Mike 6:10 - WE NU GALE 1995

¹⁰ Mi kɔ̃̀ na, o'dã wele wa kala odia mɔ do 'dã wala, nɛ wa ngɛmɛ ma dɛ kɔ tɔa 'da wa gɔ. Mi bɛ̃a na, wa tɛ zṹ owinɔ do 'dã kilo 'da wa gɔ.

Mike 6:10 Iomraidhean Croise

GBA WENƆ 10:2

Dia mɔ kɛ wele kpa do wala zũ ni, ma gálá a gɔ, tati a dia mɔ kɛ wele kpa do bɔlɔ wala ni, sɛ nɛ ma gala a de.

GBA WENƆ 11:1

Gale sɛnɛ wi be gole kɛ a e mɔ nu kilo do bɛlɛ ni. Nɛ nde a kɔ̃a wele kɛ a e ma do gbãlã we ni.

GBA WENƆ 20:10

NWA sɛnɛ wi kɛ a fo nu kilo mɛnɔ 'da winɔ ni.

GBA WENƆ 20:23

Gale sɛnɛ wi be gole kɛ a e mɔ nu kilo do bɛlɛ ni wena.

GBA WENƆ 21:6

Wi kɛ a 'bili bɛlɛ, nɛ a ɔlɔ ngba a takɔ a kpa mɔ wena ni, a zɔlɔ hã zã, nɛ a fa fio.

AMƆSI 3:10

Owi Samaria wa ĩ̀ ti bɔlɔ zu dɛa mɔ gɔ. Wa zũ mɔ kɔ̃ winɔ, tabi wa kala ma kɔ̃ wa do nga nɛ, nɛ wa ngɛmɛ ma vɛ̃ dɛ kɔ ogã tɔanɔ 'da wa.

AMƆSI 3:9

NWA tɔ̃a na: “Nɛ nɛ́, hã nɛ sa mbula hã wanɔ kɛ wa ɔ kɔ tɔa nwanɔ tɛ le Asdɔdɛ do ngɔ nù Ezipeto ni, nɛ nɛ mbésé wa na, wa ngbolo li ngba wa dɛ ngɔ kala kɛ zã le Samaria, kɔ wa zɔ ogili 'dã mɛnɔ owi Samaria wa dɛ, do tɛlɛ tɛ kɛ wa zɛlɛ tɛ ngba wa ni.

Mike 6:9

Nɛ zélé wenɔ kɛ NWA Gale tɔ̃ hã Owi kɔ gã le gɛ! We kɛ wenɔ ni, ma gala sɛ owinɔ wa yu kili a yu ni. NWA tɔ̃a na: “Aa nɛ, owinɔ kɛ nɛ mba li ngba nɛ dɛ kɔ gã le gɛ, nɛ zélé mi sɛ!

SOFONI 1:9

Nɛ mi hã sɛ etumbu hã owinɔ kɛ wa dɛ mɔ tɛ wa ɔ nɛ opaganɔnɔ ni, do wanɔ kɛ wa zũ mɛnɔ, tabi wa kala kpamɛnɔ 'da gele winɔ do nga zu, we a kɔ tɔa 'da nwa 'da wa ni.”

ZAKARIA 5:6

Nɛ mi aka a na: “Ki ni a ge nde?” Nɛ a gese na: “Mɛ a gã yele kɛ ma dunu do 'dã mɛnɔ 'da winɔ ngɔ nùi gɛ vɛ̃.”

Yozue 7:1

NWA ba zi nu a hã obe Israɛlɛ na, wa 'danga le Yeriko, do mɛnɔ kɔ nɛ ni vɛ̃. Nɛ nde ombe sanga wa wa dɛ̃ mbula olo nu NWA gɔ. Mbe wele kpo, li a a Akanɛ, a kala ombe mɛnɔ do mɔ́ a. We duzu ma, nɛ dã ba NWA dɛ tɛ obe Israɛlɛ wena. Akanɛ zi a nu fɛlɛ Zera, kɔ nu kpala Yuda. A a be 'da Karmi, nɛ a 'bɔ a be yaa a Zabdi.