Mike 5:13 - WE NU GALE 1995

¹³ Mi zu'du sɛ kpikima gale Asera kɛ nɛ dɔnggɔ ma ni, nɛ mi 'danga sɛ olenɔ 'da nɛ.

Mike 5:13 Iomraidhean Croise

Ezai 2:18

Nɛ gale bɛlɛ kpo 'báná sɛ gɔ.

Ezai 2:8

Ogale bɛlɛnɔ wa kpa fala vɛ̃, nɛ owinɔ vɛ̃ wa gu nù ti okpikima, kɛ wa dɛa ma do kɔ̃ wa ni.

Ezai 27:9

Fala kɛ obe Israɛlɛ wa 'danga sanga ogbagalanɔ kɛ wa dɛa ma do ta, we dɔ do sa'de hã galenɔ, do kpikima Asera, do mɔ dɔ yɔmbɔnɔ wa dɛa we ogele galenɔ ni, nɛ NWA a fo sɛ 'dã mɛ 'da wa.

EZEKIƐLƐ 16:41

Wa dɔ sɛ tɔanɔ 'da mɔ, nɛ gba dɔa owuko wa zɔ sɛ etumbui mi hã ma hã mɔ ni. Mi, dɛ sɛ na, mɔ tɛ dɛ̃ 'bɔ ndumba gɔ, nɛ mɔ tɛ hã̀ 'bɔ dia mɔ hã owinɔ mɔ kɔ̃a wa ni gɔ.

EZEKIƐLƐ 36:25

Mi sulu sɛ gɛ̃lɛ̃ li lì dɛ ngɔ nɛ, nɛ ma fɔlɔ ndi kpikimanɔ do gele ndinɔ tɛ nɛ do'do.

EZEKIƐLƐ 37:23

Nɛ wa dɔ́nggɔ́ sɛ 'bɔ okpikima na, wa hɔ wi ndi li mi gɔ. Wa 'dángá sɛ 'bɔ sila wa we dɛ 'dã mɔ kpi do kpi gɔ. Mi fɔlɔ sɛ ndi 'dã mɛnɔ 'da wa tɛ wa, nɛ wa sɛ a winɔ 'da mi, nɛ mi sɛ a Gale 'da wa.

EZEKIƐLƐ 6:9

Nɛ 'da fala wa ɔ sɛ sanga ogele winɔ ɔ nɛ ogɛnɛ ni, nɛ wa lengge sɛ do mi. Nɛ ta zu wa ma gba sɛ na, mi hã etumbu hã wa we duzu 'dã sila 'da wa. We kɛ wa siki 'do wa lua do mi, nɛ wa dɔngga osɛa tenɔ. Wa zɔ sɛ na mɛ ni, nɛ wa kpa sɛ sape we duzu 'dã mɛnɔ wa dɛa ni.

OZE 10:2

Sila wa ma 'danga wena, ma kɛ wa zɔ sɛ ngamɔ olo 'dã mɛnɔ wa dɛa ni. Gale a gbini sɛ gbagalanɔ 'da wa, nɛ a 'danga sɛ tanɔ wa ndɛngɛlɛ dɛ ngɔ ngbɛ ɛ we dɔnggɔ ma ni.

OZE 14:3

Nɛ kpóló tɛ nɛ dɛ 'da NWA, nɛ nɛ tɔ̃ hã a na: “Mɔ a mɔ fo ku'da 'dã mɔ zu wele. Kɔ mɔ kɔ̃, nɛ mɔ zele sambala 'da lɛ.

OZE 14:8

Owinɔ 'da mi kɛ mi zɔ zi mɔ tɛ wa ni, wa kpolo sɛ tɛ wa dɛ 'da mi. Wa wa sɛ 'bɔ fɔ, nɛ ma ko sɛ kpalɛ wena, nɛ sako li wa ma yɛ'bɛ sɛ, ɔ nɛ sako li dia dɔ̃ ngɔ nù Libanɛ ni.

NAHUMƐ 1:14

Aa nɛ owi Ninivɛ, nɛ zélé wenɔ kɛ NWA 'bili dɛ ngɔ nɛ gɛ. A na: “Be olo nɛ sɛ bina, nɛ li nɛ ma mbiti sɛ. Mi kala sɛ okpikimanɔ kɛ nɛ sɛa do te, tabi nɛ dula ma do mɔ bolo, nɛ ma kɔ tɔa sambala 'da ogalenɔ 'da nɛ ni, nɛ mi 'danga ma vɛ̃. Mi tɛ zã kɔ̃ fio we mi do nɛ, we kɛ nɛ 'bɔ do mbé dĩ gbali mi bina.”

SOFONI 1:4

NWA tɔ̃a na: “Mi hã sɛ etumbu hã Owi Yeruzalɛmɛ, do Owi ngɔ nù Yuda vɛ̃. Mi mbiti sɛ tala winɔ kɛ wa sambala gale Bala ni vɛ̃, nɛ ta zu wele kpo gbá sɛ 'bɔ ngɔ nganganɔ 'da Bala gɔ.

ZAKARIA 13:2

“Do 'da fala ni, nɛ mi fo sɛ kpikimanɔ ngɔ nùi, nɛ fo sɛ 'bɔ wi sa li ma bina. Nɛ mi fo sɛ wɔ dɔnggɔ kpikimanɔ kɔ sila winɔ do'do. Nɛ mi bisi sɛ 'bɔ owinɔ wa 'bili bɛlɛ na, lo a Owi gba olo nu mi Gale ni.

USU MƐNƆ 9:20

Nɛ tala winɔ kɛ ngamɛnɔ ni gbɛ̀ wa gɔɛ ni, wa kɔ̃̀ we fo sila wa ngɔ mɛnɔ wa dɛa do kɔ̃ wa ni gɔ. Wa là fala dɔnggɔ 'dã hi winɔ do okpikimanɔ gɔ. Wa dula okpikimanɔ ni do mɔ mbali, tabi fɛ̃a mɔ bolo, tũ mɔ bolo, tabi wa sɛa ma do ota tabi ote. Nɛ mɛnɔ ni ma zɔ́ mɔ gɔ, nɛ ma zélé we gɔ, nɛ ma nɛ́ nɔ gɔ.

Owi kpe dati 18:17

Nɛ owinɔ mɔlɔ ni wa le dɛ kɔ tɔa i, nɛ wa kala ngɔ gili kpikimanɔ kpi do kpi, mba do kɛ wa nãlã fɛ̃a mɔ bole tɛ nɛ ni. Nɛ nganga yolo dɛ 'do nu ngbo ni, fala nɛ kpo do owinɔ kama gazɛlɛ do mɔ bi do bolonɔ dɛ kɔ̃ wa ni.