Mike 2:2 - WE NU GALE 1995

² Fala kɛ nɛ zɔ tɔa, tabi fɔ, kɔ ma de tɛ nɛ, nɛ nɛ kala ma kɔ̃ Owele nɛ. Nɛ zũ 'bɔ nùi 'da owinɔ, nɛ nɛ kala odia mɛnɔ kɔ̃ wa do obenɔ 'da wa.

Mike 2:2 Iomraidhean Croise

1 Onwanɔ 21:1

Dɛ 'do ki ni, nɛ mbé mɛ ma la zi 'bɔ ni, ma kɛ: Mbe wele kpo zi tɛ kɔ le Yizreɛlɛ, li a a Nabɔtɛ, a zi do fɔ vinɔ. Nɛ nde fɔɛ ni ma zi dɛ kɛ zã tɔa 'da Akabɛ, nwa ngɔ nù Samaria.

2 Onwanɔ 9:26

ɛ zɔa tɛlɛ tɛ kɛ wa gbɛa do Nabɔtɛ do obenɔ 'da a ni, kɔ ɛ hã sɛ etumbu hã a dɛ kpo kpo kɔ fɔɛ 'da Nabɔtɛ gɛ. Kɔ mɔ nɛ́, hã mɔ dɛ ɔ nɛ kɛ nwa tɔ̃a zi ni. Mɔ bá wɔlɔ Yoramɛ, hã mɔ da ma dɛ kɔ fɔɛ ni.”

YƆBƆ 31:38

Fala kɛ mi zu zi mbe kpalɛ mɔ wele, nɛ mi nyɔngɔ kpalɛ li fɔnɔ 'da a yala iko, nɛ nde mi sì olo nɛ hã wele nɛ gɔ nde,

Kulu Tɔa 20:17

“Mɔ tɛ è sila mɔ ngɔ mɔ mɔ́ ngba mɔ gɔ. Mɔ tɛ è sila mɔ ngɔ tɔa 'da a, kɛnɛ a, owi tonɔ 'da a, ngɔmbɔ, punda, tabi gele mɔ mɔ a kpo gɔ.”

Ezai 3:14

A dãlã do okumu lenɔ, do onwa ngɔ owinɔ 'da a na: “Wi 'danga fɔ vinɔ 'da mi, wi a nɛ. Tɔa 'da nɛ dunu do mɛnɔ kɛ nɛ kala ma kɔ̃ Owi sãnɔ ni.

Ezai 5:8

'Bako we winɔ kɛ wa oso mbé tɔanɔ do mbé fɔnɔ dɛ ngɔ ã kɛnɔ 'da wa ni. Wa dɛ ni fai, nɛ wa ba nùi vɛ̃, nɛ wi 'bana do nùi tati a wa zu wa kpo iko.

Yeremi 22:17

Nɛ nde mɔ, mɔ fa tati a dia mɛ 'da mɔ wele nɛ. Mɔ gbɛ Owi dia gulu we, nɛ mɔ zɛlɛ tɛ owinɔ 'da mɔ.

EZEKIƐLƐ 18:12

A ɔlɔ wi sãnɔ do wi 'bakonɔ. A zũ owinɔ, nɛ a gésé mɛnɔ wa e 'da a do tikɔɛ ni gɔ. A ba tɛ̀ a we dɔnggɔ kpikimanɔ, nɛ a dɛ gã 'dã mɛnɔ. Ní a wele kɛ a ɔ na mɛ ni, a wia we 'bana do kpasi nde? Fala kpo gɔ! A dɛa gã 'dã mɛnɔ vɛ̃, nɛ ma wia na a fe. Nɛ we fie 'da a sɛ dɛ zu a wele nɛ.

EZEKIƐLƐ 22:12

Ombe winɔ wa gbɛ wele we kpa mbili, nɛ ombe wa hã ku'da mbili, nɛ wa fa we kpa ngɔ nɛ gã wena. Ombe wa zɛlɛ tɛ ogele winɔ, we kala mbili kɔ̃ wa. Nɛ nɛ lénggé 'bɔ do mi NWA Gale kɔ dungi 'da nɛ gɔ. Mi NWA, mi tɔ̃a ni.

EZEKIƐLƐ 22:13

“Nɛ nde aa nɛ, owi Yeruzalɛmɛ, mi lama sɛ kɔ̃ mi, nɛ mi be li nɛ, tua we kpamɛnɔ kɛ nɛ kpa do zũ, do 'dã mɔ gbɛ winɔ nɛ dɛa ni.

EZEKIƐLƐ 33:26

Nɛ gbini zã nɛ do omɔ bi do bolonɔ 'da nɛ iko, nɛ nɛ dɛ ogã 'dã mɔ, nɛ nɛ ɔ do wukonɔ 'da ongba nɛ. Nɛ kɔdɛ kɛ nɛ tɔ̃ na, wele nùi a mɔ́ lo ni nɛ nde?

