Mike 3:9 - WE NU GALE 1995

⁹ Aa nɛ, ogã wi ngɔ obe Israɛlɛ, nɛ zélé mi sɛ! Nɛ kɔ̃̀ gɛnɛ dia 'bili we gɔ, nɛ nɛ dɛ́ mɔ do bɔlɔ nɛ gɔ.

Mike 3:9 Iomraidhean Croise

NEHEMIE 13:17

Ma kɛ mi kɔ'dɔ okumunɔ ngɔ nù Yuda na: “Nɛ a nɛ zɔ 'dã mɛ nɛ dɛ ni nde? Nɛ dɛ to do kɔ̃ tũ ɔmɔ tɛ wi, kɛ mɛ a kɔ̃ tũi 'da Gale ni, ɔ nɛ kɛ mɛ a gele kɔ̃ tũ iko ni nde?

Kulu Tɔa 3:16

Kɔ di ngangga ni, mɔ nɛ́, hã mɔ mbá li okumu Israɛlɛ, nɛ mɔ tɔ̃ hã wa na: ‘NWA Gale kɛ oyaa nɛ wa dɔnggɔ zɛ́ a, Gale 'da Abrahama, Izaka do Yakɔbɔ, a bia tɛ̃ a hã mi. Nɛ a tɔ̃a hã mi na, ɛ zɔa tɛlɛ tɛ ngamɛ kɛ nɛ do ma tɛ ngɔ nù Ezipeto gɛ.

GBA WENƆ 17:15

NWA Gale sɛnɛ gbɛ dia gulu we hã o'dã wi, tabi gbɛ 'dã gulu we hã dia wi wena.

GBA WENƆ 17:23

O'dã wi gɔnɔ we wa kɔ̃ gɛnɛ avoka kɛ wa 'dɔlɔ hã wa ni, sɛ nɛ wa 'bili we do bɛlɛ de.

GBA WENƆ 18:5

Ma wè na, mɔ bɛ̃ we 'bili dia we hã wi kɛ a do 'dã mɔ bina ni, nɛ mɔ si 'do wi dɛ 'dã mɔ gɔ.

GBA WENƆ 21:7

O'dã winɔ wa kɔ̃a kpa we, nɛ nde ma Sɔkpɔ hã wa do dia nɛ gɔ, we kɛ wa bɛ̃a dɛ bɔlɔ zu dɛa mɔ.

Ezai 1:23

Onwa ngɔ nɛ, wa a Owi dɛ nga zu, wa ba 'bia do Owi zũ. Wa fa tati a mbili iko. Wele futa wa, sɛ nɛ wa dɛ to hã a de. Wa 'danga gulu we 'da be gula, nɛ wa kɔ̃́ we zele ngbangga mɔ́ wi fio wili gɔ.

Yeremi 5:28

nɛ wa hɔ ogã kili tɛ wele. 'Dã mɛnɔ 'da wa ma la li do'do. Wa 'bili wenɔ 'da ongba wa do bɛlɛ, nɛ wa ɔlɔ obe gulanɔ, sɛ a wa do tɛ wa, wa kpa mɔ de. Nɛ wa lénggé mbe do kpasi 'da owi sãnɔ gɔ.

EZEKIƐLƐ 44:23

“Onganganɔ wa be sɛ gɔnɔ sanga mɔ kɛ ma santo do kɛ ma santo gɔ, mɔ kɛ ma a sa do mɔ ndi ni hã owinɔ 'da mi.

OZE 5:1

NWA tɔ̃a na: “Aa nɛ, onganganɔ, nɛ zélé we gɛ! Nɛ nɛ, obe Israɛlɛ, do Owi nu fɛlɛ nwa, nɛ gɛ́ zala nɛ sɛ! Ma wia sɔ na, nɛ gɔnɔ wenɔ do bɔlɔ nɛ. Nɛ nde nɛ dɛa na, owinɔ 'da mi wa te kɔ 'dã mɔ. Nɛ ndɔa bili hã wa tɛ Mispa, nɛ nɛ fí gbanda hã wa tɛ ngɔ kala Tabɔrɛ.

Levitɛnɔ 26:15

Fala kɛ nɛ bɛ̃ we dɛ mbulanɔ 'da mi, hã nɛ 'danga gba tɔkɛ mi gba zi do nɛ ni,

AMƆSI 5:7

'Bako do nɛ wena, we kɛ nɛ 'danga dia 'bili wenɔ, nɛ nɛ 'danga 'bɔ we 'da winɔ kɛ wa dɛ mɔ do wala olo nɛ ni.

Mike 1:1

Nɛ zélé wenɔ kɛ NWA wila zi ma hã Mike, be kɔ le Moresɛtɛ. A wila ma do 'da fala Yotamɛ, Ahazɛ do Ezekiasi wa dungu zi nwa ngɔ nù Yuda dɛ 'do ngba wa ni. NWA Gale wila zi we ni hã Mike si ngɔ ogã le Samaria tɛ ngɔ nù Israɛlɛ, do Yeruzalɛmɛ tɛ ngɔ nù Yuda.

Mike 3:1

Nɛ Mike tɔ̃ na: “Aa nɛ, ogã wi ngɔ obe Israɛlɛ, nɛ zélé mi sɛ! Ma wia sɔ na, nɛ dɛ tonɔ 'da nɛ do wala olo nɛ.

Mbulanɔ 27:19

“ ‘Wele kɛ a gbɛ 'dã we olo dia we hã gɛnɛ, tabi hã be gula, tabi hã wi fio wili, nɛ Gale fɔmbɔ a.’ Nɛ owinɔ vɛ̃ wa gese sɛ na: ‘Ma na mɛ ni!’