Mike 4:4 - WE NU GALE 1995

⁴ Owinɔ wa mi sɛ kpalɛnɔ 'da wa, nɛ wa kala sɛ ma do gɛ̃a sila, nɛ fo wi tulu sɛ ngbɛ ɛ bina. Gale, NWA ngɔ mɔ nyanga nza vɛ̃ tɔ̃a ni.

Mike 4:4 Iomraidhean Croise

1 Onwanɔ 5:5

Do 'da fala dɛa to nwa 'da a, obe Yuda, do obe Israɛlɛ wa kpa zi dungu fio. Nɛ yolo tɛ mbee nùi we hɔ tɛ ndɔti nɛ, wele do wele ba zi tɛ̃ ɛ tati nɛ we dɛ to fɔɛ 'da a iko, mbé bolo zi 'bɔ bina.

YƆBƆ 11:19

Wele kpo 'dángá sɛ yala li mɔ gɔ. Nɛ winɔ vɛ̃ wa tɔ̃ sɛ dia we tɛ mɔ.

Zumanɔ 72:3

E kɔ nùi 'da lɛ ko dia mɔ hã winɔ, nɛ bɔlɔ zu dɛa mɔ pɛsɛ falanɔ vɛ̃.

GBA WENƆ 3:25

Mɔ tɛ dɛ̃ kili gɔ, we kɛ ngamɔ gbángá sɛ mɔ gɔ, nɛ o'dã wi wa bí sɛ mɔ gɔ.

Ezai 1:20

Nɛ nde fala kɛ nɛ dɛ nga zu, hã nɛ bɛ̃ we nu mi, nɛ wa gbɛ sɛ nɛ do du kɔya.” Wenɔ kɛ nwa tɔ̃a gɛ a ni.

Ezai 17:2

Wa yu sɛ kɔ lenɔ ngɔ nù Siri vɛ̃, nɛ ma kulu sɛ fai. Osa'de wa yɛnggɛ sɛ kɔ nɛ, nɛ nde wele ndáká sɛ wa gɔ.

Ezai 22:25

Ma ɔ sɛ ni fai, nɛ kunggi kɛ ma nɔa zi nɛ ge nde ni, ma mbɔkɔ sɛ, nɛ ma te, nɛ mɛnɔ vɛ̃ kɛ wa gãlã zi nu nɛ ni, ma o sɛ. Mi NWA, mi tɔ́a ni.”

Ezai 26:16

NWA, mɔ hã zi etumbu hã lɛ, nɛ lɛ owinɔ 'da mɔ, lɛ kpa ngamɔ. Nɛ nde lɛ siki li lɛ dɛ 'da mɔ, nɛ lɛ sa mɔ hã mɔ na, mɔ gbaka lɛ.

Ezai 32:17

Nɛ bɔlɔ zui 'da wa, ma dɛ sɛ na, wa ɔ do gɛ̃a sila, do dungu fio 'da fala fai.

Ezai 36:16

Nɛ nde nɛ tɛ kɔ̃̀ gɛnɛ lɛnggɛ 'da Ezekiasi gɔ. Nɛ zélé tati a toe kɛ nwa ngɔ nù Asiri tumba hã nɛ na, nɛ hɔ́ nza kɔ le 'da nɛ, hã lɛ dɛ na do nɛ ni. Fala kɛ dɛ ni, nɛ wele do wele sanga nɛ gɛ, a nɔ sɛ dɔ̃ vinɔɛ kɛ a mi ma ni, nɛ a nyɔngɔ sɛ kpalɛ li fɔɛ 'da a, nɛ a nɔ sɛ lì kɔ 'de 'da a.

Ezai 40:5

Mba gɔ, dɔ̃lɔ̃ li 'da NWA ma hɔ sɛ, nɛ owinɔ vɛ̃ wa zɔ sɛ ma. Wenɔ kɛ NWA tɔ̃a gɛ a ni.”

Ezai 54:14

Nɛ kpa sɛ ngawi do dungu fio, we duzu bɔlɔ zu dɛa mɛ 'da nɛ. Nɛ fo sɛ 'bɔ wele we a kili tɛ nɛ do hã zɛlɛ tɛ hã nɛ bina.

