Mike 3:6 - WE NU GALE 1995

⁶ Kɔ nɛ zélé mi sɛ! Nɛ, owinɔ nɛ tɔ̃ bɛlɛ ni, ndɔti tũ 'da nɛ kɔla ia. Tũ ma tũ sɛ nɛ, nɛ nɛ ɔ́lɔ́ sɛ 'bɔ owinɔ 'da mi gɔ. Mi bé sɛ 'bɔ mbé mɔ li nɛ gɔ, nɛ nɛ tɔ̃́ sɛ 'bɔ we mɔ́ mi gɔ. Wese ma gɛ̃ sɛ nɛ, owi tɔ̃ bɛlɛnɔ.

Mike 3:6 Iomraidhean Croise

Zumanɔ 74:9

Lɛ zɔ́ 'bɔ mɔ kɛ ma be na, mɔ sanga lɛ boe ni gɔ. Fo wi gba olo nu mɔ kɛ a 'bana ni kpo bina. Nɛ wele kpo sanga lɛ gɛ, a ĩ̀ ti ngba soe kɛ mɛnɔ ni vɛ̃ ma Sɔkpɔ sɛ nɛ ni gɔ.

Ezai 29:10

Mba gɔ, nwa bi gbãlã zã nɛ do'do, a fi nɛ kɔ gã yala. Owi gba olo nu NWA Gale, wa ɔ nɛ gbali winɔ ni. Nɛ nde NWA gu gba tulu zu winɔ, nɛ ma kila li wa kpuku.

Ezai 59:10

Lɛ tamba mɔ tu tu ɔ nɛ wi lɔa li ni. Gɛnɛ kɔ do gbo gba wese, nɛ lɛ zɔlɔ, nɛ lɛ te ɔ nɛ wi kɛ a yɛnggɛ kɔ gba tũ ni. Gɛnɛ kɔ lɛ do zɛlɛ bina, nɛ nde lɛ ɔ nɛ fio iko ni.

Yeremi 13:16

Nɛ dɔ́nggɔ́ NWA Gale 'da nɛ, dati kɛ na a fi gba tũi kɔ nɛ kɔ zu nyanga nɛ ngɔ kalanɔ ni. Nɛ 'bɔ 'da tua wese, nɛ nde a kpolo sɛ ma do gba tũ, kɛ ma tũ kpirr, ɔ nɛ gba tũ kolo ni.

Yeremi 15:9

Naa ogba dɔa be, kɛ a zi do obenɔ 'da a sambo ni, a 'bɔa, nɛ hi a hã, we kɛ benɔ 'da a wa fia vɛ̃. We duzu a, ma ɔ nɛ kɛ wese gɛ̃a do nga kula gba wese ni. Sape ba li a, nɛ ma dĩlĩ a, nɛ zu a vĩ vɛ̃. Nɛ tala winɔ 'da nɛ wa 'bana ni, mi dɛ sɛ na, owi sɛnɛ wa wa gbɛ wa. Mi NWA, mi tɔ̃a ni.”

Yeremi 18:18

Owinɔ wa zila ní, nɛ wa tɔ̃ na: “Lɛ nɛ́, hã lɛ dɛ Yeremi 'danga. Lɛ zɔlɔ onganga we be mɔ hã lɛ gɔ. Lɛ zɔlɔ Owi hã zã we tɔ̃ mbula hã lɛ gɔ. Nɛ lɛ zɔ̀lɔ̀ 'bɔ Owi gba olo nu Gale gɔ. Lɛ tɛ zèlè 'bɔ wenɔ a tɔ̃ ni gɔ. Lɛ fá we 'danga zu li a, sɛ a toe 'da a 'danga de.”

EZEKIƐLƐ 13:9

Wa lé sɛ kɔ mba li ngba wi 'da obe Israɛlɛ gɔ. Nɛ wele kpá sɛ 'bɔ li wa kɔ 'buki kɛ wa kɔmɔ do li obe Israɛlɛ ni gɔ. Wa sí sɛ 'bɔ mbé nɛ dɛ ngɔ nùi 'da wa gɔ. Na mɛ ni, nɛ wa ĩ sɛ ngboo na, mi a NWA Gale.

EZEKIƐLƐ 7:26

Ngamɔ ma kpolo sɛ ngbɛ ɛ dɛ ngɔ wa, nɛ o'dã sako ma hɔ sɛ hã wa dɔ wena. Wa ala sɛ nu wa hã wi gba olo nu Gale na, a tɔ̃ gulu mɛnɔ ni hã wa, nɛ nde a wé sɛ we tɔ̃ nɛ gɔ. Nganga bé sɛ 'bɔ we nu mi gɔ, nɛ okumunɔ wa tɔ̃́ sɛ 'bɔ mbula hã winɔ gɔ.

AMƆSI 8:11

NWA tɔ̃a na: “Mbe tũ kpo, nɛ mi tombo sɛ wɔ ngɔ nù Israɛlɛ. Wɛ ni, mɛ sɛ a wɔ nyɔngɔmɔ tabi wɔ lì gɔ, nɛ nde mɛ sɛ a wɔ zele we nu mi.

Mike 2:6

Mbe Owele wa tɔ̃ hã mi na, mi tɛ tɔ̃̀ wenɔ nu mi gɛ gɔ, we kɛ fo gulu nɛ bina. Gale hã sɛ sape hã owinɔ 'da a gɔ.