Mike 2:13 - WE NU GALE 1995

¹³ Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

Mike 2:13 Iomraidhean Croise

Kulu Tɔa 14:19

'Da fala ni, nɛ anzɛ 'da Gale, kɛ a kpe zi dati obe Israɛlɛ ni, a kpia do 'do wa. Nɛ lɔnggɔ zɛ̃ we, kɛ ma la zi do dati wa ni, ma si dɛ 'do wa,

Ezai 42:7

Mɔ dɛ sɛ na, owi lɔa li wa zɔ mɔ, nɛ mɔ fo sɛ owi bɔlɔkɔ kɔ tũ tɔa dɛ nza.

Ezai 51:12

NWA tɔ̃a na: “Aa nɛ, owinɔ 'da mi, mi a mi hã ngawi hã nɛ. Kɔ gulu kɛ nɛ dɛ kili wele, kɛ a fe sɛ, nɛ a mbulu ɔ nɛ wɔkɔsɔ iko ni we ge nde?

Ezai 52:12

Ngangga ni, ma wè do kɛ na, nɛ la le Babilɔnɛ do gɔa nɔ tabi do kili gɔ. Mba gɔ, NWA Gale a kpe sɛ dati nɛ, nɛ a zɔ sɛ mɔ tɛ nɛ falanɔ vɛ̃.

Ezai 55:4

Mi ia zi a do nwa ngɔ onu kɔnggɔ winɔ, nɛ a zi a wi kpe dati wa. Nɛ mi bia zi ngawi 'da mi hã owinɔ do wala 'da Davidi ni.

DANIƐLƐ 2:44

'Da fala 'da Onwanɔ ni, nɛ Gale tɛ li nza i, a 'dafa sɛ mbé nu kɔnggɔ wele kɛ wa kúmú sɛ fala kpo gɔ, nɛ gele nu fɛlɛ kula dúngú sɛ 'bɔ nwa ngɔ wa gɔ ni. Nɛ nu kɔnggɔ winɔ ni wa 'danga sɛ okɛnɔ dati ni vɛ̃, nɛ wa 'bana sɛ fai.

OZE 13:14

Mi NWA, mi kpasa sɛ nɛ Oisraɛlɛ li ngawi 'da fio nde? Aa fio, mɔ kálá bolo 'da mɔ, nɛ mɔ tɛ́ nɛ. Mɔ bé ngawi 'da mɔ hã wa, nɛ mɔ kumu wa. Mi ĩ́ sɛ 'bako hã wa gɔ.

OZE 2:2

Nɛ Oyuda do Oisraɛlɛ wa mba sɛ li ngba wa, nɛ wa saka sɛ wele kpo iko na, a dungu nwa ngɔ lo. Nɛ wa dunu sɛ ngɔ nùi 'da wa. Mɛ sɛ a gã ngba soe we duzu Yizreɛlɛ.

OZE 3:5

'Do nɛ, nɛ obe Israɛlɛ wa kpolo sɛ tɛ wa dɛ 'da nwa. Wa siki sɛ li wa dɛ 'da Gale 'da wa, do 'da nwa ngɔ wa, kɛ a a be zã Davidi ni. Nɛ wa yu sɛ kili NWA, nɛ wa kpa sɛ dia mɔ kɔ̃ a.

Mike 2:12

Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 3:1

Nɛ Mike tɔ̃ na: “Aa nɛ, ogã wi ngɔ obe Israɛlɛ, nɛ zélé mi sɛ! Ma wia sɔ na, nɛ dɛ tonɔ 'da nɛ do wala olo nɛ.

Mike 4:7

Wa 'dɔlɔ wa nyɛlɛ do le 'da wa, nɛ wa mbɔka vɛ̃. Nɛ nde mi mba sɛ li owanɔ wa 'bana nza ni, nɛ mi dɛ sɛ na, wa hɔ nganda nu kɔnggɔ wele. Do 'da fala ni, nɛ mi Gale, mi ɔ sɛ do ngɔ kala Sioni tɛ Yeruzalɛmɛ, nɛ mi dungu sɛ nwa ngɔ wa pii.

ZAKARIA 10:12

Mi hã sɛ ngawi hã owinɔ 'da mi. Wa dɔnggɔ sɛ mi, nɛ wa zele nu mi. Mi NWA, mi tɔ̃a ni.”

OHEBRE 6:20

Mɛ a fala kɛ Yezu lia kɔ nɛ dati hã lɛ, we hũi wala hã lɛ na, lɛ le tɛ mɛ 'bɔ. Nɛ a fai a gã nwa nganga ɔ nɛ tɛlɛ tɛ kɛ 'da Mɛlkisedɛkɛ ni.

Yozue 3:6

'Do kɛ Yozue tɔ́a ní ni, nɛ a ba nu a hã onganganɔ na, wa ba Sanduku Gba Tɔkɛ, kɔ wa kpe dati winɔ. Nɛ onganganɔ wa dɛa olo nu a.

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 7:17

We duzu kɛ Be Bata dɛ gbogbo kpongbe ni sɛ a wi zɔ mɔ tɛ wa, nɛ a kã sɛ wa tɛ nu 'de kɛ ma hã kpasi ni. Nɛ Gale a dili sɛ mili kɔ̃a li wa vɛ.”