Mike 5:8 - WE NU GALE 1995

⁸ Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

Mike 5:8 Iomraidhean Croise

Ndo Nyanga Dɛ Mɔ 49:9

Mɔ, Yuda, be 'daa, mɔ ɔ nɛ be wili gbɔgbɔ, kɛ a yula tɛ gbɛ sa'de, nɛ a kasa nyanga a, nɛ a ɔ nù ni. Wi kɛ a wia we fo a na, a kulu ngɔ, wi a wio nde?

Zumanɔ 104:20

Mɔ tombo tũ fala, nɛ tũ tũ, nɛ osa'de zamɛnɔ wa ma ngɔ yɛnggɛ nɛ.

Zumanɔ 44:5

Aa Gale, mɔ a nwa 'da mi. Mɔ ba nu mɔ kpo, nɛ owinɔ 'da mɔ wa nɛ ngɔ Owi sɛnɛ wa.

Zumanɔ 50:22

“Nɛ, winɔ kɛ ta zu nɛ ila ngɔ mi Gale ni, nɛ zélé gulu we gɛ ɔ dia. Ní gɔ, nɛ mi ɛ̃ sɛ sanga nɛ, nɛ́ nde wele kpo ámbá sɛ mi gɔ.

Ezai 5:29

Mɔ zele gɛlɛ wa, nɛ mɔ lengge na, mɛ a gɛlɛ ogbɔgbɔ. Wa he mɔ ɔ nɛ naa gbɔgbɔ, kɛ a o dã, nɛ a ba sa'de, nɛ a la do a, nɛ nde fo wi ba a nu a bina ni.

EZEKIƐLƐ 39:10

Nɛ Owele wa nɛ́ sɛ 'bɔ fɔ we fa gua gɔ, nɛ wa nɛ́ sɛ 'bɔ zã kɔlanɔ we 'bili gua gɔ. We kɛ wa kala sɛ mɔ bi do bolonɔ ni, nɛ wa dã do we 'da wa. Wa kala sɛ odia mɔ tɛ osodanɔ kɛ wa kala zi tɛ mɛ 'bɔ odia mɔ tɛ wa ni, nɛ wa si do ma. Mi NWA Gale, mi tɔ̃a ni.”

OZE 5:14

Mi nwa, mi bi sɛ Oisraɛlɛ do Oyuda, ɔ nɛ kɛ gbɔgbɔ bi do sa'de ni. Nɛ mi do tɛ mi, mi ɛ̃ sɛ sanga wa, nɛ mi la do wa, nɛ nde fo sɛ wi kala wa kɔ̃ mi bina.

Mike 2:12

Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 4:13

NWA Gale tɔ̃a hã owi Yeruzalɛmɛ na: “Nɛ kúlú ngɔ dɛ tɛ Owi sɛnɛ nɛ, nɛ nɛ ha ngamɔ hã wa. Mi dɛ sɛ na, nɛ nganda ɔ nɛ wili ngɔmbɔ, kɛ zamba zu a do tambala nyanga a nganda nɛ́ mɔ bolo ni. Nɛ nɛ gbɛ sɛ ogele winɔ wena. Nɛ kala sɛ odia mɛnɔ, kɛ wa zũ zi kɔ̃ Owele ni, nɛ nɛ dɔnggɔ sɛ do mi Gale, kɛ mi a NWA ngɔ omɛnɔ nù gɛ vɛ̃ ni.”

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

ZAKARIA 10:5

Wa nganda sɛ li bole wena, nɛ wa nɛ sɛ ngɔ owi sɛnɛ wa, nɛ wa ma wa do nyanga wa dɛ 'dɔ 'bɛ̃tɛ̃ li walanɔ. Nɛ gɛnɛ kɔ ogele soda kũ mbalatanɔ, nɛ wa nɛ sɛ ngɔ wa. We duzu kɛ mi nwa, mi fala nɛ kpo do wa li bole.

ZAKARIA 11:6

(Mi nwa mi tɔ́a na: “Mi ĩ́ sɛ 'bɔ 'bako hã owinɔ ngɔ nù gɛ gɔ. Mi a sɛ wa ti mbula 'da Onwanɔ 'da wa. Nɛ Onwanɔ wa 'danga sɛ nùi, nɛ nde mi kpásá sɛ wele kpo ti kɔ wa gɔ.”)