EZEKIƐLƐ 45:9

NWA tɔ̃a na: “Aa nɛ, ogã wi ngɔ nù Israɛlɛ, mɛnɔ nɛ dɛ gɛ ma la li do'do. Nɛ lá fala dɛ ngatɛ do zɛlɛ tɛ winɔ, nɛ nɛ dɛ́ bɔlɔ zu dɛa mɔ. Nɛ lá fala kala mɔ tɛ winɔ 'da mi. Mi NWA Gale, mi tɔ̃ hã nɛ ni.

EZEKIƐLƐ 46:18

Nɛ gã wi wè do dolo zu nù mɔ́ mbe be Israɛlɛ gɔ. Obe zã a wa kpa sɛ a nùi 'da a ngboo ni na, da dɛ kɔ wele kpo sanga winɔ 'da mi NWA zɔ́lɔ́ nù gɔ.”

EZEKIƐLƐ 8:17

Nɛ nwa tɔ̃ hã mi na: “Be 'da wele, mɔ zɔa nde? Kɔ mɔ ĩ́ na, obe Yuda wa tɛ dɛ gã 'dã mɛnɔ gɛ vɛ̃, nɛ nde sila wa gɛ gɔ. Wa tɛ bi 'bɔ bolo ngɔ nùi 'da wa vɛ̃, nɛ wa dɛ mɛnɔ ni vɛ̃ we nɔ̃lɔ̃ zã mi. Kɔ mɔ zɔ wa, wa kala nwá te vinɔ dɛ ngɔ, we dɔnggɔ do galenɔ 'da wa.

AMƆSI 2:7

Wa ma zu obe winɔ dɛ nù, nɛ wa 'danga wala ti owi 'bako. Be zagbãlã do baa a, wa kpolo ngba wa dɛ ngɔ wuko ngbá kpo, nɛ wa 'danga zu li mi kɛ ma santo.

AMƆSI 4:1

Nɛ, okɛnɛ gã winɔ kɔ le Samaria, nɛ gã wena ɔ nɛ ongɔmbɛnɔ li zɔ̃ Basanɛ ni, nɛ zélé we mi nɛ tɔ̃ hã nɛ gɛ! Nɛ zɛlɛ tɛ owinɔ kɛ wa zɔla ngawi, do Owi sãnɔ. Nɛ nɛ tɔ̃ hã owili nɛ na: “Tɛ́ do dɔ̃ɛ, kɔ lɛ nɔ!”

AMƆSI 8:4

Aa nɛ, owinɔ kɛ nɛ hã ngamɔ hã owi sãnɔ, nɛ nɛ fa we kumu obe winɔ ni, nɛ zélé!

Mike 3:9

Aa nɛ, ogã wi ngɔ obe Israɛlɛ, nɛ zélé mi sɛ! Nɛ kɔ̃̀ gɛnɛ dia 'bili we gɔ, nɛ nɛ dɛ́ mɔ do bɔlɔ nɛ gɔ.

Mike 6:12

Owi kpamɛnɔ kɔ gã le 'da nɛ, wa zɛlɛ tɛ Owi sãnɔ. Nɛ nɛ vɛ̃, nɛ a Owi ɔlɔ wi, do owi 'bili bɛlɛ.

MALAKI 3:5

NWA ngɔ mɔ nyanga nza vɛ̃ tɔ̃a na: “Mi tɛ sɛ, nɛ mi dungu dɛ sanga nɛ we gɔnɔ ngbangga 'da nɛ. Nɛ winɔ mi gɔnɔ sɛ ngbangga 'da wa dati, wi a Owi dɛ sɔ̃nɔ, do owinɔ kɛ wa ɔ do wukonɔ 'da ngba wa, do wanɔ kɛ wa ba kombo tɛ wa do bɛlɛ, do wanɔ kɛ wa 'bili nu mbili 'da owi dɛa tonɔ 'da wa, do wanɔ kɛ wa zɛlɛ tɛ wi fio wilinɔ do obe gulanɔ, do wanɔ kɛ wa dɛ 'dã mɔ do ogɛnɛnɔ, do owinɔ kɛ wa dɛ́ kili mi gɔ ni. Mi NWA ngɔ mɔ nyanga nza vɛ̃, mi tɔ̃a ní.

MATIE 23:13

“'Bako do nɛ, owi be mbulanɔ do Ofariziɛnɔ! Nɛ a Owi ɔlɔ wi! Nɛ kpia nu le nwa 'da Gale na, winɔ wa tɛ lè gɔ. Nɛ nɛ ngboo ni, nɛ kɔ̃̀ we le i mɔ gɔ, nɛ nɛ kele wala ti owinɔ kɛ wa kɔ̃a we le nɛ ni na, dɔ wa lé gɔ. [

1 TIMOTE 6:10

Mba gɔ, wɔ tɛ mbili, mɛ a gulu 'dã mɛnɔ vɛ. Ombe wele wa yɔa wala 'da Kristo kɛ wa kɔ̃a zi a ni do'do, we kɛ wa ba zi tɛ wa vɛ we mbili iko, nɛ wa kpa ngamɔ kɔ sila wa wena.