Mike 4:1 - WE NU GALE 1995

¹ Mbe tũ kpo, nɛ kala kɛ tɔa Tɛmpɛloe ngɔ nɛ ni, ma ngala sɛ nɛ ngɔ kɛnɔ kɛ zã nɛ ni vɛ̃, nɛ mɛ sɛ a nwa kala. Nɛ onu kɔnggɔ winɔ vɛ̃ wa nɛ sɛ dɛ tɛ nɛ.

Mike 4:1 Iomraidhean Croise

Ndo Nyanga Dɛ Mɔ 49:1

Yakɔbɔ sa mɔ hã obenɔ 'da a, nɛ a tɔ̃ hã wa na: “Aa benɔ 'da a, nɛ mbá li ngba nɛ, hã nɛ zele tala we nu mi baa nɛ. Nɛ zélé we ngɔ mɛnɔ ma kpa sɛ nɛ 'do gɛ ni.

Ndo Nyanga Dɛ Mɔ 49:10

Nu kpala mɔ ma dɛ sɛ to nwa fai. Dɔndɔlɔ nwa yú sɛ tɛ̃ ɛ kɔ̃ be zã mɔ gɔ, gbaa na owinɔ wa tɛ do mɔ we dɔnggɔ do a, nɛ wa dɛ mbulanɔ 'da a.

Zumanɔ 110:3

Do ngba soe mɔ nɛ bi Owi sɛnɛ mɔ ni, nɛ onga sodanɔ wa kã sɛ mɔ do dia sila, nɛ obe zagbãlãnɔ wa mba sɛ do mɔ fala nɛ kpo tɛ ngɔ kala santo, nɛ wa kpa falanɔ vɛ̃ ɔ nɛ mbɔɛ titole ni.

Zumanɔ 22:27

Mi sa sɛ mɔ hã owi sãnɔ, nɛ wa nyɔngɔ mɔ, nɛ zã wa hɛ̃. Owinɔ kɛ wa fa mɔ NWA ni, wa dɔnggɔ sɛ mɔ, nɛ tũ kɔ̃ wa ma dɔ sɛ ngɔ nù gɛ, nɛ wa kpa sɛ dia dungu.

Zumanɔ 48:1

Zuma 'da obe zã Kore

Zumanɔ 86:9

Mɔ a mɔ dɛa nu fɛlɛ kulanɔ vɛ̃, nɛ wa tɛ sɛ we gu nù ti mɔ, we dɔnggɔ dɔ̃lɔ̃ li 'da mɔ NWA.

Ezai 27:13

Do ngba soe ni, wa dama sɛ gã mɔtũlũ, nɛ owinɔ kɛ wa pɛsɛ zi dɛ ngɔ nu Asiri do Ezipeto ni, wa si sɛ vɛ̃ dɛ kɔ le Yeruzalɛmɛ. Nɛ wa nɛ sɛ ngɔ kala kɛ ma santo we dɔnggɔ NWA.

Ezai 43:6

Mi tɔ̃ sɛ hã owinɔ tɛ si gbãlã ngɔ na, wa dá kɔ̃ wa tɛ nɛ, hã nɛ si. Nɛ mi tɔ̃ sɛ 'bɔ hã wanɔ tɛ si ba gɔtɔ na, wa tɛ bɛ̃̀ zu nɛ, owinɔ 'da mi gɔ. Nɛ nɛ yolo sɛ falanɔ vɛ̃ kɛ wa pɛsɛ do nɛ ni, nɛ nɛ si sɛ dɛ ngɔ nùi 'da nɛ.

Ezai 49:6

A tɔ̃a hã mi na: “Mi kɔ̃̀ tati nɛ na, mɔ dɛ to hã mi we gese obe Israɛlɛ kɛ wa 'bana nza kɔla 'duli ni iko gɔ. Nɛ nde mi ia 'bɔ mɔ na, mɔ ɔ nɛ nyɛa we, we be li wala hã ogele winɔ, takɔ mi kpasa owinɔ, kɛ wa pɛsa do ngɔ nù gɛ vɛ̃ ni.”

Ezai 54:2

Nɛ gbálá nu tɔanɔ 'da nɛ, nɛ ngbu zã nɛ dɛ 'do, nɛ nɛ tɛ zĩ̀ tɛ nɛ zĩ gɔ.

Ezai 56:7

“Mi kala sɛ nɛ dɛ tɛ Sioni, kɛ mɛ a kala santo 'da mi, nɛ mi hã sɛ yangga hã nɛ tɛ kɔ tɔa sambala 'da mi. Nɛ mi kɔ̃ sɛ gɛnɛ dɔnggamɛnɔ kɛ nɛ hã sɛ ma hã mi tɛ ngɔ gbagala 'da mi ni. Mba gɔ, wa sa sɛ li Tɛmpɛloe 'da mi na: ‘Tɔa dɔnggɔ do mi we onu kɔnggɔnɔ vɛ̃.’ ”

Yeremi 16:19

Aa NWA, mɔ a wi fɔmɔ mi, nɛ mɔ a mɔ hã ngawi hã mi. Mɔ a wi kele zu mi 'da fala ngamɔ. Ogele nu kɔnggɔnɔ wa yolo sɛ tɛ ndɔti nùi, nɛ wa tɛ dɛ 'da mɔ. Nɛ wa tɔ̃ sɛ na: “Sambala 'da oyaa lɛ ma zi a gbãlã we sambala gɔ, mɛ zi a mɔ bɛlɛ kɛ ma do gulu nɛ bina.

