Mike 4:10 - WE NU GALE 1995

¹⁰ Gbãlã we, nɛ Owi Yeruzalɛmɛ, nɛ bí tɛ nɛ, nɛ nɛ hé mɔ ɔ nɛ wuko kɛ a do zɛlɛ kula ni. We kɛ wa kala sɛ nɛ kɔ gã le 'da nɛ dɛ nza, nɛ nɛ ɔ sɛ do ngɔ fɔnɔ, nɛ wa 'dɔlɔ sɛ nɛ gbaa dɛ Babilɔnɛ i. Nɛ nde i mɔ ni, NWA a kpasa sɛ nɛ, nɛ a fo sɛ nɛ ti mbula 'da owi sɛnɛ nɛ.

Mike 4:10 Iomraidhean Croise

2 Onwanɔ 20:18

Nɛ wa kala sɛ 'bɔ ombe wi wili sanga obe zã mɔ, nɛ wa hɔlɔ wa, nɛ wa a wa we dɛ to kɔ tɔa 'da ngɔ nù Babilonia.’ ”

2 Onwanɔ 25:4

nɛ osoda Babilɔnɛ wa gbo li holo tɛ dɛlɛ gba ngbo nu le Yeruzalɛmɛ, nɛ wa le. Sedekiasi do osodanɔ 'da a, wa nɛa we zɔ ni, nɛ wa hɔ nza kɔ le Yeruzalɛmɛ do tũ, nɛ wa yu, nɛ nde osoda Babilɔnɛ wa ĩ̀ fala nɛ gɔ. Nɛ wa la do nu ngboe kɛ ma tɛ ngbala gba ngbonɔ bɔa ni, nɛ wa ba li wala fɔɛ 'da Sedekiasi, nɛ wa yu si li wala kɔ gbangɔlɔ̃ lì Yɔrdanɛ.

2 Sakonɔ 33:11

NWA zɔa na mɛ ni, nɛ a tombo ogã wi ngɔ sodanɔ 'da nwa ngɔ nù Asiri na, wa bi Manase do owinɔ 'da a. Wa ba Manase, nɛ wa gbo 'bangga a, nɛ wa kɔ'bɔ mɔ ɔ nɛ kunggu ni tɛ nɛ, nɛ wa ɛnzɛ a kpolo kpolo, nɛ wa la do a dɛ ngɔ nù Babilonia i.

2 Sakonɔ 36:20

'Do ki ni, nɛ nwa 'da wa kala owinɔ kɛ wa fè gɔ ni do ngbá, nɛ a si do wa dɛ ngɔ nù Babilonia i. Nɛ wa dɛa to hã a do obe zã a gbaa, we hɔ tɛ ngba soe kɛ gã nwa ngɔ nù Pɛrsɛ ia nwa ngɔ nù Babilonia ti mbula 'da a ni.

2 Sakonɔ 36:23

“Nɛ zélé mbula, Sirusi, gã nwa ngɔ nù Pɛrsɛ ba nu a na wa sa ma gɛ. NWA Gale kɛ a li nza i ni, a ia mi na, mi ɔ ngɔ nùnɔ vɛ̃. A hã to hã mi na, mi dɛ mbé tɔa Tɛmpɛlo hã ɛ ko le Yeruzalɛmɛ, tɛ ngɔ nù Yuda. E kɔ nɛ winɔ 'da a kɔ le gɛ vɛ̃, nɛ si dɛ Yeruzalɛmɛ. E kɔ NWA Gale 'da nɛ ɔ do nɛ!”

Zumanɔ 106:10

Mɔ bɛ̃a we ngɔ wa hã owi zɛlɛ tɛ wa, nɛ mɔ kpasa wa ti kɔ̃ Owi sɛnɛ wa.

Ezai 43:14

NWA Gale santo 'da nɛ obe Israɛlɛ, kɛ a kpasa nɛ kɔ ngamɛnɔ ni, a tɔ̃a na: “Mi tombo sɛ wele we fo nɛ tɛ Babilɔnɛ. Osodanɔ 'da wi ni, wa 'danga sɛ ngbo nu le Babilɔnɛ, nɛ wa bi sɛ ma. Na mɛ ni, yangga 'da owi Babilɔnɛ, ma kifi sɛ hiamɔ ala nu.

