Mike 4:2 - WE NU GALE 1995

² Kɔ gba gili winɔ ni wa ma ngɔ nɛ 'di mɔ, nɛ wa tɔ̃ sɛ do 'da li wala na: “Lɛ nɛ́, lɛ kũ ngɔ kala Sioni, kala 'da NWA, lɛ lé kɔ tɔa 'da Gale 'da Yakɔbɔ. A be sɛ mbulanɔ 'da a hã lɛ, nɛ lɛ ba sɛ wala kɛ a be hã lɛ ni. Mba gɔ, bia wenɔ 'da NWA ma yolo tɛ ngɔ kala Sioni, nɛ lɛnggɛnɔ 'da a, kɛ ma hɔ zala lɛ ni, ma yolo Yeruzalɛmɛ.”

Mike 4:2 Iomraidhean Croise

Zumanɔ 110:2

Aa nwa 'da mi, e kɔ NWA Gale dɛ na, dɛa to nwa 'da mɔ yolo do kɔ Tɛmpɛloe 'da a tɛ Sioni, nɛ ma la dɛ dati fai. E kɔ mɔ e mbula ngɔ owi sɛnɛ mɔ.

Zumanɔ 119:1

Winɔ kɛ dɛa to tɛ wa fí kɔ'da zu wa gɔ, nɛ wa dɛ mɔ tɛ wa do 'da mbula 'da nwa ni, wa a wi yangga.

Zumanɔ 119:171

E kɔ mi dɔnggɔ mɔ 'da fala fai, we kɛ mɔ bia mbula 'da mɔ hã mi.

Zumanɔ 122:1

Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. 'Da fala kɛ oyali ngba mi wa tɔ̃a zi hã mi na: “Lɛ nɛ́ kɔ Tɛmpɛloe 'da NWA” ni, nɛ ma hã zi yangga hã mi wena.

Zumanɔ 25:12

Fala kɛ wele dɛ kili mɔ NWA, nɛ mɔ be li wala kɛ a wia we ba do ma ni hã a.

Ezai 2:3

Kɔ gba gili winɔ ni wa ma ngɔ nɛ 'di mɔ, nɛ wa tɔ̃ sɛ do 'da li wala na: “Lɛ nɛ́, lɛ kṹ ngɔ kala Sioni, kala 'da nwa, lɛ lé kɔ tɔa 'da Gale 'da Yakɔbɔ. A be sɛ mbulanɔ 'da a hã lɛ, nɛ lɛ ba sɛ wala kɛ a be hã lɛ ni. Mba gɔ, bia wenɔ 'da NWA ma yolo tɛ ngɔ kala Sioni, nɛ lɛnggɛnɔ 'da a, kɛ ma hɔ zala lɛ ni, ma yolo Yeruzalɛmɛ.”

Ezai 54:13

“Mi be sɛ mɔ hã obe zã nɛ, nɛ wa kpa sɛ dia mɔ wena, nɛ wa sɛ do dungu fio.

Ezai 56:7

“Mi kala sɛ nɛ dɛ tɛ Sioni, kɛ mɛ a kala santo 'da mi, nɛ mi hã sɛ yangga hã nɛ tɛ kɔ tɔa sambala 'da mi. Nɛ mi kɔ̃ sɛ gɛnɛ dɔnggamɛnɔ kɛ nɛ hã sɛ ma hã mi tɛ ngɔ gbagala 'da mi ni. Mba gɔ, wa sa sɛ li Tɛmpɛloe 'da mi na: ‘Tɔa dɔnggɔ do mi we onu kɔnggɔnɔ vɛ̃.’ ”

Yeremi 31:6

Mbe tũ kpo, nɛ Owi ɔ ngi'di lenɔ wa he sɛ mɔ ngɔ kala Efraimɛ i na: ‘Lɛ nɛ́, hã lɛ kũ dɛ 'da NWA Gale 'da lɛ tɛ ngɔ kala Sioni i!’ ”

Yeremi 42:3

Mɔ sámbálá na, NWA Gale 'da lɛ be wala kɛ lɛ wia we ba ma ni, do mɛ kɛ lɛ wia we dɛ ma ni hã lɛ.”

