Mike 3:1 - WE NU GALE 1995

¹ Nɛ Mike tɔ̃ na: “Aa nɛ, ogã wi ngɔ obe Israɛlɛ, nɛ zélé mi sɛ! Ma wia sɔ na, nɛ dɛ tonɔ 'da nɛ do wala olo nɛ.

Mike 3:1 Iomraidhean Croise

NEHEMIE 13:17

Ma kɛ mi kɔ'dɔ okumunɔ ngɔ nù Yuda na: “Nɛ a nɛ zɔ 'dã mɛ nɛ dɛ ni nde? Nɛ dɛ to do kɔ̃ tũ ɔmɔ tɛ wi, kɛ mɛ a kɔ̃ tũi 'da Gale ni, ɔ nɛ kɛ mɛ a gele kɔ̃ tũ iko ni nde?

Zumanɔ 14:4

Nɛ NWA Gale aka na: “Owinɔ vɛ̃ kɛ wa dɛ 'dã mɛnɔ gɛ, wa ĩ́ mɔ kpo gɔ nde? Wa nyɔngɔ te 'do owinɔ 'da mi, nɛ wa sámbálá mi fala kpo gɔ, ní a wa ĩ́ mɔ kpo gɔ nde?”

Ezai 1:10

Aa nɛ, Owi kɔ le Yeruzalɛmɛ do onwa ngɔ nɛ, nɛ 'danga ɔ nɛ owinɔ zi kɔ le Sodɔmɛ do Gomɔrɛ ni. Nɛ gɛ́ zala nɛ, hã nɛ zele mbulanɔ kɛ NWA Gale 'da lɛ tɔ̃ hã nɛ gɛ.

Ezai 10:2

Wa dɛ ni, we kpe wala ti obe winɔ tɛ li ngbangga, do we kele ti Owi sãnɔ na, wa tɛ kpà wala we bɛ̃ zu mɛnɔ 'da wà gɔ. Wa kala mɛnɔ kɔ̃ obe gulanɔ do'do, nɛ wa dɛ do wi fio wilinɔ ɔ nɛ kɛ zã wa kɔ̃a ni.

EZEKIƐLƐ 22:6

“Ogã winɔ ngɔ nù Israɛlɛ, kɛ wa fɔmɔ le 'da nɛ ni, wa ia to nwa 'da wa do li wa we gbɛ winɔ.

EZEKIƐLƐ 34:2

“Mɔ, be 'da wele, mɔ dálá dɛ tɛ ogã wi ngɔ obe Israɛlɛ do zu li mi. Nɛ mɔ mbese wa do wenɔ kɛ mi NWA Gale, mi tombo hã wa gɛ na: Nɛ ɔ nɛ owi fɔmɔ bata kɛ wa lénggé do nadalamɛnɔ 'da wa gɔ ni.

EZEKIƐLƐ 34:3

Nɛ nɔ lì bele wa, nɛ nɛ kɛlɛ sala tɛ wa we dɛ do tulu. Nɛ nɛ gbɛ wanɔ kɛ wa do nɔ wena ni, nɛ nɛ nyɔngɔ, nɛ nde nɛ lénggé do wa gɔ.

EZEKIƐLƐ 9:9

Nɛ a gese hã mi na: “Owi ngɔ nù Israɛlɛ do Yuda, wa dɛa 'dã mɔ kɛ ma gã wena. Wa a tɔkɔ tɛ winɔ nù kpa do ngɔ nùi 'da wa vɛ̃, nɛ fo bɔlɔ zu dɛa mɔ kɔ le bina. Owinɔ wa tɔ̃ na, mi nwa, mi ba li mi ngɔ le gɛ do'do, nɛ mi zɔ́ lo gɔ.

OZE 5:1

NWA tɔ̃a na: “Aa nɛ, onganganɔ, nɛ zélé we gɛ! Nɛ nɛ, obe Israɛlɛ, do Owi nu fɛlɛ nwa, nɛ gɛ́ zala nɛ sɛ! Ma wia sɔ na, nɛ gɔnɔ wenɔ do bɔlɔ nɛ. Nɛ nde nɛ dɛa na, owinɔ 'da mi wa te kɔ 'dã mɔ. Nɛ ndɔa bili hã wa tɛ Mispa, nɛ nɛ fí gbanda hã wa tɛ ngɔ kala Tabɔrɛ.

AMƆSI 4:1

Nɛ, okɛnɛ gã winɔ kɔ le Samaria, nɛ gã wena ɔ nɛ ongɔmbɛnɔ li zɔ̃ Basanɛ ni, nɛ zélé we mi nɛ tɔ̃ hã nɛ gɛ! Nɛ zɛlɛ tɛ owinɔ kɛ wa zɔla ngawi, do Owi sãnɔ. Nɛ nɛ tɔ̃ hã owili nɛ na: “Tɛ́ do dɔ̃ɛ, kɔ lɛ nɔ!”

AMƆSI 6:1

'Bako do nɛ, ogã wi ngɔ kala Sioni, kɛ nɛ ɔ do ta zu nɛ iko, nɛ nɛ lénggé mɔ gɔɛ ni. 'Bako do nɛ, ogã wi ngɔ kala Samaria, kɛ nɛ lengge na, 'dã mɔ dɛ́ sɛ nɛ kpo gɔ ni. Nɛ a ogã wi ngɔ nù Israɛlɛ, nɛ Oisraɛlɛ vɛ̃ wa yu dɛ 'da nɛ, we fa gala wi kɔ̃ nɛ.

Mike 2:13

Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

1 KORINTƐ 6:5

Sape bá li nɛ gɔ nde? Wi hã zã, kɛ a wia we 'dafa we sanga onya a wi kɔ̃a wenɔ ni sanga nɛ bina nde?

Mbulanɔ 16:18

“Nɛ saka sɛ owi 'bili we tɛ̃ ɛ do tɛ̃ ɛ kɔ lenɔ kpo kpo, kɛ NWA Gale 'da nɛ, a hã sɛ ma hã nɛ ni. Owinɔ ni wa 'bili sɛ wenɔ 'da owinɔ do bɔlɔ nɛ ngboo.