Mike 4:13 - WE NU GALE 1995

¹³ NWA Gale tɔ̃a hã owi Yeruzalɛmɛ na: “Nɛ kúlú ngɔ dɛ tɛ Owi sɛnɛ nɛ, nɛ nɛ ha ngamɔ hã wa. Mi dɛ sɛ na, nɛ nganda ɔ nɛ wili ngɔmbɔ, kɛ zamba zu a do tambala nyanga a nganda nɛ́ mɔ bolo ni. Nɛ nɛ gbɛ sɛ ogele winɔ wena. Nɛ kala sɛ odia mɛnɔ, kɛ wa zũ zi kɔ̃ Owele ni, nɛ nɛ dɔnggɔ sɛ do mi Gale, kɛ mi a NWA ngɔ omɛnɔ nù gɛ vɛ̃ ni.”

Mike 4:13 Iomraidhean Croise

Zumanɔ 24:1

Zuma 'da Davidi NWA, mɔ a wele nyanga nza do mɛnɔ ngɔ nɛ vɛ̃. NWA, wele nùi do mɛnɔ ngɔ nɛ gɛ a mɔ́ mɔ.

Zumanɔ 68:29

Aa Gale, mɔ bé ngawi 'da mɔ, mɔ bé ngawi Gale 'da mɔ kɛ ma dɛ mɛnɔ we lɛ ni.

Zumanɔ 72:10

Onwa ngɔ nù Tarsisi do wanɔ kulu gba lì i ni, wa tombo sɛ do dia mɔ hã a, nɛ onwa ngɔ nù Saba do Seba, wa futa sɛ tako hã a.

Ezai 18:7

Do 'da fala ni, Oetiopi kɛ fua lìnɔ dɛla ngɔ nùi 'da wa wena ni, wa tɛ sɛ do dɔnggamɔ hã nwa ngɔ mɔ nyanga nza vɛ̃. Wa a Owele kɛ wa dulu wena, nɛ ndala tɛ wa nde ndila. Owinɔ ngɔ nù gɛ vɛ̃ wa dɛ kili wa, we kɛ wa nganda wena, nɛ wa zɛlɛ tɛ ogele winɔ wena. Gɛnɛ kɔ na mɛ ni, nɛ nde wa kala sɛ dɔnggamɛnɔ 'da wa, nɛ wa nɛ do ma ngɔ kala Sioni, nɛ wa hã ma hã nwa ngɔ mɔ nyanga nza vɛ̃, kɛ a ɔ di ni ni.

Ezai 21:10

Aa nɛ, owinɔ 'da mi, obe Israɛlɛ, owi Babilɔnɛ wa zɛa zi nɛ, ɔ nɛ kɛ wa zɛ do kpalɛ ngɔ 'dinggili ni. Kɔ ngangga gɛ, mi tɔ́a dia sako hã nɛ. Sakoe ni, wi tɔ́a ma hã mi wi a NWA Gale 'da lɛ obe Israɛlɛ.

Ezai 23:18

Nɛ mbilinɔ kɛ wa kpa sɛ ma ni, ma la sɛ dɛ 'da NWA Gale. Wa mbá sɛ li nɛ we usu ma do mɔ wa gɔ, nɛ nde wi nyɔngɔ sɛ ma, wi a owinɔ kɛ wa dɔnggɔ NWA Gale ni. Wa oso sɛ ma do nyɔngɔmɔ, do dia tulu mɔ́ wa.

Ezai 5:28

Wa sɛa nu kpilinɔ 'da wa 'bɛ̃lɛ̃ wena, nɛ wa mana nzabele 'da wa we da ma. Tambala nyanga mbalatanɔ 'da wa nganda ɔ nɛ ta ni, nɛ kolo nyanga ngilingili 'da wa zĩ ɔ nɛ zikili ni.

Yeremi 51:20

NWA tɔ̃a na: “Aa nɛ, Obabilonia, nɛ ɔ zi dɛ kɔ̃ mi nɛ dɔnɔ ni. Nɛ zi a mɔ bi bɔlɔ mɔ́ mi. Mi kala zi nɛ dɛ kɔ̃ mi, nɛ mi mbɔtɔ do onu kɔnggɔ winɔ, nɛ mi 'danga nùnɔ 'da wa.

