Mike 4:3 - WE NU GALE 1995

³ A gɔnɔ sɛ ngbangganɔ sanga onu kɔnggɔ winɔ, nɛ a 'dafa sɛ ngbala wa vɛ̃. Wa yámbálá sɛ 'bɔ bi bolo gɔ, tua kɛ wa bí sɛ 'bɔ mbé bolo do ngba wa gɔ. Wa kala sɛ du kɔya bolonɔ 'da wa, nɛ wa dolo do kongo, nɛ osɛlɛ bi bolonɔ 'da wa, wa dɛ sɛ do dugbu we wa do fo.

Mike 4:3 Iomraidhean Croise

Zumanɔ 46:10

A amba bolo ngɔ nù gɛ vɛ̃, nɛ ma Sɔkpɔ. A gbini sanga onzabelenɔ, do osɛlɛ bolonɔ, nɛ a da ongelenɔ li we.

Zumanɔ 46:9

Nɛ tɛ́, nɛ nɛ zɔ mɛnɔ kɛ NWA dɛa ni, a dɛa mɔ kɛ ma kula nu owinɔ vɛ̃.

Zumanɔ 72:3

E kɔ nùi 'da lɛ ko dia mɔ hã winɔ, nɛ bɔlɔ zu dɛa mɔ pɛsɛ falanɔ vɛ̃.

Zumanɔ 72:7

E kɔ bɔlɔ zu dɛa mɔ yɛ'bɛ ti to nwa 'da a, nɛ gã kpamɔ dunu ngɔ nùi gɛ, nɛ ma 'bana kɔ sabɛlɛ do sabɛlɛ ɔ nɛ kɛ zɛkɛ 'bana tɛ to ma fai ni.

Zumanɔ 82:8

Aa Gale, mɔ tɛ́, hã mɔ 'bili ngbangganɔ ngɔ nù gɛ, we kɛ wele nùi vɛ̃ a mɔ́ mɔ.

Zumanɔ 96:13

kɛ a tɛ sɛ we dungu nwa ngɔ nù gɛ ni. A dɛ sɛ to nwa 'da a do bɔlɔ nɛ, nɛ a 'bili sɛ ngbangga 'da owinɔ do gbãlã we.

Zumanɔ 98:9

we kɛ a tɛ we dungu nwa ngɔ nù gɛ. A 'bili we 'da owinɔ do bɔlɔ nɛ ngboo.

Ezai 2:4

A gɔnɔ sɛ ngbangganɔ sanga onu kɔnggɔ winɔ, nɛ a 'dafa sɛ ngbala wa vɛ̃. Wa yámbálá sɛ 'bɔ bi bolo gɔ, tua kɛ wa bí sɛ 'bɔ mbé bolo do ngba wa gɔ. Wa kala sɛ du kɔya bolonɔ 'da wa, nɛ wa dolo do kongo. Nɛ osɛlɛ bi bolonɔ 'da wa, wa dɛ sɛ do dugbu we wa do fɔ.

Ezai 25:3

Ma hã owinɔ kɛ wa nganda zi wena ni, wa dɔnggɔ sɛ dɔ̃lɔ̃ li 'da mɔ, nɛ wa dɛ sɛ 'bɔ kili mɔ. Ogã winɔ kɛ wa zɛlɛ zi tɛ ongba wa ni, wa dɛ sɛ 'bɔ kili mɔ.

Ezai 51:5

Mi kɔla fala tɛ nɛ ia. Mi e sɛ bɔlɔ zu dɛa mɔ sanga wa. Mi fo sɛ wa kɔ ngamɛnɔ 'da wa. Nɛ mi do tɛ mi ngboo, mi dungu sɛ nwa ngɔ wa. Gɛnɛ kɔ owinɔ kɛ nùi 'da wa, ma nyɛlɛ nɛ ge nde ni, nɛ nde wa gbini zã wa do mi. Wa 'bɔ 'da mi na, mi tɛ we kpasa wa.

Ezai 60:12

Nɛ nu kɔnggɔ winɔ kɛ wa bɛ̃ sɛ we dɛ to hã nɛ ni, nùi 'da wa ma 'danga sɛ.

