Mike 5:7 - WE NU GALE 1995

⁷ Nɛ tala obe Israɛlɛ kɛ wa 'bana sɛ sanga ogele winɔ ni, wa nganda sɛ nɛ́ kɛ gbɔgbɔ nganda sanga osa'denɔ zamɔ 'di ni. Wa ɔ sɛ nɛ be gbɔgbɔ kɛ a hɔ ngbala obata, nɛ a ba mbe kpo, nɛ a nyɔngɔ a, nɛ nde fo wi ba tala nɛ nu a bina ni.

Mike 5:7 Iomraidhean Croise

2 SAMUƐLƐ 17:12

Lɛ kpa sɛ Davidi tɛ fala a do ma ni, nɛ lɛ ala sɛ dɛ ngɔ a, ɔ nɛ kɛ odɔla wa ala ngɔ kpalɛ ni. Nɛ lɛ gbɛ sɛ a do owinɔ 'da a vɛ̃, wele kpo yú sɛ gɔ.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

Zumanɔ 133:3

Ma dia nɛ́ mbɔɛ kɛ ma yolo ngɔ kala Hɛrmoni, nɛ ma ala dɛ zu kala Sioni ni. We kɛ Sioni a fala NWA wele do nu a tɛ owinɔ 'da a, nɛ a la wa na, wa 'bana nza fai ni.

Zumanɔ 72:6

E kɔ nwa ɔ nɛ tɛa kolo, kɛ ma tɛ dɛ ngɔ fɔnɔ, nɛ ma 'bɔ nùi ni.

GBA WENƆ 19:12

Zã nwa ngɔ nu nɔ̃lɔ̃, nɛ ma hã kili hã wele, ɔ nɛ hiamɔ gɛlɛ gbɔgbɔ ni. Nɛ nde a be dia zã 'da a, nɛ ma de tɛ wele, ɔ nɛ kolo kɛ ma tɛ dɛ ngɔ nù ni.

Ezai 32:15

Mbe tũ kpo, nɛ nwa a tombo sɛ Hi Wi 'da a dɛ ngɔ lɛ. Do fala nɛ ni, nɛ 'dã nù ma kifi sɛ dia nù, nɛ owinɔ 'da lɛ wa mi sɛ wala te di ni, nɛ fɔnɔ ma ko sɛ odia kpalɛ.

Ezai 44:3

“Mi dɛ sɛ na, kolo ma tɛ kɔ lenɔ, kɛ fo lì kɔ nɛ bina ni, nɛ ofua lì ma la do ngɔ nga kula nùnɔ. Mi tombo sɛ Hi Wi 'da mi dɛ ngɔ obe zã nɛ, nɛ mi wele sɛ nu mi tɛ nu fɛlɛ nɛ.

Ezai 55:10

“Wila we nu mi ma ɔ nɛ tɛa kolo tabi kuti kɛ ma yolo li nza i, nɛ ma ala, nɛ ma 'bɔ nùi, nɛ ma dɛ na, kpalɛnɔ ma gã, nɛ ma ko mbé kpalɛ na owinɔ wa mi ma, nɛ ma hã 'bɔ nyɔngɔmɔ hã wa ni.

Ezai 66:19

Nɛ mi be sɛ dɛa to nwa 'da mi hã wa. Nɛ owanɔ kɛ wa kpasa sɛ li ngbangga 'da mi ni, mi tombo sɛ wa ndũu dɛ ngɔ nùnɔ 'da Otarsisi, Opulɛ, do Oludɛ kɛ wa ĩ ti da kpili wena ni. Nɛ mi tombo sɛ 'bɔ wa ndũu tɛ kɔ ngolo lì, tɛ 'da Otubalɛ do Ogrɛkɛ, do tɛ falanɔ vɛ̃ kɛ wa zèlè mbe lɛnggɛ 'da mi fala kpo gɔ ni. Nɛ wa be sɛ dɔ̃lɔ̃ li 'da mi hã owinɔ i mɔ ni.

Yeremi 14:22

Mɔ zɔ́ ogale bɛlɛnɔ 'da gele winɔ, mbe sanga wa ni wia we fi kolo nde? Li nza tombo kolo dɛ nù nga tumba nde? Ɔ̃ ɔ̃, wi a mɔ NWA Gale 'da lɛ, mɔ zu mɔ kpo a mɔ dɛ mɛnɔ ni vɛ̃. Ma kɛ lɛ gbini zã lɛ do mɔ ni.”

EZEKIƐLƐ 14:22

Nɛ gɛnɛ kɔ na mɛ ni, nɛ nde mbe Owele, Owi wili do owuko wa 'bana sɛ. Wa fua wa kɔ le dɛ nza, nɛ wa kala wa do 'duli, nɛ wa hɔ sɛ 'da nɛ tɛ kɔlɔ 'duli gɛ. Nɛ 'da fala nɛ zɔ sɛ dɛa mɔ tɛ wa, do 'dã mɛnɔ wa dɛ ni, nɛ nɛ ĩ sɛ ti gulu kɛ mi tumba gã 'bakonɔ ni vɛ̃ dɛ ngɔ Yeruzalɛmɛ ni, nɛ nɛ kɔ sɛ gɛnɛ nɛ.

