Mike 3:8 - WE NU GALE 1995

⁸ Nɛ nde kɛ 'da mi Mike, NWA a nganda sila mi ia. A hã Hi Wi 'da a hã mi, nɛ a ia bɔlɔ zu zu mi. A hã nganda hã mi we sala o'dã dɛa mɛnɔ 'da obe Israɛlɛ dɛ nza.

Mike 3:8 Iomraidhean Croise

YƆBƆ 32:18

Kɔ zã mi dunu do wila we, nɛ sila mi tombo mi na, mi tɔ̃ ma dɛ nza.

Ezai 58:1

NWA Gale tɔ́a hã wi gba olo nu a na: “Mɔ hé mɔ do nga gɛlɛ ɔ nɛ kɛ ma wia do mɔ ni. Mɔ zɛ́ nu mɔ ɔ nɛ mɔtũlũ ni, nɛ mɔ bé 'dã mɛ 'da owinɔ 'da mi, obe Israɛlɛ dɛ nza.

Ezai 61:1

Hi Wi 'da NWA Gale ngɔ mi boe. NWA saka mi, nɛ a tombo mi na, mi nɛ, hã mi be dia sakoe hã owi sãnɔ, nɛ mi nganda sila owinɔ kɛ wa mbɔka ni, nɛ mi tɔ̃ hã owi kɔlɔ 'dulinɔ na, wa hɔa nza kɔ ngbá ia, nɛ mi fo owi bɔlɔkɔnɔ dɛ nza.

Ezai 61:2

Nɛ a tombo 'bɔ mi we be hã owinɔ 'da a na, ngba soe kpasa wa ma wia, nɛ a bili sɛ nu gbã hã owi sɛnɛ wa. Nɛ a na, mi hã ngawi hã owinɔ kɛ wa kpa 'bakoe ni,

Yeremi 1:18

Yolo sɔɛ gɛ, mi dɛ sɛ na, gbãlã tɛ mɔ sɔ̃, ɔ nɛ le kɛ gba ngbo zĩ ma takpa ni. Mɔ sɔ̃ sɛ 'bɔ ɔ nɛ bɛlɛduma mɔ bolo, tabi ngbo kɛ wa dɛa do tũ mɔ bolo ni. Mɔ sɔ̃ sɛ na mɛ ni dati owinɔ ngɔ nùi gɛ vɛ̃: Dati onwa ngɔ nù Yuda, dati Owi olo li nwa, onganganɔ, do Owele nùnɔ ngɔ nùi gɛ.

Yeremi 20:9

Nɛ nde fala kɛ mi bɛ̃ na, mi tɔ̃́ 'bɔ toe 'da mɔ gɔ, nɛ mi fí 'bɔ nu mi tɛ nɛ gɔ, nɛ lɛnggɛ 'da mɔ bɛlɛ kɔ zã mi ɔ nɛ we ni. Mi fa we kpe nu mi dɛ ngɔ nɛ, nɛ nde mi wè tɛ kunu sila mi ngɔ nɛ gɔ.

Yeremi 6:11

Nɔ̃lɔ̃ zã 'da mɔ NWA dɛ tɛ wa, ma lia kɔ mi, nɛ ma dunu do mi, nɛ mi wè 'bɔ tɛ kunu sila mi gɔ.” Ma kɛ NWA tɔ̃a hã mi na, mi yɛnggɛ 'da li walanɔ, nɛ mi pɛ́sɛ́ nɔ̃lɔ̃ zã 'da mi dɛ ngɔ benɔ, do ozagbãlãnɔ do obe zɔnganɔ. Wa kala sɛ winɔ vɛ̃, Owi wili do owuko, okpasa wi do ogbɛlɛ, nɛ wa 'dɔlɔ wa.

ALA NU 2:14

Aa nɛ, owi Yeruzalɛmɛ, owi gba olo nu Gale wa bé zi 'dã mɛnɔ 'da nɛ dɛ nza gɔ. Wa 'bili zi a bɛlɛ hã nɛ iko. Ɔ do kɛ wa be zi 'dã mɛnɔ 'da nɛ dɛ nza, nɛ mbe gɔ, nɛ nɛ kpasa sɔ. Nɛ nde wa tɔ̃ zi lɛnggɛ bɛlɛ hã nɛ we ɔkɔlɔ do sila nɛ iko.

EZEKIƐLƐ 16:2

“Aa mɔ be 'da wélé, mɔ wele we hã Owi Yeruzalɛmɛ, nɛ mɔ tɔlɔ 'dã mɛnɔ 'da wa, takɔ wa ĩ ti nɛ.

EZEKIƐLƐ 20:4

“Mɔ, be 'da wele, mɔ nɛ́, kɔ mɔ gɔnɔ we 'da wa. Mɔ gba ta zu wa ngɔ 'dã mɛnɔ oyaa wa wa dɛa zi ni.

EZEKIƐLƐ 22:2

“Mɔ, be 'da wele, mɔ 'dáfá tɛ mɔ, kɔ mɔ nɛ́ we gɔnɔ we 'da Owi Yeruzalɛmɛ. Le ni ma dunu do Owi gbɛ wi ngurr. Mɔ bé 'dã mɛnɔ 'da wa, hã wa ĩ fala nɛ.

EZEKIƐLƐ 23:36

NWA tɔ̃a hã mi na: “Be 'da wele, mɔ 'dáfá tɛ mɔ, kɔ mɔ 'bili we 'da Ohola do Oholiba. Mɔ bé 'dã mɛnɔ wa dɛa ni dɛ li wa.

EZEKIƐLƐ 3:14

Nɛ ngawi 'da Hi Wi 'da NWA lia kɔ mi nganda wena, nɛ 'da fala a la do mi ni, nɛ a yaka mi, nɛ zã mi nɔ̃lɔ̃.

EZEKIƐLƐ 43:10

“Nɛ nde mɔ, be 'da wele, mɔ bé tɛlɛ tɛ Tɛmpɛloe gɛ hã obe Israɛlɛ. Nɛ mɔ e wa, kɔ wa yambala ma na, sape ba li wa olo 'dã mɛnɔ 'da wa.

MATIE 7:29

we kɛ a be zi ma do dĩ wena, nɛ nde a bé ɔ nɛ kɛ owi be mbulanɔ 'da wa wa be zi ni gɔ.

MARKO 3:17

do Zake, do nya a Yoanɛ, benɔ 'da Zebede (kɛ Yezu ia zi li wa na, Boanɛrgɛsi, gulu nɛ na: “Gbanza kolo”),

1 KORINTƐ 2:4

Nɛ bia we 'da mi, do Dia Sakoe kɛ mi tɔ̃a zi hã nɛ ni, mi tɔ̃̀ zi ma do gã lɛnggɛ hã zã na, nɛ kɔ̃ gɛnɛ nɛ iko gɔ. Nɛ nde nɛ kɔ̃a gɛnɛ nɛ, we kɛ mi tɔ̃a zi do ngawi 'da Hi Wi Santo.