Mike 5:2 - WE NU GALE 1995

² NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

Mike 5:2 Iomraidhean Croise

Ndo Nyanga Dɛ Mɔ 35:16

Nɛ 'do nɛ, nɛ Yakɔbɔ do nu fɛlɛ kula 'da a, wa yula Betɛlɛ, nɛ wa nɛ ni gbaa, nɛ wa kɔlɔ do le wa sa li nɛ na Efrata ni. Nɛ ngba soe kula 'da Rasɛlɛ ma we, nɛ a ko bulu be. Nɛ nde kula ni ba zi tɛ̃ a wena.

Ndo Nyanga Dɛ Mɔ 35:19

'Da fala kɛ Rasɛlɛ fia, nɛ wa mi a dɛ kɛ zã wala Efrata, kɛ wa sa mbe 'bɔ li nɛ na, Bɛtleɛmɛ ni.

Ndo Nyanga Dɛ Mɔ 48:7

Mi kala Manase do Efraimɛ ɔ nɛ obenɔ 'da mi, we lengge do naa mɔ Rasɛlɛ. Mba gɔ, 'da fala kɛ mi yula zi ngɔ nù Mezopotami i, kɔ mi tɛ si ma, nɛ dati kɛ na mi hɔ kɔ le Efrata, tɛ ngɔ nù Kanana ni, nɛ naa mɔ Rasɛlɛ a fe dɛ kɔ̃ mi dɛ li wala ni. Nɛ mi mi zi a dɛ kɛ zã wala ni.” Nɛ sɔɛ gɛ, wa sa li Efrata na Bɛtleɛmɛ.

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

1 Sakonɔ 2:54

Obe zã Salma wi a owinɔ tɛ Bɛtleɛmɛ, Nɛtofa, Atrɔtɛ-Bɛtɛ-Yoabɛ, do mbe 'bɔ winɔ kɔ le Manahatɛ, do Sora,

Zumanɔ 132:6

Lɛ zila we Sanduku Gba Tɔkɛ tɛ Efrata, nɛ lɛ kpa ma dɔ̃ɔ do le Yarɛ.

Zumanɔ 90:2

Dati kɛ na mɔ dɛ okalanɔ, do nùi, do nyanga nza vɛ̃ ni, nɛ nde mɔ zi fai a Gale, nɛ mɔ 'bana sɛ Gale 'da fala fai.

Kulu Tɔa 18:21

Dɛ ngɔ nɛ, mɔ sáká kɔ owinɔ, nɛ mɔ kala wanɔ kɛ wa a wi dĩ, nɛ wa dɛ kili Gale dɛa, nɛ wa a wi bɔlɔ zu, nɛ wa dɛ́ to olo avoka gɔ ni. Wanɔ ni, mɔ é wa do owi zɔ mɔ tɛ ongba wa. Mɔ e sɛ wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Kulu Tɔa 18:25

A saka Owele kɔ obe Israɛlɛ, nɛ a a wa do owi zɔ mɔ tɛ ongba wa. A a wa ngɔ ogili wele koto kpo, kama kpo, 'bu nɛ mɔlɔ, tabi Owele 'bu.

Ezai 11:1

Nu fɛlɛ Yɛse, ma ɔ nɛ zugbulu te ni, nɛ nde mbé bɔlɔ te ma kunu tɛ nɛ. Bɔlɔ te ni, mɛ a mbé nwa kɛ wa ko sɛ a tɛ nu fɛlɛ Yɛse ni.

Ezai 53:2

Nwa kɔ̃a zi na, wi dɛa to 'da a ɔ nɛ bɔlɔ te, kɛ ma hɔa ngɔ nga nù, nɛ ma ga do dia nɛ gɔ ni. Fo dia mɔ tɛ̃ a do kɛ na, wele zɔ a, nɛ wɔ tɛ̃ a ba a ni bina.

Ezai 55:4

Mi ia zi a do nwa ngɔ onu kɔnggɔ winɔ, nɛ a zi a wi kpe dati wa. Nɛ mi bia zi ngawi 'da mi hã owinɔ do wala 'da Davidi ni.

Ezai 7:14

Nɛ ĩ́ na, NWA do tɛ̃ a ngboo, a dɛ sɛ mɔ hã nɛ. Be zɔnga a ba sɛ zã, nɛ a ko bulu be, nɛ a e li a na Emanuɛlɛ, gulu nɛ na: ‘Gale do lɛ boe.’

Yeremi 30:21

Mbe nya nɛ ngboo dɛ sanga nɛ ni, a hɔ a sɛ nwa ngɔ nɛ. Mi hã sɛ wala hã a, nɛ a kɔlɔ sɛ do mi. Mba gɔ, wi kɛ mi hã wala hã a gɔ, kɔ a kɔlɔ do mi, nɛ nde a fa fio. Nɛ sɛ a owinɔ 'da mi, nɛ mi sɛ a Gale 'da nɛ. Mi nwa, mi tɔ́a ni.”