Yeremi 51:33

Owi sɛnɛ Owi kɔ le Babilɔnɛ wa tɛa, nɛ wa ma wa dɛ ti nyanga wa, ɔ nɛ kɛ wa 'danda do fala zɛ kpalɛ we 'dafa ma ni. 'Da kala be sĩ, nɛ ngba soe ngamɛ 'da wa ma we sɛ, ɔ nɛ ngba soe kala kpalɛ li fɔ ni. Mi nwa ngɔ mɔ nyanga nza vɛ̃, Gale 'da obe Israɛlɛ, mi tɔ̃a ni.”

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

OZE 10:11

“Obe Israɛlɛ wa ɔ zi nɛ be zagbãlã ngɔmbɔ, kɛ wa bia dɛa to ma kpalɛ hã a de wena, nɛ a dɛ ma do yangga ni. Kɔ mi nɛa we zɔ ngawi 'da a, nɛ mi ba te ngbangboe kɛ wa ɛnzɛ ngɔ gɛlɛ sa'denɔ, nɛ wa dɛ do toe ni, nɛ mi ɛnzɛ dɛ ngɔ gɛlɛ a. Mi ia Oyuda tɛ nga dɛa to na, wa 'bili fɔ, nɛ Oisraɛlɛ wa 'dafa ngɔ nɛ.

Mike 5:7

Nɛ tala obe Israɛlɛ kɛ wa 'bana sɛ sanga ogele winɔ ni, wa nganda sɛ nɛ́ kɛ gbɔgbɔ nganda sanga osa'denɔ zamɔ 'di ni. Wa ɔ sɛ nɛ be gbɔgbɔ kɛ a hɔ ngbala obata, nɛ a ba mbe kpo, nɛ a nyɔngɔ a, nɛ nde fo wi ba tala nɛ nu a bina ni.

HABAKUKƐ 3:12

Mɔ la ngɔ nù gɛ do dã, nɛ mɔ mbɔtɔ ogele winɔ dɛ ti nyanga mɔ do nɔ̃lɔ̃ zã.

ZAKARIA 12:3

Nɛ nde do 'da fala ni, mi nwa, mi dɛ sɛ na, Yeruzalɛmɛ ɔ nɛ ta kɛ ma dĩlĩ wena ni. Nɛ owinɔ kɛ wa fa sɛ we ba ma dɛ ngɔ ni, ma e sɛ dani tɛ wa. Nɛ ogele winɔ vɛ̃ wa zɔ sɛ ní, nɛ wa mba sɛ li ngba wa we bi Yeruzalɛmɛ.

ZAKARIA 12:6

“Do 'da fala ni, nɛ mi dɛ sɛ na, ogã winɔ ngɔ nù Yuda wa ɔ nɛ nyɛa we kɛ ma te tɛ zamɔ tabi fɔ, nɛ ma bɛlɛ ma, nɛ wa amba zãa ni. Wa kumu sɛ ogele winɔ vɛ̃ kɛ zã wa ni. Nɛ owi Yeruzalɛmɛ wa 'bana sɛ tɛ ɔ dɛ kɔ le 'da wa.

ZAKARIA 4:14

Nɛ a tɔ̃ gulu nɛ hã mi na: “Mɛnɔ ni ma be owinɔ bɔa kɛ wa saka wa, nɛ wa a nɔ zu wa, takɔ wa dɛ toe 'da Gale, NWA ngɔ mɔ nyanga nza vɛ̃ ni.”

ZAKARIA 6:5

Nɛ a gese hã mi na: “Mɛ a Ohi Wi nalɛ, kɛ wa yolo dɛ kɛ zã NWA ngɔ mɔ nyanga nza vɛ̃ ni. Kɔ ngangga ni, wa tɛ la ngɔ nùi.”

1 KORINTƐ 16:2

Li ɛngga kpo kpo, nɛ wele do wele fo mbe nu mbili kɛ a kpa ma ni, nɛ a usu dɛ kɔ tɔa 'da a. Kɔ fala kɛ mi hɔ nde, nɛ nɛ tɛ fà 'bɔ ma fa gɔ.

Mbulanɔ 33:25

Owi sɛnɛ a, wa fa sɛ we ba le 'da a zãa, wa kpia nu ngboe, nɛ wa kã ma do mɔ bolo. E kɔ wa ɔ do ngawi li dungi 'da wa vɛ̃.

Yozue 6:19

Nɛ nde mɛnɔ vɛ̃ wa dɛa do fɛ̃a mɔ bolo, do mɔ mbali, do tũ mɔ bolo, tabi do gele mɔ bolo ni, lɛ e sɛ ma dɛ kɔ NWA, nɛ lɛ a sɛ ma tɛ fala wa a do kpamɛnɔ 'da a ni.”