, nɛ a te sɛ kɔ gba 'du kɔ̃. Nɛ wele kɛ a hɔ nza kɔ kɔ̃ɛ ni, nɛ a ba sɛ bili. Mɛnɔ kɛ ma kpa sɛ Omoabɛ, 'da fala mi hã sɛ etumbui hã wa gɛ a ni.

EZEKIƐLƐ 5:12

Gba wɔ do 'dã zɛlɛ ma te sɛ ngɔ kpo mbee talɛ kɔ nɛ, nɛ wa fe sɛ dɛ kɔ le gɛ. Nɛ kpo mbee talɛ sanga nɛ gɛ, wa fe sɛ fio bolo dɛ kɛ zã le. Nɛ otala nɛ wa pɛsɛ sɛ ndɛ̃ ndɛ̃ dɛ falanɔ vɛ̃. Nɛ mi nɛ sɛ 'dɔkɔlɔ wa do du kɔya 'da mi.

OZE 4:10

Nɛ nyɔngɔ sɛ mɔ gbaa, nɛ nde zã nɛ hɛ̃́ sɛ gɔ. Nɛ dɛ sɛ ndumba we dɔnggɔ do ogale e kuli benɔ gbaa, nɛ nde nɛ kó sɛ obe olo nɛ gɔ. We kɛ nɛ bɛ̃a gɛnɛ mi NWA, nɛ nɛ nɛa 'do ogele galenɔ.”

Levitɛnɔ 26:26

Mi dɛ sɛ na, nɛ zɔlɔ nyɔngɔmɔ. Owuko 'bu, wa zanga sɛ mapa, nɛ nde mapa ni sɛ a bi sĩ, nɛ wa dɔ sɛ ma vɛ̃ dɛ kɔ furu kpo iko. Nɛ nɛ nyɔngɔ sɛ ma, nɛ nde zã nɛ ma hɛ̃́ sɛ gɔ.

AZE 1:6

Nɛ mi okpalɛ wena, nɛ nde ma kó ngboo gɔ. Nɛ nyɔngɔ mɔ, nɛ nde zã nɛ hɛ̃́ gɔ. Nɛ nɛ 'bɔ do ngbongbo dɔ̃ takɔ nɛ nɔ, hã nɛ dɛ yangga bina. Nɛ 'bɔ do dia tulu, takɔ nɛ kele do tɛ nɛ tɛ gɛ̃ɛ bina. Nɛ mbili kɛ wi dɛa to kpa olo dɛa toe 'da a ni, ma dɛ̃ dɔa kɔ̃ tũ gɔ, ɔ nɛ kɛ go'do koe 'da a 'dɔ 'dɔla ni!

AZE 2:16

nɛ mɛ nɛ kpa zi olo toe 'da nɛ ni a ge nde? Fala kɛ wele kũ zi yangga, we kala sanggi kpalɛ 'bu nɛ bɔa, nɛ a kpa tati a sanggi 'bu iko. Nɛ fala kɛ wele nɛ we so litrɛ dɔ̃ 'bu nɛ mɔlɔ kɔ kpana dɔ̃ɛ, nɛ a kpa tati a litrɛ 'bu nɛ bɔa iko.