Mike 3:5 - WE NU GALE 1995

⁵ NWA Gale dãlã we dɛ tɛ Owi gba olo nu a, kɛ wa tɔ̃ bɛlɛ do zu li a hã obe Israɛlɛ ni. A na: “Fala kɛ wele hã mbili hã nɛ, nɛ nɛ tɔ̃ hã a na, a kpa sɛ dia dungu. Kɔ fala kɛ a hã̀ mbili hã nɛ gɔ, nɛ nɛ tɔ̃ na, Owele wa bi sɛ a.

Mike 3:5 Iomraidhean Croise

GBA WENƆ 28:21

Si 'do 'dã wele we gɔnɔ dia we hã a, ma dè gɔ. Nɛ nde ombe wa dɛ na mɛ ni we be mbili sĩ iko.

Ezai 3:12

NWA Gale tɔ̃a na: “Aa owinɔ 'da mi, Onwanɔ kɛ wa dungu ngɔ nɛ gɛ, wa a owi nga'ba, wa fa we kala mbili kɔ̃ nɛ iko. Aa owinɔ 'da mi, owi kpe dati nɛ, wa ɔkɔlɔ nɛ, nɛ wa be 'dã wala hã nɛ.”

Yeremi 23:27

Wa lengge na, yalɛnɔ wa tɔ̃ sanga tɛ ngba wa ni, ma dɛ sɛ na, ta zu winɔ 'da mi ele ngɔ mi, ɔ nɛ kɛ ta zu oyaa wa ila zi ngɔ mi, nɛ wa nɛa 'do gale Bala ni nde?

Yeremi 23:32

Mi hã sɛ etumbu hã wanɔ wa 'bili bɛlɛ na, mi bia mɔ hã lo do li yalɛ ni. Lɛnggɛ bɛlɛnɔ wa tɔ̃ ni, ma dɛ na owinɔ 'da mi wa yɔ wala. Mi tòmbò wa do to gɔ, nɛ mi bà 'bɔ nu mi hã wa gɔ, nɛ wa dɛ̃ mɔ kpo we owinɔ 'da mi gɔ. Mi NWA, mi tɔ̃a ni.”

Yeremi 6:14

Wa zɔ ngamɛ 'da owinɔ 'da mi li wa yala iko. Nɛ wa tɔ̃ na: ‘Mɛnɔ la vɛ̃ do dia nɛ!’ Ĩ na, ma lá do dia nɛ gɔ.

Yeremi 6:4

Nɛ wa tɔ̃ sɛ na: “Lɛ kúlú ngɔ, kɔ le bí le Yeruzalɛmɛ! Lɛ 'dáfá tɛ lɛ, kɔ lɛ bi wa do midi!” Kɔ wa nɛ ka mɔ, nɛ nde wese gɛ̃a do'do, nɛ tũi ma ngɔ tũ nɛ ia.

ALA NU 2:14

Aa nɛ, owi Yeruzalɛmɛ, owi gba olo nu Gale wa bé zi 'dã mɛnɔ 'da nɛ dɛ nza gɔ. Wa 'bili zi a bɛlɛ hã nɛ iko. Ɔ do kɛ wa be zi 'dã mɛnɔ 'da nɛ dɛ nza, nɛ mbe gɔ, nɛ nɛ kpasa sɔ. Nɛ nde wa tɔ̃ zi lɛnggɛ bɛlɛ hã nɛ we ɔkɔlɔ do sila nɛ iko.

EZEKIƐLƐ 13:9

Wa lé sɛ kɔ mba li ngba wi 'da obe Israɛlɛ gɔ. Nɛ wele kpá sɛ 'bɔ li wa kɔ 'buki kɛ wa kɔmɔ do li obe Israɛlɛ ni gɔ. Wa sí sɛ 'bɔ mbé nɛ dɛ ngɔ nùi 'da wa gɔ. Na mɛ ni, nɛ wa ĩ sɛ ngboo na, mi a NWA Gale.

OZE 4:5

Nɛ kɔ sɛ zu nyanga nɛ do gba wese gɛ, ɔ nɛ wi ua li ni. Nɛ ongba nɛ, owi gba olo nu mi Gale, wa kɔ sɛ tɛ mɛ 'bɔ zu nyanga wa do tũ. Nɛ mi kumu sɛ nù Israɛlɛ kɛ ma kua nɛ ni.

Mike 2:11

“Nɛ kɔ̃a gɛnɛ zele wi kɛ a tɔ̃ bɛlɛ, nɛ a ɔlɔ nɛ do zu li mi na, mi Gale, mi tɔ̃a na, nɛ nɔ sɛ dɔ̃, nɛ nɛ nɔ sɛ 'bɔ onga dɔ̃ wena ni. Wi tɔ̃ bɛlɛ na mɛ ni wia do nɛ.”

Mike 3:11

Owele wa hã dia mɔ hã Owi 'bili wenɔ, sɛ nɛ wa ĩ ti 'bili dia we hã wa de. Wa hã mbili hã onganganɔ, sɛ nɛ wa be mbula de. Wa hã mbili hã owinɔ kɛ wa gba olo nu Gale ni, sɛ nɛ wa tɔ̃ we mɛnɔ ma dɛ sɛ tɛ̃ ɛ ni de. Nɛ nde mɛ ni, wa 'bã nu wa, nɛ wa tɔ̃ na, NWA Gale do lo boe, nɛ nde lo kpá sɛ 'dã mɔ kpo gɔ.

MALAKI 2:8

“Gɛnɛ kɔ ní, nɛ nde nɛ, onganganɔ gɛ, nɛ ya fala toe 'da nɛ, nɛ nɛ vĩ zu owinɔ do bia mɛ 'da nɛ wena. Nɛ nɛ 'danga gba tɔkɛ 'da mi do nɛ do'do. Mi NWA ngɔ mɔ nyanga nza vɛ̃, mi tɔ̃a ní.

MATIE 15:14

Kɔ nɛ lá wa ní, we duzu kɛ wa ɔ nɛ wi ba li kɛ a ba te ti ngba a wi lɔa li ni! Hã fala kɛ wi lɔa li ba te ti ngba a wi lɔa li, nɛ wa bɔa nɛ, wa ala sɛ kɔ kɔ̃.”

MATIE 7:15

“Lì nɛ sɔ̃́ tɛ owinɔ wa gba olo nu Gale do bɛlɛ ni. We kɛ wa tɛ 'da nɛ ɔ nɛ obata ni, nɛ nde kɔ sila wa ɔ nɛ kɔ sila gɔ̃̀ ni.

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.