Ezai 45:13

Mi a mi tumba Sirusi na, a nɛ hã a dɛ olo nu mi. Mi gbaka sɛ a kɔ mɛnɔ vɛ̃ kɛ a dɛ sɛ ma ni. A dɛ sɛ le Yeruzalɛmɛ dɛ olo nɛ, nɛ a da sɛ kɔ̃ a tɛ owinɔ 'da mi kɛ wa zi kɔlɔ 'duli ni na, wa si. A dɛ sɛ na mɛ ni do kɔ sila a, nɛ nde wa ha sɛ mbili hã a sɛ nɛ de gɔ. Mi, NWA ngɔ mɔ nyanga nza vɛ̃, mi tɔ̃a ni.”

Ezai 48:20

Nɛ hɔ́ nza kɔ le Babilɔnɛ, kɔ nɛ lá, hã nɛ si. Nɛ dɛ́ yangga, nɛ nɛ zɛ́ nu nɛ. Nɛ yɛ́nggɛ́ ngɔ nù gɛ vɛ̃, nɛ nɛ tɔ̃ lɛnggɛ gɛ hã owinɔ na: “NWA a kpasa lɛ obe Israɛlɛ, Owi dɛa tonɔ 'da a.”

Yeremi 13:4

“Mɔ kúlú ngɔ, hã mɔ nɛ́ tɛ nu fua lì Fara. Mɔ hɔ i mɔ, nɛ mɔ bulu 'dɛ̃ 'dɛ tili mɔ ni, nɛ mɔ usu ma kɔ ta.”

Yeremi 15:21

Mi gbɔtɔ sɛ mɔ, nɛ mɔ hɔ sɛ nza ti kɔ̃ o'dã winɔ do Owi zɛlɛ tɛ winɔ. Mi NWA, mi tɔ́a ni.”

Yeremi 29:20

Nɛ vɛ̃ kɛ mi nwa, mi tumba zi nɛ kɔlɔ 'duli tɛ ngɔ nù Babilonia i ni, nɛ zélé we mi tɔ̃ ni.’

Yeremi 4:31

Mi zila hiamɔ, ɔ nɛ hiamɔ gɛlɛ wuko kɛ a do zɛlɛ kula ni. Mi zila hiamɔ, ɔ nɛ hiamɔ gɛlɛ wuko kɛ a nɛ ko kuti kula ni. Ĩ na, mɛ a wala gɛlɛ Sioni, a tata kɔ̃ a, nɛ a tɛ he mɔ do ala nu na: “Mi fia do'do, mi 'bànà gɔ, wa tɛa we gbɛ mi!”

Yeremi 48:41

Nɛ ole gba ngbonɔ do ogele lenɔ ma te sɛ dɛ kɔ̃ owinɔ ni. Do kɔ̃ tũi ni, nɛ sila onga soda Moabɛ, ma ɔ sɛ ngɔ ngbũu nɛ sila wuko, kɛ a do zɛlɛ kula ni.

Yeremi 52:27

Wa hɔa i mɔ, nɛ nwa ba nu a, nɛ wa gbɛ owinɔ ni do ti. Tɛlɛ tɛ kɛ Oyuda wa la zi nɛ kɔlɔ 'duli nyɛlɛ do nùi 'da wa ndũu gɛ a ni.

OZE 13:13

Nɛ ɔ nɛ yɔndɔ be, kɛ kula a to naa a, nɛ nde a kɔ̃̀ we hɔ nza gɔ ni.

OZE 2:14

Mi 'danga sɛ fɔ vinɔnɔ do fɔ figɛnɔ, kɛ a tɔ̃ na, owili ɛ wa hã ma hã ɛ ni kɔ̃ a do'do. Mi dɛ sɛ na, fɔnɔ 'da a ma kulu, nɛ osa'de zamɔ wa nyɔngɔ sɛ mɔ di ni.

Mike 5:2

NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

USU MƐNƆ 12:14

Nɛ wa hã 'baka ziki bɔa hã wuke ni na, a bũlũ do nɛ gbaa dɛ fala kɛ wa 'dafa hã a li gba zɔ̃ i ni. Nɛ a ɔ dɛ di ni, nɛ wa dala a gbaa 'do sabɛlɛ talɛ do dɔ nɛ, nɛ wa zɔ mɔ tɛ a na, dɔ gba sɔ̃ sa'de dɛ́ mɔ do a gɔ.