Mike 5:1 - WE NU GALE 1995

¹ NWA Gale tɔ̃a na: “Le Bɛtleɛmɛ Efrata, mɛ a be le sĩ sanga lenɔ ngɔ nù Yude. Nɛ nde mi dɛ sɛ na, le ni ma ko wi kɛ a dungu sɛ nwa ngɔ obe Israɛlɛ do zu li mi ni. A sɛ a wi kɛ wa ĩ ti nu fɛlɛ oyaa a vɛ̃ yolo do gulu nɛ.”

Mike 5:1 Iomraidhean Croise

Ndo Nyanga Dɛ Mɔ 35:19

'Da fala kɛ Rasɛlɛ fia, nɛ wa mi a dɛ kɛ zã wala Efrata, kɛ wa sa mbe 'bɔ li nɛ na, Bɛtleɛmɛ ni.

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

1 Onwanɔ 22:24

Sidɛkia, be 'da Kɛnana nɛa we zele ní, nɛ a kulu ngɔ, nɛ a zɛ li Mike, nɛ a tɔ̃ hã a na: “Mɔ lengge na, Hi Wi 'da nwa wia we la fala wele we hã mi do'do, nɛ a wele we hã mɔ nde?”

2 Onwanɔ 24:2

Nɛ NWA Gale tombo gba dɔa Owi 'danga mɔ, kɛ wa a Owi ngɔ nù Babilonia, Siri, Moabɛ do Amoni ni, nɛ wa tɛa, nɛ wa 'danga nù Yuda, kpasaa ɔ nɛ kɛ Owi gba olo nu Gale wa tɔ̃a zi do zu li NWA Gale ni.

YƆBƆ 16:10

Owele wa ngɛmɛ ngba wa, nɛ wa zĩ mi takpa, nɛ wa tulu mi.

GBA WENƆ 8:23

A dɛa zɛ́ mi belee, dati kɛ na a ndo nyanga dɛ mɛnɔ nyanga nza gɛ.

Ezai 10:6

Mi tumba wa na, wa bi nu fɛlɛ owinɔ kɛ wa siki 'do wa hã mi, nɛ wa nɔ̃lɔ̃ zã mi wena ni. Mi tumba 'bɔ wa na, wa ma owinɔ ni do nyanga wa, ɔ nɛ kɛ wele ma do 'bɛ̃tɛ̃ tɛ li wala ni, nɛ wa kala mɛnɔ 'da wa si do nɛ.

Ezai 33:22

Ofɛlɛnɔ kɛ Owi sɛnɛ lɛ wa kpo do bɛndɛlɛnɔ 'da wa ni, ma gɔnɔ sɛ, nɛ fo sɛ 'bɔ wala na, wa gbɔtɔ bɛndɛlɛnɔ 'da wa dɛ ngɔ bina. Do 'da fala ni, nɛ lɛ kɛ̃ sɛ sanga gba gili mɔ olo wa dɛ kɔ̃ lɛ vɛ̃. Gɛnɛ kɔ Owi 'dã nyanganɔ, nɛ wa kpa sɛ mɔ olo Owi sɛnɛ lɛ. NWA Gale a wi kpasa lɛ. A dungu sɛ nwa ngɔ lɛ, nɛ a gɔnɔ ngbangganɔ 'da lɛ.

Ezai 8:9

Aa nɛ, ogele winɔ nɛ mba ngba nɛ gɛ, nɛ bá zã zu we kpa, nɛ nde nɛ tana sɛ kili. Aa nɛ, ogele winɔ kɛ nùi 'da nɛ ma nyɛlɛ nɛ gɛ nde ni, li nɛ sɔ̃̀, nɛ ngɛ́mɛ́ wi bolonɔ 'da nɛ kpa, nɛ nde nɛ tana sɛ kili.

Ezai 9:5

Mba gɔ, wa kua be hã lɛ, lɛ kpa bulu be mɔ lɛ. Nɛ Gale ia a na, a dɛ to nwa. Wa sa li a na: Wi tɔ̃ dia mbula, Gale wi ngawi, Baa lɛ kɛ a 'bana sɛ fai, Nwa kɛ a hã dungu fio.

Yeremi 25:9

mi sa sɛ mɔ hã owinɔ si gbãlã ngɔ i vɛ̃, mba do wi toe 'da mi Nabukɔdɔnɔzɔrɛ, nwa ngɔ nù Babilonia na, wa tɛ. Nɛ mi tombo sɛ wa we bi nɛ, owi ngɔ nù Yuda, do onu kɔnggɔnɔ kɛ zã nɛ ni tɛ mɛ 'bɔ. Mi kumu sɛ nɛ vɛ̃, nɛ mi dɛ sɛ na, nùi gɛ ma hɔ olo tɔa. Winɔ wa zɔ sɛ ma, nɛ sila wa gɔnɔ, nɛ wa zɛ nu wa. Mi nwa, mi tɔ̃a ni.

Yeremi 4:7

Wi 'danga nùnɔ, a kulu ngɔ ia, kɔ a tɛ tɛ ma. A ɔ nɛ gbɔgbɔ kɛ a hɔa nza tɛ fala ɔi 'da a ni. A tɛ we 'danga nù Yuda. A fi sɛ we tɛ lenɔ 'da nɛ, nɛ wele 'báná sɛ 'bɔ kɔ nɛ gɔ.

ALA NU 3:30

Kɔ fala kɛ wele zɛ li lɛ, tabi a dã lɛ do dɛla, nɛ lɛ kɔ̃ iko.

