Mike 5:10 - WE NU GALE 1995

¹⁰ Mi 'danga sɛ ogã lenɔ ngɔ nùi 'da nɛ, nɛ mi zã sɛ ogba ngbonɔ, kɛ nɛ yu bolonɔ dɛ kɔ nɛ ni dɛ nù.

Mike 5:10 Iomraidhean Croise

Ezai 2:7

Mɔ mbali, do fɛ̃a mɔ bolo, do okpamɔ kpi do kpi, ma dunu le 'da wa dunu. Aka we ombalata do ongilingili we nɛ bolo kɔ le ni gɔ.

Yeremi 3:23

Lɛ dɔnggɔ zi ogele galenɔ ngɔ kalanɔ i, nɛ ma gàlà lɛ sĩ gɔ. Ĩ na, wi kɛ lɛ, obe Israɛlɛ, lɛ wia we kpa kpasi kɔ̃ a ni, wi tati a NWA Gale 'da lɛ.

OZE 1:7

Nɛ nde mi 'bana fala kɔ̃ gɛnɛ obe Yuda. Mi NWA Gale 'da wa, mi kpasa sɛ wa. Nɛ nde mi kpásá sɛ wa do wala 'da bolo, tabi do nzabele, tabi do du kɔya, tabi do ombalata, tabi do Owi kũ mbalata gɔ.”

OZE 14:3

Nɛ kpóló tɛ nɛ dɛ 'da NWA, nɛ nɛ tɔ̃ hã a na: “Mɔ a mɔ fo ku'da 'dã mɔ zu wele. Kɔ mɔ kɔ̃, nɛ mɔ zele sambala 'da lɛ.

AZE 2:22

Nɛ mi nɛ a Onwanɔ ngɔ nùi gɛ vɛ̃ nù, nɛ mi fo ngawinɔ 'da wa kɔ̃ wa vɛ̃. Mi zɛ sɛ nyanga ngilingili nɛ bolonɔ ti ma, nɛ owi ba yinda nɛ wa ala sɛ do ma. Ombalatanɔ wa fe sɛ, nɛ zu Owi kũ mbalatanɔ ma vĩ sɛ, nɛ wa gbɛ sɛ ngba wa do nya wa.

ZAKARIA 9:10

A fo sɛ ngilingili do ombalata bolo ngɔ nù Israɛlɛ, nɛ a gbini sanga nzabele bolo. A e sɛ dungu fio ngbala owinɔ, nɛ a dungu sɛ nwa ngɔ winɔ nyanga nza gɛ vɛ̃. A sɛ a nwa ngɔ winɔ, yolo nu gba lì Meditɛrane we hɔ nu lì Efratɛ.

Mbulanɔ 17:16

Nɛ ma wè na, nwa ni a ɔ do gba gili ombalata gɔ. Nɛ ma wè 'bɔ na, a tombo Owele na, wa nɛ we oso ombalata tɛ ngɔ nù Ezipeto gɔ. We kɛ NWA Gale 'da nɛ tɔ̃a zi hã nɛ na, nɛ tɛ kpòlò sɛ 'bɔ tɛ nɛ mbé nɛ tɛ ngɔ nùi ni gɔ.