Mike 2:3 - WE NU GALE 1995

³ We duzu ma, NWA Gale tɔ̃a hã nɛ na, ɛ hã sɛ 'bako hã nɛ, nɛ nɛ wé sɛ tɛ yu nɛ gɔ. Nɛ nɛ́ sɛ 'bɔ nɔ do wali gɔ, we kɛ ngba soe 'bako 'da nɛ kɔla ia.

Mike 2:3 Iomraidhean Croise

Ezai 29:20

Owinɔ kɛ wa zɛlɛ tɛ ngba wa ni, wa kumu sɛ. Owinɔ kɛ wa bɛ̃a gɛnɛ Gale, do owanɔ kɛ wa fa we zɛlɛ tɛ ngba wa ni, wa fe sɛ.

Ezai 3:16

NWA tɔ̃a na: “Owuko Yeruzalɛmɛ wa dɛ wali wena. Wa 'bete ngu'du wa, nɛ wa nɛ do nɔ, wa nyɛ li wa hã wi wilinɔ, wa bá nyanga wa ngɔ gɔ, nɛ wa dɛ na, mɔ mbalinɔ nu gɛlɛ nyanga lo ni lo ngbɛ ɛ, nɛ ma wele, hã winɔ wa zele.”

Ezai 5:19

Wa tɔ̃ na: “NWA wɛ́lɛ́ tɛ̃ a wɛla, hã a dɛ mɛnɔ kɛ a kɔ̃a we dɛ ma ni, hã lɛ zɔ. Lɛ kɔ̃a na, mɛ kɛ Gale santo 'da obe Israɛlɛ 'dafa ni, ma dɛ tɛ̃ ɛ, hã lɛ ĩ ti nɛ.”

Yeremi 18:11

“Ngangga ni, Yeremi, mɔ tɔ̃ hã Owi ngɔ nù Yuda do Owi kɔ le Yeruzalɛmɛ na, mi NWA mi tɔ̃a na, mi handa we hã 'bako hã wa. Ma wia na, wele do wele la fala 'dã dɛa mɔ tɛ̃ ɛ, nɛ a dɛ́ mɔ tɛ a ɔ nɛ kɛ ma wia ni.

Yeremi 27:12

Mi Yeremi, mi tɔ̃a 'bɔ kpo kpo toe ni hã Sedekiasi, nwa ngɔ nù Yuda na: “Mɔ, do owinɔ 'da mɔ, nɛ kɔ̃́ mbula 'da nwa ngɔ nù Babilonia, nɛ nɛ hɔ́ ngbá ti a, sɛ nɛ nɛ kpasa sɛ de.

Yeremi 34:17

Ma kɛ mi NWA, mi tɔ̃ hã nɛ na, nɛ bɛ̃a we nu mi, nɛ nɛ dà kɔ̃ nɛ tɛ onya nɛ be Yudanɔ gɔ. Gulu nɛ a mi NWA, mi da sɛ tɛ mɛ 'bɔ kɔ̃ mi tɛ nɛ, nɛ bolo, do 'dã zɛlɛ, do gba wɔ ma gbɛ sɛ nɛ. Mi dɛ sɛ na, onu kɔnggɔ winɔ ngɔ nù gɛ vɛ̃, wa zɔ mɛ mi nɛ dɛ do nɛ ni, nɛ wa tana kili.

Yeremi 36:23

'Da fala kɛ Yɛhudi tɔlɔ zi fɛlɛ lɛnggɛ talɛ tabi nalɛ, kɔ a nɛ da nu a, nɛ nwa ba be kɔya 'da a, nɛ a 'bili fɛlɛ lɛnggɛnɔ ni, nɛ a fi ma li we. A dɛa ni do ni gbaa, nɛ a dɔ kasa ndala ni vɛ̃.

Yeremi 43:2

nɛ Azaria, be 'da Hokaya, do Yohananɛ, be 'da Karea, do ogele winɔ vɛ̃ wa dɛa gã zu, nɛ wa tɔ̃ hã mi na: “Mɔ 'bili bɛlɛ iko! NWA Gale 'da lɛ tòmbò mɔ na, mɔ ga lɛ, dɔ lɛ kúlú dɛ ngɔ nù Ezipeto i gɔ ni gɔ.

Yeremi 8:3

Nɛ kɔ nu kɔnggɔ o'dã winɔ ni, wanɔ wa 'bana sɛ do tunu li wa tɛ falanɔ mi pɛsɛ do wa ni, wa zɔ sɛ na, fe fio ma dia nɛa ngɔ 'bana nza. Mi NWA, kɛ mi do nganda vɛ̃, mi tɔ̃a ni.”