ZAKARIA 12:3

Nɛ nde do 'da fala ni, mi nwa, mi dɛ sɛ na, Yeruzalɛmɛ ɔ nɛ ta kɛ ma dĩlĩ wena ni. Nɛ owinɔ kɛ wa fa sɛ we ba ma dɛ ngɔ ni, ma e sɛ dani tɛ wa. Nɛ ogele winɔ vɛ̃ wa zɔ sɛ ní, nɛ wa mba sɛ li ngba wa we bi Yeruzalɛmɛ.

ZAKARIA 14:18

Nɛ fala kɛ Oezipeto wa nɛ̀ tɛ Yeruzalɛmɛ i we dungu ɛngga Ɔ ti Da gɔ, nɛ kpo 'dã zɛlɛnɔ ma ba ogele winɔ wa bɛ̃a we dungu ɛngga Ɔ ti Da ni, ma ba sɛ wa.

ZAKARIA 9:15

NWA ngɔ mɔ nyanga nza vɛ̃ a zɔ sɛ mɔ tɛ owinɔ 'da a. Nɛ a ndɔlɔ sɛ owi sɛnɛ wa do lasi, nɛ a gbɛ wa. Owinɔ 'da a wa e sɛ dani tɛ owi sɛnɛ wa, nɛ tɔkɔ tɛ wa ma fo sɛ nɛ́ lì dɔ̃, tabi nɛ́ tɔkɔ tɛ sa'de kɛ ma dunu bila, nɛ wa kpã ma dɛ li gbala gbagala ni.

Tɔlɔ Mɔ 24:9

Wa ɔ nɛ gbɔgbɔ kɛ a ɔ nù, nɛ nde fo wi tɔ̃ na, a kulu ngɔ bina ni. “Wi kɛ a wélé nu a tɛ obe Israɛlɛ, nɛ Gale a wele sɛ nu a tɛ̃ a. Wi kɛ a fɔ́mbɔ́ obe Israɛlɛ, nɛ Gale a fɔmbɔ sɛ a.”

MATIE 10:14

Kɔ nɛ hɔ kɔ mbe le tabi mbe tɔa kpo, kɔ wa kɔ̃̀ gɛnɛ nɛ gɔ, tabi wa kɔ̃̀ we zele we nu nɛ gɔ nde, nɛ nɛ lá fala ni, nɛ nɛ fɛ́lɛ́ nù tambala nyanga nɛ hã wa we be na, wa dɛ̀ de gɔ.

Owi Nɛ Tonɔ 18:6

Nɛ Yudanɔ wa bɛ̃a we nu a do'do, nɛ wa dã a. Ma kɛ a yaka tulu tɛ̃ a, nɛ a tɔ̃ a hã wa na: “Fala kɛ nɛ yɔ wala 'da Gale, nɛ nde ma zɔ̀ mi gɔ. Mɛ a we 'da nɛ zu nɛ kpo. Kɔ mi nɛ la kɛ 'da mi, we be we hã wanɔ kɛ wa a Oyuda gɔ ni.”

OHEBRE 12:25

Kɔ nɛ dɛ́ nganda na, dɔ nɛ bɛ̃́ we zele we nu Gale, kɛ a wele we hã nɛ ni gɔ. Mba gɔ, owinɔ wa bɛ̃a zɛ́ we zele we nu wi kɛ a gba do nu Gale hã wa ngɔ nù nga ni, wa wè zɛ́ tɛ yu etumbu gɔ. Na mɛ ni, fala kɛ lɛ zèlè we nu Wele kɛ a wele we hã lɛ yolo do li nza i ni gɔ, nɛ nde lɛ wé sɛ tɛ mɛ 'bɔ do yu ma gɔ.

OHEBRE 2:3

Ma ɔ ní, nɛ lɛ winɔ kɛ lɛ zila sako gã kpasi gɛ, nɛ lɛ lènggè nɛ gɔ ni, lɛ nɛ dɛ fala yu ngbangga 'da Gale nɛ nde? Nwa Yezu ngboo a tɔ̃a zi to kpasi ni dati, nɛ 'do nɛ, nɛ owinɔ kɛ wa zila ni, wa bia hã lɛ na, mɛ a gbãlã we.