EZEKIƐLƐ 47:1

Nɛ wi ni la do mi dɛ nu ngbo Tɛmpɛloe, nɛ mi zɔ lì ma fo do kɔ tɔa Tɛmpɛloe, nɛ ma la si 'biti gba wese. We kɛ dati Tɛmpɛloe ma siki si 'biti gba wese. Nɛ lì ni ma zĩlĩ do kɔ Tɛmpɛloe si ngawili kɔ, nɛ ma fo do kɛ zã gbagala si ba gɔtɔ.

EZEKIƐLƐ 5:5

“Nɛ zélé we mi NWA Gale, mi tɔ̃ gɛ: Mi ia le Yeruzalɛmɛ dɛ gbogbo nùi, nɛ ogele nùnɔ zĩ ma takpa.

DANIƐLƐ 11:32

Nwa ni a ɔlɔ sɛ winɔ, nɛ a dɛ na wa bɛ̃ gɛnɛ sambala 'da wa. Nɛ nde wanɔ kɛ wa ba sila wa hã Gale ni, wa 'bana sɛ do kɔ̃a we 'da wa, nɛ wa bɛ̃ sɛ gɛnɛ a.

OZE 14:5

NWA tɔ̃a na: “Mi kpasa sɛ Oisraɛlɛ, nɛ wa síkí sɛ 'bɔ 'do wa hã mi gɔ, nɛ mi kɔ̃ sɛ gɛnɛ wa do sila mi kpo, nɛ zã mi nɔ̃́lɔ̃́ sɛ 'bɔ dɛ tɛ wa gɔ.

OZE 6:3

Kɔ lɛ dɛ́ nganda we ĩ ti NWA, nɛ lɛ kɔ̃ gɛnɛ a. Lɛ tɛ bà kafi gɔ, a hɔ nɛ! A zɔ́lɔ́ sɛ gɔ, ɔ nɛ kɛ titole kpo kpo, nɛ wese zɔ́lɔ́ tɛ gba nɛ gɔɛ ni. A hɔ sɛ 'da lɛ nga, nɛ a ɔ sɛ nɛ kolo, kɛ ma tɛ dɛ zu kpalɛnɔ ni.”

AMƆSI 5:15

Nɛ bɛ gɛnɛ 'dã mɔ, nɛ nɛ kɔ̃ gɛnɛ dia mɔ. Nɛ fá gbãlã we 'da fala 'bili we. Nɛ dɛ ní, nɛ Gale, NWA ngɔ nyanga nza vɛ̃, a wia sɛ we be dia zã 'da a we tala nu kpala obe Israɛlɛ.

Mike 2:12

Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 4:13

NWA Gale tɔ̃a hã owi Yeruzalɛmɛ na: “Nɛ kúlú ngɔ dɛ tɛ Owi sɛnɛ nɛ, nɛ nɛ ha ngamɔ hã wa. Mi dɛ sɛ na, nɛ nganda ɔ nɛ wili ngɔmbɔ, kɛ zamba zu a do tambala nyanga a nganda nɛ́ mɔ bolo ni. Nɛ nɛ gbɛ sɛ ogele winɔ wena. Nɛ kala sɛ odia mɛnɔ, kɛ wa zũ zi kɔ̃ Owele ni, nɛ nɛ dɔnggɔ sɛ do mi Gale, kɛ mi a NWA ngɔ omɛnɔ nù gɛ vɛ̃ ni.”

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 5:8

Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

SOFONI 3:13

Tala obe Israɛlɛ kɛ wa 'bana sɛ do tunu li wa ni, wa dɛ sɛ mɔ tɛ wa do bɔlɔ nɛ, wa tɔ̃́ sɛ bɛlɛ gɔ, nɛ wa ɔ́kɔ́lɔ́ sɛ wele do lɛnggɛ nu wa gɔ. Wa kpa sɛ dia dungu, nɛ wa ɔ sɛ nù do gɛ̃a sila, nɛ nde fo sɛ wi a kili tɛ wa bina.”

ZAKARIA 14:8

Do 'da fala ni, nɛ fua lì ma go'do sɛ kɔ le Yeruzalɛmɛ, nɛ ma gɔnɔ sɛ sanga tɛ ngbɛ ɛ dɛ gbogbo, nɛ mbe kpo fo dɛ 'dɔ gba lì Ndɔ Fio, nɛ mbee nɛ fo dɛ 'dɔ gba lì Meditɛrane. Nɛ gɛnɛ kɔ zɔlɔ sabɛlɛ, tabi zɔlɔ lì kolo, nɛ nde ma fo sɛ fua fai.

