Mike 4:7 - WE NU GALE 1995

⁷ Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

Mike 4:7 Iomraidhean Croise

Zumanɔ 2:6

“Mi saka zi nwa, nɛ mi ia a tɛ Sioni, kala 'da mi kɛ ma santo.”

Ezai 16:5

'Do nɛ, nɛ be zã Davidi kpo, a dungu sɛ nwa, nɛ a dɛ sɛ to nwa 'da a do dia zã vɛ̃. A 'bili sɛ we do bɔlɔ nɛ, nɛ a dɛ́ sɛ vĩ zu dɛa mɔ gɔ.”

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

Ezai 6:13

Gɛnɛ kɔ wele kpo sanga Owele 'bu 'bana dɛ di ni, nɛ a fe sɛ. Owinɔ ngɔ nùi ni wa ɔ sɛ nɛ te sɛnɛ kɛ wa gɔmɔ, nɛ wa la tati a zugbulu nɛ iko ni. Nɛ nde mbé bɔlɔ te kɛ ma santo, ma kunu sɛ tɛ zugbulu te ni.

Ezai 60:22

Gɛnɛ kɔ onu fɛlɛ kulanɔ 'da nɛ kɛ ma gã̀ be gɔ, kɛ owele wa dɛlɛ kɔ nɛ gɔ ni, nɛ ma kifi sɛ nu kɔnggɔ ogba dɔa wele kɛ wa nganda wena ni. Do ngba soe kɛ mi 'dafa ni, nɛ mi NWA, mi wɛlɛ sɛ tɛ mi we dɛ mɛnɔ ni vɛ̃.”

Ezai 66:8

Wi kɛ a zila mbe kuti lɛnggɛ ɔ nɛ kɛ gɛ, wi a wio nde? Nɛ wi kɛ a zɔa mbe kuti mɔ ɔ ni, wi a wio nde? Wa dɛa mbe le 'do tũ kpo, nɛ ma e nde? Wa kua mbe onu kɔnggɔ wele 'do tũ kpo, nɛ wa dɛlɛ nde? Nɛ nde ma dɛ sɛ tɛ̃ ɛ na mɛ ni tɛ kɔ le Sioni. Owi Sioni wa hɔ sɛ nza kɔ ngamɛ 'da wa nɛ́, nɛ wa ko ogba dɔa wele fala kpo.

EZEKIƐLƐ 43:7

Nɛ nwa tɔ̃ hã mi na: “Aa mɔ, be 'da wele, mɔ zɔ́, dɛ gɛ mɛ a kpongbo nwa 'da mi. Mɛ a fala kɛ mi a do nyanga mi ni. Mi nɛ dungu dɛ dɛ, nɛ mi 'bana dɛ sanga obe Israɛlɛ fai. Obe Israɛlɛ do Onwanɔ 'da wa, wa fáká sɛ 'bɔ zu li mi kɛ ma santo ni gɔ. Wa dɔ́nggɔ́ sɛ 'bɔ ogele galenɔ gɔ, nɛ wa mí sɛ 'bɔ wɔlɔ nwanɔ 'da wa dɛ gɔ.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

DANIƐLƐ 4:34

Ma kɛ da dɔ́ ni, mi Nabukɔdɔnɔzɔrɛ, mi dɔnggɔ NWA Gale kɛ li nza i. Mi to de zu li a, nɛ mi hã dɔ́lɔ́ li hã a. Mɛnɔ vɛ̃ kɛ a dɛ ni, ma a gbãlã we, nɛ walanɔ 'da a vɛ̃ a bɔlɔ. A do ngawi we ba wi gã zunɔ dɛ nù.”

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

DANIƐLƐ 7:27

Wa hã sɛ ngawi hã owinɔ 'da Gale, kɛ a gã nɛa ngɔ mɔ vɛ̃ ni. Nɛ wa e sɛ wa do nwa, nɛ lenɔ ngɔ nù gɛ vɛ̃ sɛ ti mbula 'da wa. Dɛa to nwa 'da wa, ma ɔ sɛ fai, ndɔti nɛ sɛ bina. Nɛ owi ngawinɔ ngɔ nù gɛ, wa zele sɛ nu wa, nɛ wa dɛ to hã wa.’

Mike 2:12

Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 2:13

Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

SOFONI 3:13

Tala obe Israɛlɛ kɛ wa 'bana sɛ do tunu li wa ni, wa dɛ sɛ mɔ tɛ wa do bɔlɔ nɛ, wa tɔ̃́ sɛ bɛlɛ gɔ, nɛ wa ɔ́kɔ́lɔ́ sɛ wele do lɛnggɛ nu wa gɔ. Wa kpa sɛ dia dungu, nɛ wa ɔ sɛ nù do gɛ̃a sila, nɛ nde fo sɛ wi a kili tɛ wa bina.”

SOFONI 3:20

Do 'da fala ni, mi mba sɛ li nɛ vɛ̃ dɛ ngɔ nùi 'da nɛ. Nɛ mi dɛ sɛ na, dungi 'da nɛ ma de, nɛ nɛ ɔ do dɔ̃lɔ̃ li sanga owinɔ ngɔ nù gɛ vɛ̃. Mi nwa, mi tɔ̃a ni.”

LUKA 1:33

nɛ a dungu sɛ nwa ngɔ onu kpala Israɛlɛ fai, nɛ dɛa to nwa 'da a é sɛ gɔ.”

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”