Mike 2:7 - WE NU GALE 1995

⁷ Wa tɔ̃ 'bɔ na, NWA Gale fɔmbɔ obe Israɛlɛ gɔ, a là fala du sila 'da a dɛ 'da wa gɔ, a wè tɛ dɛ na mɛ ni gɔ. Wila we nu a dɛ 'da wi kɛ dɛa to tɛ̃ a a bɔlɔ ni pii a dia.

Mike 2:7 Iomraidhean Croise

Zumanɔ 119:65

Aa NWA, mɔ dɛa dia mɔ hã mi, wi toe 'da mɔ, mɔ dɛa do mi nɛ́ kɛ mɔ kpua zi mbulu nɛ ni.

Zumanɔ 119:68

Aa NWA, mɔ a wi dia sila, mɔ dɛ de mɔ wena, mɔ bé mbulanɔ 'da mɔ hã mi.

Zumanɔ 15:2

Wi a wele kɛ a do 'dã mɔ bina, nɛ a dɛ mɔ kɛ zã mɔ Gale kɔ̃a ni. Nɛ lɛnggɛ nu a mɛ a kɛ ma yula kɔ sila a ngboo ni.

Zumanɔ 18:26

Aa NWA, wi kɛ a èlè dɛ olo nu mɔ gɔ, nɛ nde mɔ élé a gɔ. Wi kɛ a dɛ de mɔ, nɛ mɔ si olo nɛ hã a do dia mɔ.

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

GBA WENƆ 10:29

NWA Gale a ɔ nɛ gba ngbo kele zu odia wi, nɛ nde a kumu Owi dɛ 'dã mɔ.

GBA WENƆ 10:9

Wi yɛnggɛ bɔlɔ zu yali, a kpá sɛ 'dã mɔ gɔ. Nɛ nde wi kɛ a yɛnggɛ vĩ zu yali ni, nɛ dunguu nɛ ma be sɛ tɛ̃ ɛ.

GBA WENƆ 14:2

Wi kɛ a yɛnggɛ do bɔlɔ nɛ ni, a dɛ kili NWA. Nɛ nde wele kɛ a yɛnggɛ tɛ dɛ 'dã mɔ ni, a zɔ NWA yala iko.

GBA WENƆ 2:7

NWA gala Owi bɔlɔ zunɔ, nɛ a kele zu wanɔ wa dɛ mɔ do wala olo nɛ ni.

GBA WENƆ 28:18

Mɔ dɛ mɔ tɛ mɔ ɔ bɔlɔ, nɛ mɔ kpo dɛ́ sɛ mɔ gɔ. Nɛ nde mɔ nɛ̀ do bɔlɔ nɛ gɔ, nɛ mɔ te sɛ.

Ezai 50:2

“Aa nɛ, owinɔ 'da mi, ma dɛa nɛ nde? Mi nɛa we kpasa nɛ, nɛ mi kpà wele kpo gɔ. Mi sa mɔ hã nɛ, nɛ nɛ kɔ̃ nu mi gɔ we ge nde? Nɛ lengge wá na, mi do ngawi we kpasa nɛ bina nde? Mi wia we ba nu mi hã gba lì, nɛ ma ɔ̃sɔ̃, nɛ ma na nù. Mi wia 'bɔ we ba nu mi hã gã fua lì, nɛ ma kolo vɛ̃, nɛ olo nɛ kifi li go. Nɛ kɔyɔnɔ zi kɔ nɛ ni, wa fe wɔ lì, nɛ wa mbulu.

Ezai 58:1

NWA Gale tɔ́a hã wi gba olo nu a na: “Mɔ hé mɔ do nga gɛlɛ ɔ nɛ kɛ ma wia do mɔ ni. Mɔ zɛ́ nu mɔ ɔ nɛ mɔtũlũ ni, nɛ mɔ bé 'dã mɛ 'da owinɔ 'da mi, obe Israɛlɛ dɛ nza.

Yeremi 15:16

Mɔ wila we hã mi, nɛ mi ba ma do ti. Wenɔ 'da mɔ ma gɛ̃ sila mi, nɛ ma hã yangga hã mi, we kɛ mi a wi mɔ́ mɔ Gale, NWA ngɔ mɔ nyanga nza vɛ̃.

Yeremi 2:4

Nɛ, obe zã Yakɔbɔ, Owi nu fɛlɛ kulanɔ tɛ ngɔ nù Israɛlɛ vɛ̃,

OZE 14:9

We mɔ Oisraɛlɛ sɛ tɛ kpikima bina, we kɛ mi a mi gese sɛ nu sambala 'da wa, nɛ mi zɔ mɔ tɛ wa. Mi ɔ nɛ te kɛ ma hã gɔ̃lɔ̃ hã wa fai ni, nɛ wi hã dia dungu hã wa, wi a mi zu mi kpo.”

Mike 3:9

Aa nɛ, ogã wi ngɔ obe Israɛlɛ, nɛ zélé mi sɛ! Nɛ kɔ̃̀ gɛnɛ dia 'bili we gɔ, nɛ nɛ dɛ́ mɔ do bɔlɔ nɛ gɔ.

Tɔlɔ Mɔ 11:23

Nɛ nwa gese hã a na: “Ngawi 'da mi do ndɔti nɛ bina. 'Da kala sɛ gɔ, nɛ mɔ zɔ sɛ na, we mi tɔ́a ni ma dɛ sɛ tɛ̃ ɛ, tabi ma dɛ́ sɛ tɛ̃ ɛ gɔ nde.”

MATIE 3:8

Nɛ dɛ́ mɛnɔ kɛ ma be na, nɛ kifi sila nɛ do gbãlã we ni.

YOANƐ 8:39

Nɛ wa gese hã a na: “Baa lɛ, wi a Abrahama.” Nɛ Yezu tɔ̃ hã wa na: “Fala kɛ nɛ ɔ sɔ do benɔ 'da Abrahama ngboo, nɛ nɛ dɛ sɔ tɛ mɛ 'bɔ mɛnɔ kɛ Abrahama dɛa zɛ́ ni.

ROMA 7:13

Kɔ ní nɛ nde, mɛ kɛ ma a dia ni, ma wia tɛ gbɛ mi nde? Ma ni gɔ. Mɛ ma gbɛa mi ni, mɛ a mbula gɔ, mɛ a 'dã mɔ. Mbula a dia mɔ, nɛ 'dã mɔ ba dia mɛ ni, nɛ ma gbɛ do mi. Na mɛ ni, mbula bia tɛlɛ tɛ 'dã mɔ dɛ wila fala, nɛ ma bia na, 'dã mɔ 'danga nɛa ngɔ mɔ vɛ̃.

2 KORINTƐ 6:12

Nɛ nde nɛ nganda sila nɛ, nɛ nɛ hũ̀i ma hã lɛ gɔ.

2 TIMOTE 3:5

Wa be sɛ tɛ wa ɔ nɛ kɛ wa kɔ̃a Gale kɔ̃a ni, nɛ nde do kɔ sila wa, wa bɛa ngawi kɛ wa wia sɔ we kpa kɔ kɔ̃a we ni. Kɔ mɔ yú owinɔ wa dɛ ní ni do'do.