Mike 5:3 - WE NU GALE 1995

^3-4 Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 5:3 Iomraidhean Croise

1 Onwanɔ 14:16

A da sɛ kɔ a tɛ wa, we kɛ Yeroboamɛ dɛa 'dã mɔ, nɛ a tumba Oisraɛlɛ vɛ̃ we dɛ 'dã mɔ.”

2 Sakonɔ 30:7

Nɛ tɛ dɛ̀ nɛ́ obaa nɛ do onya nɛ, kɛ wa bɛ̃a zi olo nu NWA Gale 'da oyaa wa ni gɔ. Wa bɛ̃a zi olo nu a, nɛ a hã ngamɔ hã wa, ɔ nɛ kɛ nɛ zɔ gɛ.

Zumanɔ 67:3

nɛ owinɔ ngɔ nù gɛ vɛ̃ wa ĩ sɛ ti linggamɔ zu mɔ, nɛ wa ĩ sɛ 'bɔ na, mɔ do ngawi kpasa wa boe.

Ezai 11:11

Do ngba soe ni, nɛ NWA Gale a be sɛ 'bɔ ngawi 'da a. A gese sɛ tala winɔ 'da a, kɛ wa 'dɔlɔ zi wa kɔ ogele lenɔ, nɛ wa 'bana nza ni. A kala sɛ wa ngɔ nù Asiri, Ezipeto, Patrosi, Sudanɛ, Elamɛ, Babilonia, Hamatɛ, do olenɔ nu gba lìnɔ ni, nɛ a si sɛ do wa.

Ezai 49:6

A tɔ̃a hã mi na: “Mi kɔ̃̀ tati nɛ na, mɔ dɛ to hã mi we gese obe Israɛlɛ kɛ wa 'bana nza kɔla 'duli ni iko gɔ. Nɛ nde mi ia 'bɔ mɔ na, mɔ ɔ nɛ nyɛa we, we be li wala hã ogele winɔ, takɔ mi kpasa owinɔ, kɛ wa pɛsa do ngɔ nù gɛ vɛ̃ ni.”

Yeremi 23:5

NWA tɔ̃a na: “Mbe tũ kpo, nɛ mi saka sɛ be zã Davidi ngboo, nɛ mi e a do nwa. A sɛ do dia hã zã, nɛ a dɛ sɛ to nwa 'da a vɛ̃ do bɔlɔ nɛ.

Yeremi 31:1

NWA tɔ́a na: “Mbe tũ kpo, nɛ mi sɛ a Gale 'da nu kpala Oisraɛlɛ vɛ̃, nɛ wa sɛ a owinɔ 'da mi.

EZEKIƐLƐ 34:16

Mi nɛ sɛ, nɛ mi fa sa'de kɛ a yɔa ni, nɛ mi gese wanɔ kɛ wa hɔa nza ni dɛ olo wa. Nɛ mi a dani tɛ wele kɛ a do dani, nɛ mi dɛ zɛlɛ tɛ wele kɛ a do zɛlɛ ni, nɛ a kpa ngawi. Nɛ nde mi gbɛ sɛ wele kɛ a dɛa nɔ, nɛ a nganda wena ni. Mi sɛ a dia wi fɔmɔ bata kɛ mi zɔ mɔ tɛ nadalamɛnɔ 'da mi do bɔlɔ nɛ.”

OZE 11:8

“Aa nɛ, obe Israɛlɛ, mi nɛ bɛ̃ gɛnɛ nɛ we ge nde? Mi nɛ la nɛ we ge nde? Mi wè tɛ zɛlɛ tɛ nɛ, nɛ mi kumu nɛ, ɔ nɛ kɛ mi dɛa zi do owi kɔ le Adma do Sɛbɔimɛ ni gɔ. Mi dɛ mɔ na mɛ ni, nɛ ma yɛkɛ sɛ sila mi wena, nɛ ma hã sɛ 'bako hã mi.

OZE 2:14

Mi 'danga sɛ fɔ vinɔnɔ do fɔ figɛnɔ, kɛ a tɔ̃ na, owili ɛ wa hã ma hã ɛ ni kɔ̃ a do'do. Mi dɛ sɛ na, fɔnɔ 'da a ma kulu, nɛ osa'de zamɔ wa nyɔngɔ sɛ mɔ di ni.