Yeremi 26:18

“'Da fala Ezekiasi zi a nwa ngɔ nù Yuda ni, nɛ mbe wi gba olo nu Gale zi kpo tɛ kɔ le Moresɛtɛ, li a a Mike. A gba zi olo nu NWA ngɔ mɔ nyanga nza vɛ̃ hã Owi ngɔ nù Yuda na: ‘Kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ owɔkɔsɔ ma kele sɛ ngɔ kala tɔa Tɛmpɛloe vɛ̃.’

Yeremi 3:17

'Da fala ni ma hɔ, nɛ wa sa sɛ li Yeruzalɛmɛ na: ‘Le 'da nwa’, we duzu kɛ mi Gale, mi dungu nwa di ni. Nɛ owinɔ vɛ̃ wa nɛ sɛ dɛ di ni we dɔnggɔ mi. Nɛ wa la sɛ fala dɛ yia nga zui 'da wa do'do.

Yeremi 31:12

Nɛ wa kpolo sɛ tɛ wa dɛ ngɔ kala Sioni, do zuma yangga nu wa, mi hã sɛ ble, dɔ̃, nɔ, obata, odua, do ongɔmbɔ hã wa, nɛ bula li wa sɛ do yangga we nɛ. Wa ɔ sɛ nɛ kpalɛ li fɔ kɛ ma 'bɔ de wena ni, nɛ tɛ wa zɛ́lɛ́ sɛ 'bɔ mbé nɛ gɔ.

Yeremi 48:47

Nɛ nde mbe tũ kpo, nɛ nwa a hã sɛ 'bɔ dia dungu hã Omoabɛ. Kɛ gɛ a ndɔti mɛnɔ kɛ NWA tɔ̃a na, ma dɛ sɛ Omoabɛ ni.

EZEKIƐLƐ 38:16

Mɔ tɛ sɛ we bi winɔ 'da mi, Oisraɛlɛ, nɛ nɛ kpe sɛ ngɔ nùi 'da mi ɔ nɛ gba kutu ni. Ma dɛ̃ sɛ tɛ̃ ɛ dɔ̃ gɛ gɔ, nɛ nde ngba soe ni ma we, nɛ mi tombo sɛ mɔ we bi winɔ 'da mi. Mi dɛ sɛ na mɛ ni, we be hã ogele winɔ na, mi a Gale santo. Nɛ mi be sɛ ma hã wa ní do wala 'da mɔ.

EZEKIƐLƐ 40:2

Nɛ Gale la do mi do li yalɛ dɛ ngɔ nù Israɛlɛ, nɛ a e mi tɛ 'bɛ̃lɛ̃ zu kala kpo. Nɛ mi ka mɔ dɛ nù si ba gɔtɔ, nɛ mi zɔ otɔa, ɔ nɛ gã le ni.

EZEKIƐLƐ 43:12

Kɛ gɛ a gã mbula ngɔ Tɛmpɛloe: Falanɔ vɛ̃ kɛ ma zĩ Tɛmpɛloe takpa tɛ zu kala i ni, ma santo wena.”

DANIƐLƐ 10:14

Nɛ mi tɛa do to hã mɔ, takɔ mɔ ĩ ti mɛ ma dɛ sɛ owinɔ 'da mɔ do 'do nza ni.’

DANIƐLƐ 2:28

Nɛ nde tɛ li nza i, mbe Gale kpo kɛ a wia tɛ be usu mɛnɔ ni, a boe. Nɛ Gale ni bia mɛ ma hɔ sɛ do 'do nza ni hã mɔ nwa na, mɔ ĩ ti ma. Mɔ zɔ́, yalɛ mɔ yala ni ma kɛ:

DANIƐLƐ 2:35

Nɛ mɔ bole ni, do tũ mɔ bole, do fɛ̃a mɔ bole, do mɔ mbali, ma 'bu, nɛ ma hɔ fũ. Nɛ bũi kala ma la do nɛ, ɔ nɛ kɛ ma pɛsɛ do Sa'da kpalɛnɔ do 'da fala wa pɛpɛ do ma ni. Mbé olo kpikima ni 'bɔ bina. Nɛ ta ma lua kpikima ni, ma kifi gã kala, nɛ ma kpa ngɔ nùi vɛ̃.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

DANIƐLƐ 7:18

'Do nwanɔ nalɛ ni, nɛ owinɔ 'da Gale kɛ a gã nɛa ngɔ mɔ vɛ̃ ni, wa ba sɛ to nwa. Nɛ wa fɔmɔ sɛ ma gbaa, ndɔti nɛ sɛ bina.’

