Mike 5:6 - WE NU GALE 1995

⁶ Tala obe Israɛlɛ kɛ wa 'bana sɛ do tunu li wa ni, wa kpasa sɛ ogele winɔ kɛ zã wa ni, ɔ nɛ kɛ kolo tabi mbɔɛ ma kpasa do wɔkɔsɔnɔ ni. Wa gbini sɛ zã wa do Gale, nɛ nde wa gbíní sɛ zã wa do wele gɔ.

Mike 5:6 Iomraidhean Croise

2 Onwanɔ 15:29

Do ngba soe kɛ Peka dungu zi nwa ngɔ Oisraɛlɛ ni, nɛ Teglatɛ-Falasarɛ, nwa ngɔ nù Asiri bi zi olenɔ gɛ: Yoni, Abɛlɛ-Bɛtɛ-Maka, Yanoa, Kedɛsi do Hasɔrɛ, nɛ a kala ma do mɔ a. Nɛ a bi zi nù Galadɛ, Galile, do Nɛftali vɛ̃. Nɛ a kala owi kɔ lenɔ ni, nɛ a tombo wa kɔlɔ 'duli tɛ ngɔ nù Asiri.

1 Sakonɔ 1:10

Kusi zi 'bɔ a baa Nɛmrɔdɛ. Nɛmrɔdɛ ni zi a kuti gã nwa ngɔ nù gɛ.

2 Sakonɔ 33:11

NWA zɔa na mɛ ni, nɛ a tombo ogã wi ngɔ sodanɔ 'da nwa ngɔ nù Asiri na, wa bi Manase do owinɔ 'da a. Wa ba Manase, nɛ wa gbo 'bangga a, nɛ wa kɔ'bɔ mɔ ɔ nɛ kunggu ni tɛ nɛ, nɛ wa ɛnzɛ a kpolo kpolo, nɛ wa la do a dɛ ngɔ nù Babilonia i.

YƆBƆ 29:22

'Da fala mi da nu mi tɛ wila we, nɛ nde fo mbé wi wele we bina, we kɛ wila we 'da mi lia wa vɛ̃ ia.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

Zumanɔ 72:6

E kɔ nwa ɔ nɛ tɛa kolo, kɛ ma tɛ dɛ ngɔ fɔnɔ, nɛ ma 'bɔ nùi ni.

Ezai 14:2

Ogele winɔ wa gala sɛ obe Israɛlɛ, nɛ wa kã sɛ wa dɛ ngɔ nùi kɛ NWA Gale hã zi ma hã wa ni. Wa hɔ i mɔ, nɛ obe Israɛlɛ wa kala sɛ owinɔ wa gala wa ni do ngbá. Owinɔ wa kala zi obe Israɛlɛ do ngbá ni, obe Israɛlɛ wa kala sɛ wa do ngbá, nɛ wa e sɛ 'bɔ mbula ngɔ winɔ wa ia zi mbula ngɔ wa ni.

Ezai 14:25

Oasiri wa ba nùi 'da mi, nɛ nde mi dɛ sɛ na, ngawi 'da wa ma e, nɛ mi ma sɛ wa do nyanga mi tɛ ngɔ kalanɔ 'da mi 'di. Wa hã ngamɔ hã owinɔ 'da mi, wa ia mbula ngɔ wa, nɛ wa ia dĩ tole zu 'baka wa. Nɛ nde mi kpasa sɛ winɔ 'da mi ti kɔ̃ wa, nɛ mi fo sɛ dĩ tole zu 'baka wa do'do.”

Ezai 33:1

Aa nɛ, owi sɛnɛ lɛ, nɛ kpa sɛ 'bako. Nɛ 'danga mɛnɔ 'da owinɔ 'da lɛ vɛ̃, nɛ nde wele 'dàngà mbe mɔ mɔ nɛ ɔ ni fala kpo gɔ. Nɛ vũ to tɛ wa, nɛ nde wele vũ̀ mbe kuti to tɛ nɛ gɔ. Kɔ nɛ ĩ́ na, fala kɛ nɛ 'danga mɛnɔ vɛ̃ do'do, nɛ Owele wa 'danga sɛ tɛ mɛ 'bɔ mɛnɔ 'da nɛ. Nɛ vũ sɛ to tɛ wa gbaa, nɛ do ndɔti nɛ, Owele wa vũ sɛ tɛ mɛ 'bɔ to tɛ nɛ.