Ezai 58:14

Fala kɛ nɛ dɔnggɔ mi na mɛ ni, nɛ mi hã sɛ yangga hã nɛ. Nɛ mi NWA, mi dɛ sɛ na, mɔ kpo tɛ àmbà nɛ gɔ, nɛ nɛ kpa sɛ de mɔ ngɔ nùi kɛ mi hã zi hã yaa nɛ Yakɔbɔ ni. Mi NWA, mi tɔ̃a ni.”

Yeremi 23:4

Mi saka sɛ ongbongbo wi zɔ mɔ tɛ wa hã wa. Wa dɛ́ sɛ 'bɔ kili gɔ, nɛ wa kpá sɛ 'bɔ ngamɔ gɔ. Nɛ mbe kpo kɔ wa yɔ́ sɛ 'bɔ gɔ. Mi nwa, mi tɔ̃a ni.”

Yeremi 30:10

“Aa nɛ, owinɔ 'da mi, nɛ tɛ dɛ̃ kili gɔ, Nɛ, Oisraɛlɛ, nɛ tɛ zɛ̃ nu nɛ gɔ. Mba gɔ, mi nɛ kpasa nɛ do obe zã nɛ, tɛ ngɔ nùnɔ nyɛlɛ ndũu, kɛ wa 'dɔlɔ do nɛ ni. Nɛ, Oisraɛlɛ, nɛ si sɛ dɛ ngɔ nùi 'da nɛ, nɛ kpa sɛ gɛ̃a dungu, nɛ fo sɛ 'bɔ wi tulu nɛ bina.

EZEKIƐLƐ 34:25

Mi gba sɛ tɔkɔ do wa, nɛ wa kpa sɛ dungu fio. Mi ndaka sɛ 'dã sa'de zamɛnɔ vɛ̃ ngɔ nùi ni do'do, nɛ nadalamɛnɔ 'da mi wa yɛnggɛ sɛ do gɛ̃a sila. Nɛ do tũ, nɛ wa ɔ sɛ dɛ ti tenɔ, nɛ nde mɔ kpo yɛ́kɛ́ sɛ wa gɔ.

EZEKIƐLƐ 34:28

Ogele winɔ wa zɛ́lɛ́ sɛ 'bɔ tɛ wa gɔ, nɛ osa'de zamɔ wa nyɔ́ngɔ́ sɛ 'bɔ wa gɔ. Wa dungu sɛ gɛ̃a dungu, nɛ wele á sɛ 'bɔ kili tɛ wa gɔ.

EZEKIƐLƐ 38:11

Nɛ mɔ fa sɛ we bi winɔ kɛ wa lénggé do bi bolo gɔ, nɛ wa kpa gɛ̃a dungu, nɛ wa ɔ kɔ lenɔ kɛ gba ngbo nu nɛ we kele zu wa bina ni.

EZEKIƐLƐ 39:26

Wa ɔ sɛ 'bɔ mbé nɛ dɛ ngɔ nùi 'da wa, nɛ wa kpa sɛ dungu fio, nɛ fo sɛ wi a kili tɛ wa bina. Do 'da fala ni, nɛ tɛ wa ma ele sɛ ngɔ sape wa kpa zi we duzu 'dã mɛnɔ wa dɛa dɛ 'da mi ni.

Levitɛnɔ 26:6

“Mi dɛ sɛ na, dungu fio ɔ ngɔ nùi, nɛ nɛ ɔ yala do dia nɛ, nɛ mɔ kpo yɛ́kɛ́ sɛ nɛ gɔ. Mi kumu sɛ o'dã sa'denɔ ngɔ nùi 'da nɛ do'do. Nɛ wele tɛ́ sɛ we bi bolo do nɛ gɔ.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

SOFONI 3:13

Tala obe Israɛlɛ kɛ wa 'bana sɛ do tunu li wa ni, wa dɛ sɛ mɔ tɛ wa do bɔlɔ nɛ, wa tɔ̃́ sɛ bɛlɛ gɔ, nɛ wa ɔ́kɔ́lɔ́ sɛ wele do lɛnggɛ nu wa gɔ. Wa kpa sɛ dia dungu, nɛ wa ɔ sɛ nù do gɛ̃a sila, nɛ nde fo sɛ wi a kili tɛ wa bina.”

ZAKARIA 3:10

Ngba soe ni ma we, nɛ nɛ sa sɛ mɔ hã ongba nɛ, nɛ nɛ dungu ti gɔ̃lɔ̃ ote vinɔnɔ do figɛnɔ 'da nɛ do gɛ̃a sila. Nɛ fo sɛ wi tulu nɛ bina.”