OZE 6:3

Kɔ lɛ dɛ́ nganda we ĩ ti NWA, nɛ lɛ kɔ̃ gɛnɛ a. Lɛ tɛ bà kafi gɔ, a hɔ nɛ! A zɔ́lɔ́ sɛ gɔ, ɔ nɛ kɛ titole kpo kpo, nɛ wese zɔ́lɔ́ tɛ gba nɛ gɔɛ ni. A hɔ sɛ 'da lɛ nga, nɛ a ɔ sɛ nɛ kolo, kɛ ma tɛ dɛ zu kpalɛnɔ ni.”

ZAKARIA 14:16

'Do nɛ, nɛ tala owinɔ wa 'bana sɛ nza kɔ ogele winɔ kɛ wa nɛa we 1 bi le Yeruzalɛmɛ ni, wa nɛ sɛ tɛ Yeruzalɛmɛ i sabɛlɛ kpo kpo, we dɔnggɔ nwa ngɔ mɔ nyanga nza vɛ̃. Nɛ wa nɛ sɛ 'bɔ i mɔ we dungu ɛngga Ɔ ti Da.

ZAKARIA 9:10

A fo sɛ ngilingili do ombalata bolo ngɔ nù Israɛlɛ, nɛ a gbini sanga nzabele bolo. A e sɛ dungu fio ngbala owinɔ, nɛ a dungu sɛ nwa ngɔ winɔ nyanga nza gɛ vɛ̃. A sɛ a nwa ngɔ winɔ, yolo nu gba lì Meditɛrane we hɔ nu lì Efratɛ.

MARKO 16:20

Nɛ owi yambala mɛnɔ wa la tɛ be Dia Sakoe hã owinɔ nyanga nza gɛ vɛ̃. Nɛ Nwa Yezu zi do wa kɔ dɛa toe 'da wa. Nɛ wa dɛa ogba sɔ̃ mɔ do ngawi 'da a, we be hã owinɔ na, wenɔ wa be ni, mɛ a ngbongbo we.]

LUKA 24:47

Nɛ ma wia 'bɔ na, Owele wa be sakoe 'da a nyanga nza gɛ vɛ̃, ndo do Yeruzalɛmɛ, we tɔ̃ hã winɔ na, wa kifi sila wa, kɔ Gale fo ku'da 'dã mɛnɔ zu wa.

YOANƐ 6:45

Owi gba olo nu Gale wa kɔma zɛ́ na: ‘Gale a be sɛ we 'da a hã winɔ vɛ̃.’ Kɔ wele kɛ a zele bia we 'da Gale, kɔ a kɔ̃ gɛnɛ nɛ, nɛ a tɛ 'da mi.

YOANƐ 7:17

Kɔ fala kɛ wele dɛ mɛnɔ kɛ zã Gale kɔ̃a ni, sɛ nɛ a ĩ sɛ na, wenɔ mi be gɛ, ma yula 'da Gale, tabi ma yula kɔ mi zu mi kpo ni de.

Owi Nɛ Tonɔ 1:8

Nɛ nde do 'da fala kɛ Hi Wi Santo a zĩlĩ sɛ dɛ ngɔ nɛ ni, nɛ a hã sɛ ngawi hã nɛ. Nɛ nɛ sɛ a otemɔɛnɔ 'da mi, nɛ nɛ tɔ̃ sɛ gulu mɛnɔ kɛ nɛ zɔa ni hã owinɔ tɛ Yeruzalɛmɛ, do ngɔ nù Yude, do Samaria, gbaa we hɔ gulu nù i vɛ̃.”

Owi Nɛ Tonɔ 13:42

Polo do Barnabasi wa hɔa nza kɔ tɔa mbula ni, nɛ winɔ wa aka wa na, tũ ɔmɔ tɛ wi 'do ki ni, nɛ wa tɛ, kɔ wa tɔ̃ 'bɔ kpo lɛnggɛ ni hã lo.

ROMA 15:19

do gba sɔ̃ mɛnɔ, do ɔngbamɛnɔ do wala 'da mi, nɛ a hã 'bɔ ngawi 'da Hi Wi Santo hã mi. Ma kɛ mi yula zi Yeruzalɛmɛ, nɛ mi yɛnggɛ tɛ be Dia Sakoe 'da Kristo gbaa, nɛ mi hɔ ngɔ nù Iliri.

Mbulanɔ 6:1

“Ki ni a mbulanɔ vɛ̃ kɛ NWA Gale 'da nɛ ba nu a hã mi na, mi be ma hã nɛ gɛ a ni. Kɔ ma wia na, nɛ dɛ sɛ ma ngɔ nùi kɛ nɛ kɔlɔ we ba ma ni.