Mike 5:11 - WE NU GALE 1995

¹¹ Mi 'danga sɛ omɔ dɛ do sɔ̃nɔ 'da nɛ, nɛ fo sɛ 'bɔ mbé wi sɔ mɔ́ nɛ kpo bina.

Mike 5:11 Iomraidhean Croise

Ezai 1:7

Wa dɔa lenɔ 'da nɛ do'do, nɛ nùi 'da nɛ ɔ nɛ bili tɔa ni iko. Ogele winɔ wa tɛa, nɛ wa 'danga kpalɛnɔ ngɔ nùi 'da nɛ dɛ gbali nɛ gɛ. Wa 'danga ma vɛ̃ ɔ nɛ 'da fala kɛ le Sodɔmɛ 'danga zi ni, nɛ wa là mɔ kpo gɔ.

Ezai 2:6

NWA, mɔ siki 'do mɔ hã obe zã Yakɔbɔ, kɛ wa a owinɔ 'da mɔ ni. Owi dɛ sɔ̃nɔ kɛ wa yolo si 'biti gba wese, wa dɛlɛ kɔ le 'da wa wena. Owi zɔ nu mɔ tɛ wele, wa dɔa 'da wa ɔ nɛ wanɔ ngɔ nu Filisti ni. Owinɔ 'da mɔ wa mba ngba wa do ogele wele.

Ezai 27:9

Fala kɛ obe Israɛlɛ wa 'danga sanga ogbagalanɔ kɛ wa dɛa ma do ta, we dɔ do sa'de hã galenɔ, do kpikima Asera, do mɔ dɔ yɔmbɔnɔ wa dɛa we ogele galenɔ ni, nɛ NWA a fo sɛ 'dã mɛ 'da wa.

Ezai 6:11

Nɛ mi aka na: “NWA, mi tɔ̃ sɛ toe ni gbaa soe ki nge nde?” Nɛ a na: “Mɔ tɔ̃ sɛ ni gbaa, we hɔ ngba soe kɛ lenɔ ma 'danga sɛ, nɛ owinɔ wa yu sɛ kɔ tɔanɔ 'da wa do'do, nɛ zamɛnɔ ma hɔ sɛ li go ni.”

ALA NU 2:2

NWA 'danga lenɔ 'da Oyuda vɛ̃, nɛ a dɛ̀ mbe 'bako hã wa gɔ. Zã a nɔ̃lã, nɛ a gbini ogba ngbo nu lenɔ tɛ ngɔ nù Yuda vɛ̃. A bɛ̃a gɛnɛ owi nu kpala Yuda do ogã winɔ 'da wa, nɛ a fua dɔ̃lɔ̃ li 'da wa do'do.

EZEKIƐLƐ 38:11

Nɛ mɔ fa sɛ we bi winɔ kɛ wa lénggé do bi bolo gɔ, nɛ wa kpa gɛ̃a dungu, nɛ wa ɔ kɔ lenɔ kɛ gba ngbo nu nɛ we kele zu wa bina ni.

OZE 10:14

Ma kɛ bolo ma bi sɛ nɛ, nɛ Owi sɛnɛ nɛ, wa 'danga sɛ olenɔ 'da nɛ kɛ nɛ dɛa gba ngbonɔ nu nɛ zĩ takpa ni. Nɛ ma ɔ sɛ nɛ 'da fala nwa Salmanɛ 'danga zi do le Bɛtɛ-Arbɛlɛ li bolo, nɛ a mbɔtɔ zi wukonɔ do benɔ kɔ le ni ni.

AMƆSI 5:9

A ma sɛ Owi ngawinɔ dɛ nù, nɛ a 'danga sɛ olenɔ kɛ wa zĩ ngbo dɛ tɛ nɛ ni.