Mike 4:11 - WE NU GALE 1995

¹¹ Di ngangga ni, ogili gele winɔ, wa mba li ngba wa, nɛ wa sɛnɛ nɛ, obe Yuda. Wa tɔ̃ na, lo hã sɛ sape hã owi Yeruzalɛmɛ, nɛ le 'da wa ma 'danga sɛ, nɛ ma de sɛ tɛ lo wena.

Mike 4:11 Iomraidhean Croise

Zumanɔ 129:5

E kɔ owi sɛnɛ Sioni vɛ̃ wa te li bolo, nɛ wa kpolo tɛ wa do sape.

Zumanɔ 83:5

Wa na: “Lɛ nɛ́ hã lɛ kúmú obe Israɛlɛ, takɔ ta zu winɔ ele ngɔ wa fai.”

Ezai 10:7

Nɛ nde linggamɛ 'da nwa ngɔ Asiri, ma wè kɔ̃ do kɛ 'da mi gɔ. A do gele linggamɔ zu a. A fa tati a we 'danga lenɔ kpi do kpi, do we kumu nu kɔnggɔ winɔ, ɔ nɛ kɛ zã a kɔ̃a ni.

Ezai 17:12

Aa nɛ, nɛ zélé giti ogba dɔa winɔ kɛ ma wele gɛ. Giti wa dɔlɔ ɔ nɛ giti gba lì, kɛ ngele nɛ ma dɛ do 'da fala gba bũ kamba ni. Ma wele wuu ɔ nɛ sulu lì ni.

Ezai 29:7

dɛ ngɔ owinɔ kɛ wa bi zi le Yeruzalɛmɛ ni. Owinɔ kɛ wa linggi zi nɛ, nɛ wa bi nùi 'da nɛ, nɛ wa ba ma, nɛ wa hã ngamɔ hã nɛ ni, wa 'bɔ sɛ hɛɔɔ. Ngamɔ ma hɔ sɛ zu wa hau ɔ nɛ yalɛ ni.

Yeremi 52:4

Kɔ ma hɔa kɔ zɛkɛ 'bu, zɛkɛ 'da 'bu, tɛ kɔ kusi sabɛlɛ dɛa to nwa 'da Sedekiasi tɛ ngɔ nù Yuda, nɛ nwa Nabukɔdɔnɔzɔrɛ kulu ngɔ do osodanɔ 'da a vɛ̃, nɛ wa nɛ, nɛ wa linggi gba ngbo nu le Yeruzalɛmɛ.

EZEKIƐLƐ 26:3

Nɛ nde nɛ, owi Tirɛ, nɛ zélé we mi NWA Gale, mi tɔ̃ gɛ! Mi siki sɛ li mi dɛ tɛ nɛ, nɛ mi be sɛ ngawi 'da mi hã nɛ. Mi tombo sɛ gba gili Owele, nɛ wa bi sɛ lenɔ 'da nɛ, nɛ wa nɛ sɛ ngɔ nɛ fɛɔɔ, ɔ nɛ hɛ̃a lì ni.

EZEKIƐLƐ 38:17

“Mi NWA Gale, mi tɔ̃ hã mɔ na: Wi kɛ mi tɔ̃a we 'da a zɛ́ belee hã Owi tonɔ 'da mi, kɛ wa gba olo nu mi ni, wi a mɔ Gɔgɛ. Mi tumba wa na, wa nɛ, hã wa tɔ̃ hã owinɔ na, mi saka mbe nwa kpo, takɔ a nɛ we bi owinɔ 'da mi.

ABDIASI 1:12

“Aa nɛ, Oedɔmɛ, ma wè zi na, nɛ dɛ yangga ngamɛ kɛ onya nɛ Oyuda wa kpa ni gɔ. Nɛ wè zi we dɛ yangga do ngba soe kɛ owi sɛnɛ Oyuda, wa ba le 'da wa, nɛ wa 'danga ma ni gɔ. Nɛ nɛ wè zi 'bɔ we dã wa do ngba soe 'bako 'da wa ni gɔ.

Mike 7:10

Owi sɛnɛ lɛ wa zɔ sɛ de dɛa mɛnɔ, kɛ a dɛ we lɛ ni, nɛ sape ma ba sɛ li wa, nɛ wa áká sɛ 'bɔ nu lɛ na: “NWA Gale 'da nɛ a do nde” ni gɔ. Nɛ Owele wa ma sɛ owi sɛnɛ lɛ do nyanga wa ɔ nɛ 'bɛ̃tɛ̃ ni, nɛ lɛ sɛ do yangga we zɔ mɛ wa dɛ do wa ni.

ZAKARIA 12:3

Nɛ nde do 'da fala ni, mi nwa, mi dɛ sɛ na, Yeruzalɛmɛ ɔ nɛ ta kɛ ma dĩlĩ wena ni. Nɛ owinɔ kɛ wa fa sɛ we ba ma dɛ ngɔ ni, ma e sɛ dani tɛ wa. Nɛ ogele winɔ vɛ̃ wa zɔ sɛ ní, nɛ wa mba sɛ li ngba wa we bi Yeruzalɛmɛ.