OZE 6:3

Kɔ lɛ dɛ́ nganda we ĩ ti NWA, nɛ lɛ kɔ̃ gɛnɛ a. Lɛ tɛ bà kafi gɔ, a hɔ nɛ! A zɔ́lɔ́ sɛ gɔ, ɔ nɛ kɛ titole kpo kpo, nɛ wese zɔ́lɔ́ tɛ gba nɛ gɔɛ ni. A hɔ sɛ 'da lɛ nga, nɛ a ɔ sɛ nɛ kolo, kɛ ma tɛ dɛ zu kpalɛnɔ ni.”

AMƆSI 9:11

NWA tɔ̃a na: “Mbe ngba soe kpo, nɛ mi 'dafa sɛ nu kpala Davidi kɛ ma kumu, nɛ ma ɔ nɛ olo tɔa ni, nɛ ma de sɛ 'bɔ dɛ olo nɛ. Mi kpe sɛ oholonɔ, nɛ mi bɔlɔ sɛ dɛlɛ tɔanɔ. Mi 'dafa sɛ ma na, ma de 'bɔ ɔ nɛ kɛ zi dati ni.

Mike 4:10

Gbãlã we, nɛ Owi Yeruzalɛmɛ, nɛ bí tɛ nɛ, nɛ nɛ hé mɔ ɔ nɛ wuko kɛ a do zɛlɛ kula ni. We kɛ wa kala sɛ nɛ kɔ gã le 'da nɛ dɛ nza, nɛ nɛ ɔ sɛ do ngɔ fɔnɔ, nɛ wa 'dɔlɔ sɛ nɛ gbaa dɛ Babilɔnɛ i. Nɛ nde i mɔ ni, NWA a kpasa sɛ nɛ, nɛ a fo sɛ nɛ ti mbula 'da owi sɛnɛ nɛ.

ZAKARIA 13:7

NWA ngɔ mɔ nyanga nza vɛ̃ tɔ̃a na: “Aa du kɔya, mɔ sí ngɔ, nɛ mɔ gbɛ́ wi fɔmɔ batanɔ kɛ a dɛ toe do mi ni. Mɔ gbɛ́ a, nɛ obatanɔ wa pɛsɛ sɛ ndɛ̃ ndɛ̃. “Mi NWA, mi bi sɛ owinɔ 'da mi,

ZAKARIA 9:9

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ kaliã. Nɛ zɔ́ nwa 'da nɛ, a tɛ tɛ nɛ. A a wi bɔlɔ zu, nɛ a nɛa ngɔ owi sɛnɛ a li bolo. Nɛ nde a ba tɛ̃ a dɛ nù, nɛ a kũ ngɔ be punda.

MATIE 2:1

Wa kua Yezu tɛ Bɛtleɛmɛ, ngɔ nù Yude, do 'da fala kɛ Herodɛ zi a nwa ni. 'Do kula 'da a, nɛ Owi hã zã kɛ wa yambala zi gulu osɔlanɔ ni, wa yula si 'biti gba wese, nɛ wa hɔ tɛ Yeruzalɛmɛ.

MATIE 2:6

‘Aa mɔ, le Bɛtleɛmɛ, ngɔ nù Yude, mɔ a be le sanga olenɔ ngɔ nù Yude gɛ gɔ. We kɛ mɔ ko sɛ gã nwa kɛ a kpe sɛ dati winɔ 'da mi, obe Israɛlɛ ni.’ ”

MATIE 28:18

Nɛ Yezu tili dɛ 'da wa, nɛ a tɔ̃ hã wa na: “Gale hã ngawi ngɔ mɛnɔ li nza i, do kɛnɔ nù gɛ vɛ̃ hã mi.

LUKA 23:2

Wa hɔa i mɔ, nɛ wa ma ngɔ kala we dɛ ngɔ a dɛlɛ wena na: “Lɛ kpa wi ge tɛ vĩ zu owinɔ 'da lɛ. A tɔ̃ hã wa na, wa tɛ fùtà takoe hã gã nwa ngɔ nù Roma gɔ. Nɛ a ba tɛ̃ a na, ɛ a Mɛsiya, kɛ a a Nwa.”

LUKA 23:38

Nɛ wa dɛa gulu fie 'da a do mbɛti dɛ ngɔ te ti zu a ni na: “Wi gɛ a Nwa 'da Oyudanɔ.”

YOANƐ 7:42

'Buki 'da Gale tɔ̃a na, Mɛsiya sɛ a wi nu fɛlɛ Davidi, nɛ a yolo sɛ tɛ Bɛtleɛmɛ, le ma kua nwa Davidi ni.”

Mbulanɔ 1:15

Ma kɛ mi ngɛmɛ owi hã zã kɛ wa wia do dɛa toe ni na, wa zɔ mɔ tɛ nɛ. Owinɔ ni, wa dɛ zi 'bɔ to dati belee kɔ nu kpala nɛ. Mi ia ombe do wi ngɔ ogili wele koto kpo, nɛ ombe ngɔ Owele kama kpo, nɛ ombe ngɔ Owele 'bu wa mɔlɔ, nɛ ombe ngɔ Owele 'bu. Nɛ mi hã to zɔ mɔ tɛ nu kpala kpo kpo hã ombe nɛ.