EZEKIƐLƐ 21:32

Nɛ tɛ kɔ le Yeruzalɛmɛ, ma 'bana sɛ tati a o'dã tɔa iko. Nɛ ta kpo 'báná sɛ ngɔ ngbɛ ɛ kɔ le ni gɔ, wa gbini sɛ ma vɛ̃. Nɛ nde dati vɛ̃, nɛ wele kɛ mi tumba a na, a hã etumbu hã le ni, a hɔ sɛ do'do sɛ nɛ de.”

EZEKIƐLƐ 24:2

“Mɔ, be 'da wele, mɔ kɔ́mɔ́ kɔ̃ zɛkɛ sɔɛ gɛ, we kɛ sɔɛ gɛ, nwa ngɔ nù Babilonia a ndo sɛ linggi le Yeruzalɛmɛ.

DANIƐLƐ 9:25

Mɛ ma wia na, mɔ ĩ ti nɛ ni, ma kɛ: Yolo do 'da fala wa tɔ̃a lɛnggɛ 'dafa le Yeruzalɛmɛ dɛ olo nɛ ni, gbaa we hɔ ngɔ wi kɛ Gale saka a ni, ma ɔ sɛ sabɛlɛ sambo fala sambo. 'Do nɛ, nɛ wa 'dafa sɛ Yeruzalɛmɛ, do owalanɔ kɔ nɛ ni, do ngbonɔ kɛ ma zĩ ma takpa ni, nɛ toe ni ma ɔ sɛ sabɛlɛ sambo fala 'bu nɛ gazɛlɛ ngɔ nɛ bɔa. Nɛ nde mɛ sɛ a 'da fala ngamɔ.

AMƆSI 2:3

Nɛ mi kumu sɛ nwa ngɔ nùi ni mba do ogã wi ngɔ lenɔ 'da a vɛ̃. Mi nwa, mi tɔ̃a ni.”

HABAKUKƐ 1:6

Mi nɛ hã ngawi hã owi Babilonia, takɔ wa hã zɛlɛ tɛ hã ogele winɔ. Wa do 'bako li wa bina, nɛ sila wa dɛ wɛ'dɛ wɛ'dɛ we bi bolo iko. Osodanɔ 'da wa wa yɛnggɛ ngɔ nu gɛ vɛ̃ we kala nùnɔ 'da ongba wa.

HABAKUKƐ 3:16

“Mi zila giti mɔ NWA, nɛ gbãlã zã mi bi do'do. Ndala nu mi tana gbɛrr do kili, gbãlã tɛ mi gbini, nɛ nyanga mi kala ti mi do'do. Nɛ nde mi dungu do gɛ̃a sila we 'bɔ 'da ngba soe kɛ ngamɛ ma nɛ tɛ we kpa owi zɛlɛ tɛ lɛ ni.

MATIE 26:67

Nɛ wa ma ngɔ tufu sa nu wa li a, nɛ ombe wa umu kɔ̃ wa, nɛ wa zɛ a, nɛ ombe wa tata kɔ̃ wa, nɛ wa fũ sanga li a.

MATIE 27:30

Nɛ wa tufu sa nu wa dɛ tɛ̃ a, nɛ wa ngbolo zu a do dɔndɔlɔ.

MATIE 5:39

Nɛ nde kɛ 'da mi, mi tɔ̃ na, mɔ tɛ gèsè 'dã mɔ hã wi kɛ a dɛa 'dã mɔ do mɔ ni gɔ. Fala kɛ wele zɛ gulu zala mɔ kɛ ngɔ ngawili kɔ̃, nɛ mɔ síkí kɛ ngɔ gale hã a, nɛ a zɛ ma.

YOANƐ 18:22

Yezu nɛa we gese ní, nɛ mbe sanga owi zɔ mɔ nu tɔanɔ, kɛ a yolo dɛ kɛ zã Yezu ni zɛ li a, nɛ a aka Yezu na: “Ki ni a we gese hã gã nwa nde?”

YOANƐ 19:3

Nɛ wa tɛ, nɛ wa ma ngɔ mɔmɔ a, nɛ wa na: “Balɛ hã mɔ, nwa 'da Oyudanɔ!” Nɛ wa ma ngɔ fũ sanga li a.

Owi Nɛ Tonɔ 23:2

Nɛ gã nwa nganga Ananiasi ba nu a hã winɔ kɛ zã Polo ni na, wa zɛ nu a.

2 KORINTƐ 11:20

Mba gɔ, gɛnɛ kɔ Owele wa zɔ nɛ ɔ nɛ ongbá, tabi wa kala mɛnɔ kɔ̃ nɛ do 'dã hã, tabi wa ɔlɔ nɛ, wa dɛ wali ngɔ nɛ, wa zɛ sanga li nɛ, nɛ nɛ kunu sila nɛ iko!

Mbulanɔ 28:49

“NWA a sa sɛ mɔ hã onu kɔnggɔnɔ gulu nù i, kɛ nɛ ĩ ti lɛnggɛ nu wa gɔ ni, nɛ a tombo wa dɛ ngɔ nɛ. Nɛ wa bi sɛ nɛ ɔ nɛ kɛ ziki bi sa'de ni.

Mbulanɔ 33:27

Gale hã a kele zu nɛ 'da fala fai, ngawili kɔ̃ a ma amba zu nɛ. A ndaka owi sɛnɛ nɛ dati nɛ, nɛ a ba nu a hã nɛ na, nɛ kumu wa vɛ̃.

Owi kpe dati 17:7

Do ngba soe ni, nɛ nde be zagbãlã kpo kɔ nu fɛlɛ Levi, a ɔ zi tɛ Bɛtleɛmɛ, tɛ ngɔ nù Yuda.