Mike 6:11 - WE NU GALE 1995

¹¹ Fala kɛ wa ba 'dã kilo, hã wa zũ do mɛnɔ 'da owinɔ, nɛ nde mi zɔ́ sɛ wa nɛ́ odia wi gɔ.

Mike 6:11 Iomraidhean Croise

GBA WENƆ 11:1

Gale sɛnɛ wi be gole kɛ a e mɔ nu kilo do bɛlɛ ni. Nɛ nde a kɔ̃a wele kɛ a e ma do gbãlã we ni.

GBA WENƆ 16:11

NWA Gale kɔ̃a na, kilonɔ kɛ wa we do mɔ ni, ma ɔ a dia. A wele nɛ, a wia dĩ mɛnɔ ia.

GBA WENƆ 20:10

NWA sɛnɛ wi kɛ a fo nu kilo mɛnɔ 'da winɔ ni.

EZEKIƐLƐ 45:10

“Ma wia na, wele do wele dɛ to do mɔ we do mɔ kɛ ma a dia ngboo ni.

OZE 12:7

Ma kɛ nɛ obe zã Yakɔbɔ, nɛ kpóló tɛ nɛ dɛ 'da Gale 'da nɛ. Nɛ bé dia zã, nɛ nɛ dɛ́ bɔlɔ zu dɛa mɔ, nɛ nɛ gbíní zã nɛ do a Gale 'da nɛ.

Levitɛnɔ 19:36

Nɛ 'dafa kilo 'da nɛ, do mɔ we do mɔ, do tɛlɛ tɛ kɛ ma wia ni. Mi a NWA Gale 'da nɛ, kɛ mi fua zi nɛ ngɔ nù Ezipeto dɛ nza ni.

AMƆSI 8:5

Nɛ tɔ̃ do kɔ sila nɛ na: “Ɛngga mbé zɛkɛ ma e dɔ̃, takɔ lɛ be gole blenɔ 'da lɛ.” Nɛ nɛ kɔ̃a 'bɔ na, kɔ̃ tũ ɔmɔ tɛ wi ma la do'do, takɔ nɛ hũi nu kpalɛnɔ 'da nɛ, kɔ nɛ be gole nɛ. Nɛ ngba'bala tɛ mɔ we do mɔ golenɔ 'da nɛ hã owinɔ, nɛ nɛ zũ 'bɔ nu kiloe 'da wa.

ZAKARIA 5:8

Nɛ anzɛ ni tɔ̃ hã mi na: “Wuke ni, a be a 'dã mɔ.” A nɛa we tɔ̃ ni do'do, nɛ a isi wuke ni dɛ kɔ gã yele i, nɛ a kpe nu nɛ dɛ olo nɛ.

Mbulanɔ 25:13

“'Da fala nɛ ma ngɔ we kilo, tabi we 'da du mɔ nde, nɛ nɛ tɛ zũ nu nɛ gɔ.