Mike 3:12 - WE NU GALE 1995

¹² Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

Mike 3:12 Iomraidhean Croise

Zumanɔ 107:34

Nɛ a dɛa 'bɔ na, dia nù mi kpalɛ 'danga, nɛ kpalɛ tɛ dè 'bɔ tɛ nɛ gɔ. A dɛa ni we si olo 'dã mɛ 'da owinɔ ngɔ nùi ni.

Zumanɔ 79:1

Zuma 'da Asafɛ Aa Gale, ogele wele wa tɛa, nɛ wa bi nùi 'da mɔ. Wa faka Tɛmpɛloe 'da mɔ kɛ ma santo, nɛ wa 'danga le Yeruzalɛmɛ vɛ̃ do'do.

Ezai 32:14

Owinɔ wa la kɔ tɔa nwa, nɛ wa yu kɔ gã le vɛ̃, nɛ ma hɔa olo tɔa. Otɔanɔ do gba'da we zɔ do mɔ nu le, ma 'danga sɛ fai. Opunda zamɔ do ogele sa'de wa nɛ sɛ di ni, nɛ wa nyɔngɔ mɔ, nɛ wa dɛ yangga.

Yeremi 17:3

do ngɔ kusu falanɔ li zɔ̃ i ni. Mi dɛ sɛ na, Owi sɛnɛ nɛ wa tɛ, hã wa kala odia mɛnɔ 'da nɛ, do kpamɛnɔ 'da nɛ, we duzu 'dã mɛnɔ kɛ nɛ dɛa ma tɛ falanɔ nɛ dɔnggɔ do okpikimanɔ ni.

Yeremi 22:5

Kɔ fala kɛ nɛ zèlè we nu mi gɔ, nɛ mi NWA Gale, mi kana tɛ mi hã nɛ na, tɔa nwa gɛ ma dɛ sɛ olo tɔa.”

Yeremi 22:6

NWA Gale tɔ́a dɛ ngɔ tɔa 'da nwa ngɔ nù Yuda na: “Tɔa gɛ, ma dia li mi ɔ nɛ tenɔ tɛ ngɔ nù Galadɛ, tabi te ngɔ kala Libanɛ ni. Gɛnɛ kɔ na mɛ ni, nɛ mi dɛ sɛ na, ma hɔ ɔ nɛ li gba zɔ́ kɛ wele ɔ́ tɛ nɛ gɔ ni.

Yeremi 26:18

“'Da fala Ezekiasi zi a nwa ngɔ nù Yuda ni, nɛ mbe wi gba olo nu Gale zi kpo tɛ kɔ le Moresɛtɛ, li a a Mike. A gba zi olo nu NWA ngɔ mɔ nyanga nza vɛ̃ hã Owi ngɔ nù Yuda na: ‘Kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ owɔkɔsɔ ma kele sɛ ngɔ kala tɔa Tɛmpɛloe vɛ̃.’

Yeremi 35:17

Gulu nɛ a mi NWA ngɔ mɔ nyanga nza vɛ̃, Gale 'da obe Israɛlɛ, mi nɛ tombo ngamɛnɔ vɛ̃, kɛ mi tɔ̃a zi we ma ni dɛ ngɔ nɛ Oyuda, do Owi kɔ le Yeruzalɛmɛ. Mba gɔ, nɛ zèlè wenɔ kɛ mi tɔ̃a zi hã nɛ ni gɔ, nɛ nɛ gèsè nu sa mɛ 'da mi gɔ.”

Yeremi 44:2

NWA ngɔ mɔ nyanga nza vɛ̃, Gale 'da obe Israɛlɛ tɔ̃a na: “Nɛ ngboo, nɛ zɔa ngamɛnɔ vɛ̃ kɛ mi tumba dɛ ngɔ le Yeruzalɛmɛ, do ngɔ gele lenɔ tɛ ngɔ nù Yuda ni. Lenɔ ni vɛ̃ ma dɛa olo tɔa gbaa tia do sɔɛ gɛ, nɛ wele kpo wè 'bɔ tɛ ɔ kɔ nɛ gɔ.

Yeremi 52:13

A hɔa, nɛ a fi we tɛ tɔa Tɛmpɛloe, do tɔa 'da nwa, do tɔanɔ 'da ogã winɔ kɔ le Yeruzalɛmɛ ni vɛ̃.

Yeremi 9:10

NWA tɔ̃a na: “Mi dɛ sɛ na, le Yeruzalɛmɛ kifi olo tɔa, nɛ osa'de zamɔ wa ɔ sɛ di ni. Ogã lenɔ tɛ ngɔ nù Yuda ma kifi sɛ li gba zɔ̀, nɛ wele wé sɛ 'bɔ we ɔ tɛ nɛ gɔ.”

Yeremi 9:11

Nɛ mi aka na: “Aa NWA, gulu kɛ nùi ma 'danga, nɛ ma hɔa li gba zɔ̃ kɛ wele wè tɛ la li nɛ gɔ ni we ge nde? Wi kɛ a do hã zã, nɛ a wia we ĩ gulu nɛ ni boe nde? Nɛ wi kɛ mɔ tɔ̃a gulu nɛ hã a na, a tɔ̃ ma hã ogele winɔ ni boe nde?”

ALA NU 5:18

we kɛ kala Sioni hɔa olo tɔa, nɛ ogbatã wa ɔ se'de.

Mike 1:6

We duzu ma, NWA tɔ̃a na: “Mi 'danga sɛ le Samaria, nɛ ma hɔ sɛ nɛ́ gili ota ni. Mi kifi sɛ ma do zamɔ, nɛ ma hɔ sɛ fɔ mi do kpalɛ. Mi kala sɛ otanɔ olo le ni, nɛ mi a ma kɔ gbangɔlɔ̃, nɛ mi zã sɛ nyanga otɔanɔ dɛ nza.

MATIE 24:2

Nɛ Yezu tɔ̃a hã wa na: “Nɛ zɔa mɛnɔ tɛ tɔa gɛ vɛ̃ nde? Mi tɔ̃ hã nɛ do gbãlã we na, wa 'danga sɛ ma vɛ̃, nɛ gbãlã ta kpo 'báná sɛ ngɔ ngbɛ ɛ gɔ, ma gbini sɛ vɛ̃.”