Ezai 65:25

Ogbokologboe do obe bata wa nyɔngɔ sɛ wɔkɔsɔ fala nɛ kpo, nɛ gbɔgbɔ a nyɔngɔ sɛ wɔkɔsɔ ɔ nɛ ngɔmbɔ ni, nɛ gɔ̃̀ a nyɔngɔ sɛ nù iko, a gbɛ́ sɛ 'bɔ wele gɔ. Tɛ ngɔ kala santo 'da mi vɛ̃, wa dɛ́ sɛ 'bɔ 'dã mɔ gɔ, nɛ wa 'dángá sɛ 'bɔ mɔ i mɔ gɔ.”

Ezai 9:7

NWA gɔnɔ we 'da Owi ngɔ nù Israɛlɛ, a fi obe zã Yakɔbɔ li ngbangga.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

OZE 2:18

Mi NWA, mi tɔ̃a na, do fala nɛ ni, nɛ a sa sɛ li mi na: ‘Wili mi’. Nɛ nde a tɔ̃́ sɛ 'bɔ na: ‘Mɔ Bala, mɔ a nwa 'da mi’ gɔ.

OZE 2:20

“Mi gba sɛ tɔkɔ do osa'de zamɔ, do onɔɛnɔ, do obe sa'denɔ ngɔ nùi gɛ na, da dɛ kɔ wa zɛ́lɛ́ tɛ owinɔ 'da mi gɔ. Nɛ mi fo sɛ 'bɔ omɔ bi bolonɔ kpi do kpi ɔ nɛ onzabele, do odu kɔya ngɔ nùi gɛ do'do. Nɛ mi dɛ sɛ na, owinɔ 'da mi wa kpa dungu fio.

YƆƐLƐ 3:2

Do ngba soe ni, mi tombo sɛ tɛ mɛ 'bɔ Hi Wi 'da mi, nɛ a dunu sɛ kɔ owi dɛa tonɔ 'da mi, owi wili wanɔ, do owuko wanɔ.

ZAKARIA 14:3

'Do nɛ, nɛ nwa a tɛ sɛ we bi ogele winɔ ni, ɔ nɛ kɛ a dɛ tɛ bolonɔ kɛ ma la zi fai ni.

ZAKARIA 8:20

NWA ngɔ mɔ nyanga nza vɛ̃ tɔ̃a na: “Ogele winɔ wa yolo sɛ kɔ gba gili lenɔ, nɛ wa tɛ dɛ Yeruzalɛmɛ gɛ.

ZAKARIA 9:10

A fo sɛ ngilingili do ombalata bolo ngɔ nù Israɛlɛ, nɛ a gbini sanga nzabele bolo. A e sɛ dungu fio ngbala owinɔ, nɛ a dungu sɛ nwa ngɔ winɔ nyanga nza gɛ vɛ̃. A sɛ a nwa ngɔ winɔ, yolo nu gba lì Meditɛrane we hɔ nu lì Efratɛ.

Owi Nɛ Tonɔ 17:31

Nɛ a ia ngba soe kpo, takɔ a 'bili sɛ we 'da winɔ do bɔlɔ nɛ. Nɛ nde a saka wi kɛ a nɛ 'bili we 'da winɔ ni ia. Ma kɛ a bia hã winɔ vɛ na, wi ni sɛ a wi 'bili we 'da wa, we kɛ a tunu zi a kɔ fio.”

USU MƐNƆ 19:11

'Do ki ni, nɛ nu li nza hũi, nɛ mi zɔ fɛ̃a mbalata. Nɛ wi kũ ngɔ mbalata ni, li a a: “Bɔlɔ zu, Wi tɔ̃ gbãlã we.” A 'bili we, nɛ a bi bolo do wala do nɛ.

1 SAMUƐLƐ 2:10

NWA dɛ na, kolo o dã tɛ li nza 'di, nɛ a gbɛ owi sɛnɛ a. A gɔnɔ wenɔ gbaa tɛ ndɔti nùi vɛ̃. A hã nganda hã nwa kɛ a saka a ni. Nɛ a hã ngawi hã dɛa to nwa 'da a.”