Mike 3:7 - WE NU GALE 1995

⁷ Nɛ, owinɔ kɛ nɛ tɔ̃ we mɛnɔ ma dɛ sɛ tɛ̃ ɛ ni, nɛ usu sɛ li nɛ do sape, we kɛ mi Gale, mi gésé sɛ 'bɔ nu we 'da nɛ gɔ.”

Mike 3:7 Iomraidhean Croise

Zumanɔ 74:9

Lɛ zɔ́ 'bɔ mɔ kɛ ma be na, mɔ sanga lɛ boe ni gɔ. Fo wi gba olo nu mɔ kɛ a 'bana ni kpo bina. Nɛ wele kpo sanga lɛ gɛ, a ĩ̀ ti ngba soe kɛ mɛnɔ ni vɛ̃ ma Sɔkpɔ sɛ nɛ ni gɔ.

Kulu Tɔa 9:11

Owi dɛ sɔ̃nɔ ngɔ nù Ezipeto wa fa fala hɔ dati Mɔizɛ zãa, we kɛ kilinɔ hɛ̃a zi 'bɔ tɛ wa, ɔ nɛ kɛ ma hɛ̃a tɛ tala Oezipeto ni.

Ezai 44:25

Mi dɛa na, mɛnɔ kɛ owi dɛ sɔ̃nɔ wa tɔ̃ na, ma hɔ sɛ ni, ma tɛ dɛ̃ tɛ̃ ɛ gɔ. Nɛ mi vĩ zu Owi zɔ gulu mɛnɔ. Mi bɛ̃a gɛnɛ we 'da owi siki gbãlã zãnɔ, nɛ mi bia hã wa na, hã zã 'da wa ma yala iko.

Yeremi 18:18

Owinɔ wa zila ní, nɛ wa tɔ̃ na: “Lɛ nɛ́, hã lɛ dɛ Yeremi 'danga. Lɛ zɔlɔ onganga we be mɔ hã lɛ gɔ. Lɛ zɔlɔ Owi hã zã we tɔ̃ mbula hã lɛ gɔ. Nɛ lɛ zɔ̀lɔ̀ 'bɔ Owi gba olo nu Gale gɔ. Lɛ tɛ zèlè 'bɔ wenɔ a tɔ̃ ni gɔ. Lɛ fá we 'danga zu li a, sɛ a toe 'da a 'danga de.”

EZEKIƐLƐ 24:17

Mɔ úsú 'bakoe 'da mɔ dɛ kɔ sila mɔ na, dɔ wele ĩ́ we nɛ gɔ. Mɔ tɛ dùngù gɛla gɔ, mɔ tɛ dɛ̃ 'bɔ mɔ gɛla gɔ. Nɛ nde mɔ 'dáfá tɛ mɔ ɔ nɛ kɛ mɔ 'dafa dɛ fai ni.”

EZEKIƐLƐ 24:22

Kɔ nɛ zele we nɛ, nɛ nɛ dɛ sɛ ɔ nɛ kɛ mi Ezekiɛlɛ, mi dɛa ni. Nɛ kélé sɛ bula li nɛ we dɛ 'bako gɔ, nɛ nɛ nyɔngɔ sɛ mɔ nu tɔa fio wa gɔ.

Levitɛnɔ 13:45

“Ma wia na, wi kɛ a do zɛlɛ ngbɛlɛ ni, a he'de ɛ̃a tulu, nɛ a tɛ kɛlɛ zu a gɔ, nɛ a kpo tulu, nɛ ma kele sala ngɔ nu a do nzɛlɛ a do'do. Nɛ a he mɔ na: ‘Mi a wi ndi! Mi a wi ndi!’

AMƆSI 8:11

NWA tɔ̃a na: “Mbe tũ kpo, nɛ mi tombo sɛ wɔ ngɔ nù Israɛlɛ. Wɛ ni, mɛ sɛ a wɔ nyɔngɔmɔ tabi wɔ lì gɔ, nɛ nde mɛ sɛ a wɔ zele we nu mi.

