Mike 2:9 - WE NU GALE 1995

⁹ Nɛ nɛ ndaka owukonɔ 'da owinɔ 'da mi kɔ otɔanɔ 'da wa ngɔ sila wa ni, nɛ nɛ kala 'bɔ mɛnɔ mi hã zi hã obenɔ 'da wa, nɛ ma be dɔ̃lɔ̃ li 'da mi ni kɔ̃ wa do'do.

Mike 2:9 Iomraidhean Croise

Zumanɔ 72:19

Nɛ dɔ́nggɔ́ dɔlɔ li 'da a 'da fala fai. E kɔ dɔ̃lɔ̃ li 'da a dunu ngɔ nùi gɛ vɛ̃! Amɛ. E kɔ ma ɔ na mɛ ni.

Yeremi 10:20

Tɔa tandenɔ 'da lɛ ma tia, nɛ Ofɛlɛnɔ kɛ wa kpo do ma ni, ma gɔnɔ vɛ̃. Obenɔ 'da lɛ wa yu, nɛ wa la. Wele kpo 'bànà, kɔ a zĩ tɔa tandenɔ ni dɛ olo nɛ hã lɛ gɔ, nɛ wi dɛ mbamba da hã lɛ bina.”

EZEKIƐLƐ 39:21

“Mi be sɛ dɔ̃lɔ̃ li 'da mi hã ogele winɔ. Wa zɔ sɛ ngawi 'da mi do 'da fala mi hã sɛ etumbu hã wa, ɔ nɛ kɛ mi 'bili zi ni.

AMƆSI 2:7

Wa ma zu obe winɔ dɛ nù, nɛ wa 'danga wala ti owi 'bako. Be zagbãlã do baa a, wa kpolo ngba wa dɛ ngɔ wuko ngbá kpo, nɛ wa 'danga zu li mi kɛ ma santo.

Mike 2:2

Fala kɛ nɛ zɔ tɔa, tabi fɔ, kɔ ma de tɛ nɛ, nɛ nɛ kala ma kɔ̃ Owele nɛ. Nɛ zũ 'bɔ nùi 'da owinɔ, nɛ nɛ kala odia mɛnɔ kɔ̃ wa do obenɔ 'da wa.

HABAKUKƐ 2:14

Do gbãlã we, owinɔ ngɔ nù gɛ wa ĩ sɛ ti dɔ̃lɔ̃ li 'da NWA, nɛ ma dunu sɛ kɔ sila wa, ɔ nɛ kɛ gba lì dunu kɔ kungba nɛ ni.

ZAKARIA 2:5

Mi ka 'bɔ mɔ do li yalɛ, nɛ mi zɔ wele, nɛ nde a 'bia fɛlɛ we do 'da du mɔ dɛ kɔ̃ a.

MATIE 23:13

“'Bako do nɛ, owi be mbulanɔ do Ofariziɛnɔ! Nɛ a Owi ɔlɔ wi! Nɛ kpia nu le nwa 'da Gale na, winɔ wa tɛ lè gɔ. Nɛ nɛ ngboo ni, nɛ kɔ̃̀ we le i mɔ gɔ, nɛ nɛ kele wala ti owinɔ kɛ wa kɔ̃a we le nɛ ni na, dɔ wa lé gɔ. [

MARKO 12:40

Wa ɔlɔ Owi fio wilinɔ, nɛ wa kala mɛnɔ 'da wa vɛ̃, nɛ wa sambala dulu wena, we ɔlɔ do li winɔ. Nɛ nde wa kpa sɛ gã etumbu olo nɛ.”

LUKA 20:47

Wa ɔlɔ Owi fio wilinɔ, nɛ wa kala mɛnɔ 'da wa vɛ̃, nɛ wa sambala dulu wena, we ɔlɔ do li winɔ. Nɛ nde wa kpa sɛ gã etumbu olo nɛ.”

2 KORINTƐ 3:18

Nɛ lɛ winɔ vɛ kɛ tuli fua tɛ ɛ li lɛ ia ni, yele ngbala dɔ̃lɔ̃ li 'da Nwa yele tɛ lɛ, nɛ ma kifi lɛ na, lɛ we kɔ̃ do Nwa. Nɛ dɔ̃lɔ̃ li ni, ma gã kɔ lɛ dɛ dati gã fai. Nɛ mɛnɔ ni vɛ, wi dɛ ma kɔ lɛ, wi a Hi Wi 'da Nwa.

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

1 SAMUƐLƐ 26:19

Aa nwa, mɔ kɔ̃, nɛ mɔ zélé we mi nɛ tɔ̃ nɛ gɛ. Fala kɛ NWA Gale hã a hã wala hã mɔ na, mɔ dɛ do mi na mɛ ni nde, nɛ mi hã sɛ dɔnggamɔ hã a, takɔ sila a ma gɛ̃. Kɔ fala kɛ Owele hã wa dɛ na mɛ ni nde, nɛ e kɔ NWA fɔmbɔ wa. Mba gɔ, wa tɛ ndaka mi sɔɛ gɛ, nɛ wa bɛ̃ na, mi tɛ dùngù ngɔ nùi NWA hã zi ma hã lɛ owinɔ 'da a ni gɔ. Ma ɔ nɛ kɛ wa tɛ tɔ̃ hã mi na, mi la dɛ ngɔ gele nù, we sambala ogele gale ni.