ALA NU 1:14

“A tɔlɔ 'dã mɛnɔ 'da lɛ vɛ̃, nɛ a mba li nɛ kpo, nɛ a e tole nɛ ngɔ gɛlɛ lɛ ɔ nɛ ngbangbo ni, nɛ dĩ nɛ gbini gbãlã tɛ lɛ vɛ̃. NWA 'dɔlɔ lɛ hã Owi sɛnɛ lɛ, kɛ lɛ wè tɛ yolo dati wa gɔ ni.

ALA NU 2:17

Mɛ kɛ NWA handa zi we dɛ ma, nɛ a tɔ̃a zi we nɛ belee ni, ma hã a dɛa ni. A 'danga le 'da lɛ putu putu, nɛ a dɛ̃ mbe 'bako gɔ. A hã ngawi hã Owi sɛnɛ lɛ, nɛ wa nɛa ngɔ lɛ, nɛ ngamɛ 'da lɛ hã yangga hã wa, nɛ wa dɛa wali ngɔ lɛ.

ALA NU 5:5

Owi sɛnɛ lɛ wa ndaka 'do lɛ nganda wena, ɔ nɛ opunda tabi osamo ni, nɛ lɛ mbɔka do'do, nɛ fo fala we ɔmɔ tɛ lɛ bina.

AMƆSI 2:14

Gɛnɛ kɔ wi kɛ tɛ̃ a hãsã wena, nɛ nde a wé sɛ we yu nɛ gɔ. Nɛ owi sɔ̃a gbãlã tɛnɔ, wa sɛ 'bɔ do ngawi bina. Gɛnɛ kɔ osodanɔ, nɛ nde wa wé sɛ 'bɔ tɛ kpasa tɛ wa wele nɛ gɔ.

AMƆSI 3:1

Aa nɛ, obe Israɛlɛ, NWA kala zi nu kpala nɛ ngɔ nù Ezipeto vɛ̃, nɛ a si do nɛ. Kɔ nɛ zélé we a tɔ̃ hã nɛ gɛ.

AMƆSI 3:2

A na: “Tɛ kɔ nu kpala owinɔ ngɔ nyanga nza gɛ vɛ̃, owinɔ kɛ mi saka wa ni, wi tati a nɛ. Ma kɛ mi hã sɛ etumbu hã nɛ, we o'dã mɛnɔ vɛ̃ nɛ dɛa dɛ 'da mi ni.”

AMƆSI 5:13

'Da fala ni, mɛ sɛ a fala 'bako. Kɔ ma wia na, wi kɛ a a wi hã, nɛ a dungu fio.”

Mike 2:1

Bako do nɛ winɔ kɛ nɛ lengge o'dã linggamɔ do tũ, nɛ nɛ 'dafa na, fala sa, nɛ lo dɛ mɛnɔ lo lingga ni.

ROMA 16:4

Winɔ ni wa hɔa zi fɛna fio we kpasa mi kɔ ngamɔ. Mi gese iɔ̃nae hã wa wena. Nɛ tati a mi zu mi kpo iko gɔ, nɛ nde owi kɔ̃a wenɔ vɛ kɛ wa a Oyuda gɔ ni, wa hã 'bɔ iɔ̃nae hã wa.

EFƐZƐ 5:16

Nɛ kpa fala we dɛ de mɔ, nɛ nɛ dɛ́ ma, mba gɔ, ngba soenɔ gɛ ma dè gɔ.

Mbulanɔ 28:48

Na mɛ ni, nɛ hɔ sɛ ongbánɔ 'da Owi sɛnɛ nɛ, kɛ NWA nɛ tombo wa we bi nɛ ni. Wɔ ma ba sɛ nɛ, nɛ nɛ ala sɛ wɔ lì, nɛ nɛ yɛnggɛ sɛ do kũlĩ tɛ nɛ. Sã mɛnɔ vɛ̃ ma ba sɛ nɛ. Nɛ ngamɛnɔ ni ma ɔ sɛ nɛ dĩ tole ngbangbo zu 'baka nɛ, nɛ nɛ ba sɛ ma gbaa, nɛ nɛ kumu.

ZAKE 2:13

Wi kɛ a ĩ́ 'bako hã ngba a gɔ, kɔ Gale nɛ 'bili we 'da a, nɛ a ĩ́ sɛ tɛ mɛ 'bɔ 'bako hã a gɔ. Nɛ nde wi kɛ a ĩ 'bako hã ngba a, nɛ Gale a ĩ sɛ tɛ mɛ 'bɔ 'bako hã a, nɛ a té sɛ li ngbangga gɔ.