Mike 3:4

We duzu ma, nɛ, ogã wi ngɔ obe Israɛlɛ, fala kɛ nɛ ala nu nɛ hã NWA Gale, nɛ nde a gésé sɛ we kpo hã nɛ gɔ. A da sɛ li a zamɔ, nɛ a tɛ́ sɛ we gbaka nɛ gɔ, we kɛ nɛ dɛ 'dã mɔ wena.”

Mike 7:16

Mɔ dɛ́ ní, nɛ ogele winɔ wa zɔ sɛ, nɛ sape ma ba sɛ li wa. Gɛnɛ kɔ wa do ngawi wena, nɛ ma ba sɛ we nu wa, nɛ zala wa ma la sɛ, nɛ wa tana sɛ kili gbulu gbulu.

ZAKARIA 13:4

Do 'da fala ni, nɛ owi gba olo nu mi Gale do bɛlɛ, wa kpa sɛ sape gba olo nu mi, do tɔ̃ gulu yalɛnɔ 'da wa do bɛlɛ. Nɛ wa hé'dé sɛ 'bɔ gã tulu sala sa'de 'da owi gba olo nu mi Gale, takɔ wa ɔlɔ do winɔ gɔ.

1 SAMUƐLƐ 14:37

Saulo nɛa we zele ni, nɛ a aka Gale na: “Mɔ kɔ̃a na, mi zĩlĩ kala we ndaka 'do Ofilisti nde? Kɔ lɛ nɛ 'do wa, nɛ mɔ dɛ sɛ na, lɛ nɛ ngɔ wa nde?” Nɛ nde Gale gèsè we hã a do ngba soe ni gɔ.

1 SAMUƐLƐ 28:15

Nɛ Samuɛlɛ aka Saulo na: “Gulu kɛ mɔ yɛkɛ mi we ge nde? Mɔ sa mɔ hã mi na ge nde?” Nɛ Saulo gese hã a na: “Mi do 'bako wena, we kɛ Ofilisti wa kɔ̃a we bi bolo do lɛ, nɛ Gale kifi 'do a hã mi do'do. A gèsè nu we hã mi do wala 'da wi gba olo nu a, tabi do wala yalɛ 'bɔ gɔ. Gulu nɛ hã mi sa mɔ hã mɔ na, mɔ tɛ kɔ mɔ tɔ̃ we kɛ mi wia tɛ dɛ nɛ ni hã mi.”

1 SAMUƐLƐ 28:6

Nɛ a aka NWA Gale na, ɛ dɛ nɛ nde? Nɛ nde nwa gèsè nu we hã a do yalɛ tabi do wala 'da wi gba olo nu a gɔ. A gèsè 'bɔ we do wala 'da mɔ kɛ ma santo we aka do a Gale ni gɔ.

1 SAMUƐLƐ 9:9

Nɛ Saulo tɔ̃ hã a na: “Mɔ tɔ̃ de wena. Lɛ nɛ́.” Wa nɛa, nɛ wa hɔ kɔ le kɛ wi gba olo nu Gale ɔ nɛ ni. 'Da fala kɛ wa tɛ nɛ dɛ i mɔ ni, nɛ wa kpa ngba wa do obe zɔnganɔ kɛ wa yula kɔ le ni, hã wa nɛ we so lì. Nɛ wa aka obe zɔnganɔ ni na: “Mbe wi zɔ mɔ dɛ boe nde?” (Wa aka ni mba gɔ, we kɛ zi tɛ ngɔ nù Israɛlɛ, wa sa zi li wi gba olo nu Gale na, wi zɔ mɔ. Nɛ 'da fala kɛ wa kɔ̃ zi we aka Gale do we ni, nɛ wa na: “Lɛ nɛ́ 'da wi zɔ mɔ.”)