KƆLƆSƐ 1:17

Kristo dati hã mɛnɔ vɛ̃. Nɛ mɛnɔ vɛ̃ ma 'bana dɛ do nɛ we duzu a.

OHEBRE 13:8

Yezu Kristo kífí gɔ, a zɛ́ boe, nɛ a sɔɛ gɛ boe, nɛ a sɛ boe fai nɛ́ ã do tɛ̃ a ni.

OHEBRE 7:14

Winɔ vɛ̃ wa ĩ na, a a wi nu kpala Yuda. Nɛ 'da fala kɛ Mɔizɛ tɔ̃ zɛ́ we dɛa to nganga ni, a sà zi li nu kpala Yuda tɛ nɛ gɔ.

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

USU MƐNƆ 19:16

Wa kɔma li a tɛ gba tuli 'da a do tɛ ku a na: “Nwa ngɔ Onwanɔ, kɛ to nwa 'da a nɛa ngɔ to nwanɔ vɛ ni.”

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.

Owi kpe dati 17:7

Do ngba soe ni, nɛ nde be zagbãlã kpo kɔ nu fɛlɛ Levi, a ɔ zi tɛ Bɛtleɛmɛ, tɛ ngɔ nù Yuda.

RUTI 1:1

Zɛ́ do 'da fala kɛ Owi kpe dati obe Israɛlɛ, wa zɔ zi mɔ tɛ wa ni, nɛ gba wɔ tia zi ngɔ nùi ni. Nɛ mbe wele kpo kɔ le Bɛtleɛmɛ, tɛ ngɔ nu Yuda, a zɔa ní, nɛ a kulu ngɔ do wuke 'da a, do bulu benɔ 'da a bɔa, nɛ wa la dɛ ngɔ nù Moabɛ, we kɛ dia nù mi do kpalɛ i mɔ boe.

RUTI 4:11

Nɛ okumunɔ, do wanɔ vɛ̃ kɛ wa zi di ni ni, wa gese na: “Ĩi, lɛ kɔ̃a, lɛ a Otemɔɛnɔ 'da mɔ. E kɔ nwa wele nu a tɛ wuke mɔ nɛ ba a, we e a kɔ tɔa 'da mɔ ni. E kɔ a ɔ nɛ Rasɛlɛ do Lea, wukonɔ 'da Yakɔbɔ, kɛ wa kua lɛ obe Israɛlɛ vɛ̃ ni. E kɔ kpamɛ 'da mɔ ma gã kɔ nu fɛlɛ Efrata, nɛ sako li mɔ dɔ̃lɔ̃ kɔ le Bɛtleɛmɛ vɛ̃.

1 SAMUƐLƐ 10:19

Wi a mi, Gale 'da nɛ, kɛ mi fua zi ongamɛnɔ, do 'bakonɔ 'da nɛ vɛ. Nɛ nde sɔɛ gɛ, nɛ bɛ̃a gɛnɛ mi, nɛ nɛ aka mi na, mi hã nwa hã nɛ. Ma a dia, kɔ nɛ mbá ngba nɛ, nu kpala nɛ do nu fɛlɛ kpo do kpo, nɛ nɛ hɔ dati mi NWA Gale.’ ”

1 SAMUƐLƐ 17:12

Davidi a be 'da Yɛse, wi nu kpala Efrata, tɛ kɔ le Bɛtleɛmɛ, ngɔ nù Yuda. Yɛse kua zi obulu be ngbɛ'dɛ'dɛ, nɛ do 'da fala Saulo zi a nwa ni, nɛ nde a dɛa kpasa wena.

1 SAMUƐLƐ 17:18

Nɛ mɔ kálá 'bɔ nyɔngɔmɛ wa dɛa do ma'bɛlɛ ni 'bu, kɔ mɔ nɛ do ma hã wi ngɔ osodanɔ. Mɔ zɔ na, onya mɔ wa do dia nɛ nde. Nɛ mɔ si do mbe mɔ kɛ ma be na, mɔ zɔa wa, nɛ wa do dia nɛ ni hã mi.

1 SAMUƐLƐ 23:23

Nɛ hɔ ngɔ falanɔ vɛ̃ kɛ a wia we usu do tɛ̃ a ni, nɛ nɛ tɛ we be gulu nɛ hã mi do wala olo nɛ Na mɛ ni, nɛ lɛ nɛ sɛ do nɛ. Kɔ fala kɛ a 'bana ngɔ nù Yuda gɛ nde, nɛ mi 'bã sɛ 'do a falanɔ vɛ̃ we fa na, mi kpa a nde.”

1 SAMUƐLƐ 8:12

A saka sɛ ombe do wi ngɔ osoda koto kpo, nɛ ombe sɛ a wi ngɔ osoda 'bu wa mɔlɔ. A kala sɛ ombe ozagbãlã benɔ 'da nɛ, we wa fɔ hã a, do kala Okpalɛnɔ 'da a dɛ nza, tabi we dolo mɔ bolo, do 'dafa omɛnɔ tɛ ongilingilinɔ.