Ezai 37:36

'Do nɛ, nɛ anzɛ 'da NWA nɛa tɛ fala ɔi 'da osoda Asiri, nɛ a gbɛ wa koto kama do 'bu wa ngbɛ'dɛ'dɛ ngɔ wa mɔlɔ. Nɛ fala sa do titole, nɛ Owi Yeruzalɛmɛ wa kulu ngɔ, nɛ wa gbanga wɔlɔ owinɔ ni vɛ̃ do li wa.

Ezai 37:37

Nɛ nwa Sɛnakeribɛ ba nu a, nɛ wa kala mɛnɔ 'da wa, nɛ wa si nɛ dɛ Ninivɛ, gã le ngɔ nùi 'da wa Asiri.

Ezai 6:13

Gɛnɛ kɔ wele kpo sanga Owele 'bu 'bana dɛ di ni, nɛ a fe sɛ. Owinɔ ngɔ nùi ni wa ɔ sɛ nɛ te sɛnɛ kɛ wa gɔmɔ, nɛ wa la tati a zugbulu nɛ iko ni. Nɛ nde mbé bɔlɔ te kɛ ma santo, ma kunu sɛ tɛ zugbulu te ni.

Yeremi 14:22

Mɔ zɔ́ ogale bɛlɛnɔ 'da gele winɔ, mbe sanga wa ni wia we fi kolo nde? Li nza tombo kolo dɛ nù nga tumba nde? Ɔ̃ ɔ̃, wi a mɔ NWA Gale 'da lɛ, mɔ zu mɔ kpo a mɔ dɛ mɛnɔ ni vɛ̃. Ma kɛ lɛ gbini zã lɛ do mɔ ni.”

NAHUMƐ 2:11

Ninivɛ 'danga do'do. Owi kɔ nɛ wa yu, nɛ ma dɛa olo tɔa! Nɛ tɛ owinɔ wa 'bana kɔ le ni dɛa gɛ̃ vɛ̃, li wa fila, nɛ nyanga wa kungga do'do, nɛ tɛ wa tana gbulu gbulu.

SOFONI 2:13

NWA a hã sɛ 'bɔ etumbu hã Oasiri kɛ wa ɔ do si gbãlã ngɔ ni. A 'danga sɛ nùi 'da wa, nɛ a dɛ 'bɔ na, le Ninivɛ 'danga, nɛ ma kolo kpakala kpakala, nɛ ma hɔ li go.

SOFONI 3:12

Mi la sɛ dɛ sanga nɛ tati a owinɔ kɛ wa ba tɛ wa dɛ nù, nɛ wa dɔnggɔ mbula 'da mi, nɛ wa aka mi na, mi amba zu wa ni.

LUKA 1:71

a nɛ kpasa lɛ ti kɔ̃ owi sɛnɛ lɛ, a nɛ fo lɛ ti mbula 'da owinɔ wa bɛ̃a gɛnɛ lɛ ni.

LUKA 1:74

A kpasa lɛ ti kɔ̃ owi sɛnɛ lɛ na, lɛ dɛ to hã a, nɛ lɛ tɛ dɛ̀ 'bɔ toe ni do kili gɔ.

LUKA 24:27

Nɛ a ndua tɔ̃ gulu wenɔ kɛ wa kɔma zɛ́ ngɔ a kɔ 'buki 'da Mɔizɛ, do owi gba olo nu Gale ni vɛ̃ hã wa.

Mbulanɔ 32:2

Ombulanɔ mi be ni, ma 'bɔ sɛ nùi, ɔ nɛ kɛ kolo tɛ, nɛ ma 'bɔ Okpalɛnɔ ni. Bia wenɔ 'da mi ma ala sɛ ɔ nɛ kɛ mbɔɛ ala dɛ zu wɔkɔsɔnɔ, nɛ ma 'bɔ zu nɛ ni.