ZAKARIA 9:13

Mi e sɛ Oyuda ɔ nɛ nzabele bolo, nɛ Oisraɛlɛ sɛ a kpili li nɛ. Mi ba sɛ Owi Yeruzalɛmɛ dɛ kɔ̃ mi nɛ́ du kɔya bolo ni, nɛ mi bi sɛ Owi Grɛsɛ.”

MATIE 28:19

Kɔ nɛ nɛ́, hã nɛ bé we hã onu kpala winɔ ngɔ nù gɛ vɛ̃, takɔ wa hɔ owinɔ 'da mi. Nɛ bátísá wa do zu li Baa, do Be, do Hi Wi Santo.

Owi Nɛ Tonɔ 11:15

A tɔ̃a ni do'do, nɛ mi ma ngɔ be we hã wa, nɛ Hi Wi Santo zĩlĩ ngɔ wa, ɔ nɛ kɛ a zĩlĩ zi tɛ mɛ 'bɔ dɛ ngɔ lɛ dati ni.

Owi Nɛ Tonɔ 13:46

Nɛ Polo do Barnabasi wa tɔ̃ hã wa do kpã sila vɛ̃ na: “Ma wia sɔ na, lɛ be we nu Gale hã nɛ dati. Nɛ nde nɛ bɛ́a ma, nɛ nɛ 'bili we 'da nɛ na, nɛ wè we kpa kpasi kɛ ma é gɔɛ ni gɔ, kɔ ma a dia. Kɔ lɛ la sɛ dɛ 'da owinɔ kɛ wa a Oyuda gɔ ni.

Owi Nɛ Tonɔ 16:9

Kɔ wa tɛ ɔ nù do tũi, nɛ Gale bia mɔ li Polo kɔ yalɛ, nɛ a zɔ mbe wi Masedɔanɛ kpo, a yula dɛ dati a, kɔ a tɔ̃ hã a na: “Mɔ ku lì dɛ Masedɔanɛ i, kɔ mɔ gálá lɛ!”

Owi Nɛ Tonɔ 9:15

Nɛ Nwa tɔ̃ hã a na: “Mɔ nɛ́, we kɛ mi saka a do wi toe 'da mi, takɔ a yɛnggɛ we be zu li mi hã obe Israɛlɛ, do ogele nu kɔnggɔnɔ, do Onwanɔ 'da wa.

ROMA 10:20

Dɛ ngɔ nɛ, Ezai tɔ̃a 'bɔ na: “Gale tɔ̃a na: ‘Winɔ kɛ wa fà zɛ́ mi gɔ ni, wa kpa mi ia. Nɛ mi bia tɛ mi hã winɔ kɛ wa àkà zɛ́ we ĩ ti mi gɔ ni.’ ”

ROMA 11:12

'Dã mɛ 'da Oyudanɔ hũi wala hã winɔ nù gɛ vɛ na, wa kpa dia mɔ kɔ̃ Gale. Nɛ yɔa ti dɛa mɛ 'da Oyudanɔ hã wala hã ogele winɔ na, wa kpa 'bɔ dia mɛnɔ ni. Na mɛ ni, kɔ fala kɛ Oyudanɔ wa gili tɛ wa vɛ dɛ ngɔ wala kpasi, nɛ nde dia mɛnɔ kɛ Gale a hã sɛ hã owinɔ ni, ma gá sɛ la li gɔ nde?

ROMA 9:30

Kɔ lɛ nɛ tɔ̃ na ge nde? Lɛ wia tɛ tɔ̃ na, owinɔ kɛ wa a Oyuda gɔ, nɛ wa fà we hɔ owi bɔlɔ zu li Gale gɔ ni, Gale dɛa na, wa hɔ owi bɔlɔ zu li a, we kɛ wa kɔ̃a zu li Yezu Kristo.

1 KORINTƐ 3:6

Ma ɔ nɛ kɛ mi mi kpalɛ, nɛ Apolosi a lì zu nɛ, nɛ Gale dɛa na kpalɛ gã ni.

Mbulanɔ 32:2

Ombulanɔ mi be ni, ma 'bɔ sɛ nùi, ɔ nɛ kɛ kolo tɛ, nɛ ma 'bɔ Okpalɛnɔ ni. Bia wenɔ 'da mi ma ala sɛ ɔ nɛ kɛ mbɔɛ ala dɛ zu wɔkɔsɔnɔ, nɛ ma 'bɔ zu nɛ ni.

Owi kpe dati 6:36

Nɛ Zedeoni tɔ̃ hã Gale na: “Mɔ tɔ̃a zi na, mɔ fo sɛ lɛ, obe Israɛlɛ ti kɔ̃ owi sɛnɛ lɛ do wala 'da mi.