DANIƐLƐ 7:22

Nɛ kpasa wi wili tili, nɛ a gɔnɔ dia gulu we hã owinɔ 'da Gale, kɛ a gã nɛa ngɔ mɔ vɛ̃ ni. Nɛ 'do nɛ, nɛ ngba soe nɛ wia, nɛ owinɔ 'da Gale wa ba to nwa.

DANIƐLƐ 7:27

Wa hã sɛ ngawi hã owinɔ 'da Gale, kɛ a gã nɛa ngɔ mɔ vɛ̃ ni. Nɛ wa e sɛ wa do nwa, nɛ lenɔ ngɔ nù gɛ vɛ̃ sɛ ti mbula 'da wa. Dɛa to nwa 'da wa, ma ɔ sɛ fai, ndɔti nɛ sɛ bina. Nɛ owi ngawinɔ ngɔ nù gɛ, wa zele sɛ nu wa, nɛ wa dɛ to hã wa.’

OZE 3:5

'Do nɛ, nɛ obe Israɛlɛ wa kpolo sɛ tɛ wa dɛ 'da nwa. Wa siki sɛ li wa dɛ 'da Gale 'da wa, do 'da nwa ngɔ wa, kɛ a a be zã Davidi ni. Nɛ wa yu sɛ kili NWA, nɛ wa kpa sɛ dia mɔ kɔ̃ a.

Mike 3:12

Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

ZAKARIA 14:10

Nɛ nùi vɛ̃ kɛ zã Yeruzalɛmɛ, yolo Geba si gbãlã ngɔ, we hɔ Rimoni si ba gɔtɔ, ma kifi sɛ mbɛ nù. Nɛ le Yeruzalɛmɛ ma kusu sɛ dɛ ngɔ, nɛ ngbala nɛ ma ndo sɛ do nu ngbo Bɛnzamɛ we hɔ tɛ nu ngbo kɛ li nɛ a “Gbala dɛlɛ” tɛ fala ã gbɛlɛ nu ngboe zi dati ni. Nɛ ma yolo sɛ 'bɔ tɛ ngbala tɔa Hananeɛlɛ we hɔ tɛ fala kpĩ̀lĩ̀ do dɔ̃ɛ 'da nwa.

ZAKARIA 8:3

Ma kɛ mi tɔ̃a na, mi kpolo sɛ tɛ mi dɛ Yeruzalɛmɛ, nɛ mi ɔ sɛ mbé nɛ dɛ di ni. Nɛ wa sa sɛ li Yeruzalɛmɛ na: ‘Le dɛ mbula.’ Nɛ wa e sɛ li kala 'da mi Sioni na: ‘Kala Santo.’

MALAKI 1:11

“Ogele winɔ nyanga nza gɛ vɛ̃, wa dɔnggɔ mi. Falanɔ vɛ̃, yolo 'biti gba wese we hɔ 'biti gɛ̃a wese, wa dɔ fũ yɔmbɔ we dɔnggɔ do mi, nɛ wa tɛ do dɔnggamɛnɔ kɛ ma wia do mi ni hã mi. Gbãlã we, ogele winɔ wa ĩ ti gã wi 'da mi.

Owi Nɛ Tonɔ 2:17

‘Gale tɔa na, do ndɔti nza, nɛ mi tombo sɛ Hi Wi 'da mi, nɛ a dunu sɛ kɔ owinɔ vɛ̃. Obulu benɔ, do oboko benɔ 'da nɛ, wa gba sɛ do nu mi. Mi be sɛ mɔ li ozagbãlã benɔ 'da nɛ. Nɛ mi tɔ sɛ yalɛ zu okpasa winɔ 'da nɛ.

OHEBRE 1:2

Nɛ nde do ngba soenɔ gɛ, kɛ mɛ a ndɔti tũnɔ ni, Gale wila we hã lɛ do wala 'da Be 'da a. Be ni a wi kɛ Gale dɛa zɛ́ mɛnɔ vɛ̃ do wala 'da a, nɛ a ia mɛnɔ vɛ̃ dɛ kɔ̃ a ni.

2 PETRO 3:3

Dati ngboo, nɛ ĩ́ na, do ndɔti tũnɔ, nɛ Owele wa hɔ sɛ, nɛ wa dɛ sɛ mɔ tɛ wa, ɔ nɛ kɛ zã wa kɔ̃a ni. Owinɔ ni wa mɔmɔ sɛ nɛ,

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 15:4

Aa Nwa, wi kɛ a dɛ́ sɛ kili mɔ gɔ ni a wio nde? Wi kɛ a bɛ sɛ we dɔnggɔ mɔ ni a wio nde? We duzu kɛ mɔ zu mɔ kpo, mɔ a santo. Onu kpala winɔ ngɔ nù gɛ vɛ wa tɛ sɛ, nɛ wa gu nù ti mɔ we dɔnggɔ mɔ, we kɛ wa zɔa na, mɔ a wi dɛ bɔlɔ zu dɛa mɔ.”

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.