OZE 2:9

A fa sɛ we kpa ngba a do owili a zãa. A dɛ sɛ nganda wena we kpa wa, nɛ nde ma wé sɛ gɔ. A zɔ sɛ ní, nɛ a tɔ̃ na: ‘Mi nɛ kpolo tɛ mi 'da kuti wili mi, we kɛ mi zi i mɔ do yangga nɛa ngɔ kɛ mi do ma ngangga gɛ.’

AMƆSI 5:15

Nɛ bɛ gɛnɛ 'dã mɔ, nɛ nɛ kɔ̃ gɛnɛ dia mɔ. Nɛ fá gbãlã we 'da fala 'bili we. Nɛ dɛ ní, nɛ Gale, NWA ngɔ nyanga nza vɛ̃, a wia sɛ we be dia zã 'da a we tala nu kpala obe Israɛlɛ.

Mike 4:4

Owinɔ wa mi sɛ kpalɛnɔ 'da wa, nɛ wa kala sɛ ma do gɛ̃a sila, nɛ fo wi tulu sɛ ngbɛ ɛ bina. Gale, NWA ngɔ mɔ nyanga nza vɛ̃ tɔ̃a ni.

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

Mike 5:7

Nɛ tala obe Israɛlɛ kɛ wa 'bana sɛ sanga ogele winɔ ni, wa nganda sɛ nɛ́ kɛ gbɔgbɔ nganda sanga osa'denɔ zamɔ 'di ni. Wa ɔ sɛ nɛ be gbɔgbɔ kɛ a hɔ ngbala obata, nɛ a ba mbe kpo, nɛ a nyɔngɔ a, nɛ nde fo wi ba tala nɛ nu a bina ni.

Mike 5:8

Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

Mike 6:14

Nɛ nyɔngɔ sɛ mɔ, nɛ nde zã nɛ hɛ̃́ sɛ gɔ, nɛ nɛ he sɛ kɔ̃a wɔ. Omɛnɔ kɛ nɛ e ngɔ ni, ma 'danga sɛ. Nɛ fala kɛ nɛ usu mɔ nde, nɛ mi tombo sɛ owi bolo, nɛ wa 'danga ma.

Mike 7:13

Nɛ tala gele nùnɔ, ma kifi sɛ li go, we duzu 'dã mɛnɔ 'da owinɔ kɛ wa ɔ ngɔ nɛ ni.

ZAKARIA 10:6

“Mi kpãlã sɛ sila Oyuda, nɛ mi kpasa sɛ Oisraɛlɛ. Mi ĩ sɛ 'bako hã wa, nɛ mi gese wa dɛ ngɔ nù olo wa. Mi be sɛ kɔ̃a zã 'da mi hã wa, nɛ ma ɔ sɛ nɛ mi bɛ̃̀ zi mbe gɛnɛ wa dati gɔ ni. Mi a NWA Gale 'da wa, mi gese sɛ nu sambalanɔ 'da wa hã wa.

MATIE 1:21

A ko sɛ bulu be, nɛ mɔ e sɛ li be ni na Yezu. We kɛ a kpasa sɛ winɔ 'da a kɔ 'dã mɛnɔ 'da wa.”

MATIE 12:50

Bulu nya mi, tabi boko nya mi, tabi naa mi, wi a wele kɛ a dɛ mɛnɔ zã baa mi, kɛ a li nza i kɔ̃a ni.”

MATIE 25:40

Nɛ mi gese sɛ hã wa na: ‘Mi tɔ̃ hã nɛ do gbãlã we na, 'da falanɔ vɛ̃ kɛ nɛ gala zi obe winɔ, kɛ wa a nya mi ni, nɛ gala zi mi!’

ROMA 8:29

Mba gɔ, a ĩ ti wa zɛ́ belee, nɛ a saka zɛ́ wa na, wa we kɔ̃ do Be 'da a Kristo, nɛ Be 'da a ni, a ɔ kuti be sanga ogba dɛlɛ nya a.