Mike 2:12 - WE NU GALE 1995

¹² Gale na, ɛ mba sɛ li nɛ, tala obe Israɛlɛ vɛ̃ kɛ nɛ 'bana ni. Ɛ ngɛmɛ sɛ li nɛ, ɔ nɛ wa ngɛmɛ do li obata dɛ kɔ ba'de 'da wa ni. Nɛ Owele wa dɛlɛ sɛ ngɔ nùi 'da nɛ, ɔ nɛ kɛ obata wa dɛlɛ kɔ ngbo 'da wa ni.

Mike 2:12 Iomraidhean Croise

Ndo Nyanga Dɛ Mɔ 36:33

A nɛa we fe ma, nɛ Yobabɛ, be 'da Zera, wi kɔ le Bɔsra, dungu nwa olo a.

Ezai 11:11

Do ngba soe ni, nɛ NWA Gale a be sɛ 'bɔ ngawi 'da a. A gese sɛ tala winɔ 'da a, kɛ wa 'dɔlɔ zi wa kɔ ogele lenɔ, nɛ wa 'bana nza ni. A kala sɛ wa ngɔ nù Asiri, Ezipeto, Patrosi, Sudanɛ, Elamɛ, Babilonia, Hamatɛ, do olenɔ nu gba lìnɔ ni, nɛ a si sɛ do wa.

Ezai 27:12

Do ngba soe ni, NWA a kala sɛ owinɔ 'da a, kɛ wa pɛsɛ yolo tɛ Ezipeto gbaa we hɔ nu lì Efratɛ ni, nɛ a gese wa dɛ ngɔ nùi 'da wa. A dɔlɔ sɛ wa kpo kpo, ɔ nɛ kɛ wa dɔlɔ gbãlã kɔni kɔ wɔkɔsɔ ni, nɛ wa si sɛ.

Ezai 34:6

Li du kɔya 'da NWA kpa do tɔkɔ do nɔ tɛ wa, ɔ nɛ tɔkɔ tɛ be bata, do wili dua, tabi ɔ nɛ nɔ wala kole wili bata, tɛ li kɔya kɛ wa gbɛa do wa we hã do dɔnggamɔ ni. Mba gɔ, NWA Gale a gbɛ sɛ Oedɔmɛ ɔ nɛ dɔnggamɔ ni tɛ Bɔsra, gã le ngɔ nù 'da wa. Mɛnɔ ma 'danga sɛ, nɛ mɛ sɛ a Sɔkpɔ tala ngamɔ.

Ezai 5:17

Obe batanɔ wa nyɔngɔ sɛ mɔ kɔ bili tɔa Yeruzalɛmɛ, ɔ nɛ kɛ wa nyɔngɔ mɔ kɔ ngbo 'da wa ni. Nɛ obe duanɔ wa nɛ sɛ i mɔ, nɛ wa nyɔngɔ mɔ, nɛ wa gã, nɛ wa dɛ nɔ.

Yeremi 23:3

Mi do tɛ mi, mi kala sɛ tala owinɔ 'da mi tɛ ngɔ nùnɔ vɛ̃ kɛ mi pɛsɛ do wa ni, nɛ mi ngɛmɛ sɛ li wa. Mi gese sɛ wa dɛ tɛ ngɔ nùi 'da wa. Wa ko sɛ obe zã wa, nɛ wa dɛlɛ.

Yeremi 3:18

Nɛ Oisraɛlɛ wa mba sɛ ngba wa do Oyuda, nɛ wa yolo sɛ kɔlɔ 'duli tɛ si gbãlã ngɔ, nɛ wa kpolo tɛ wa dɛ ngɔ nùi kɛ mi hã zi hã oyaa wa do mɔ́ wa ni.”

EZEKIƐLƐ 34:11

“Mi NWA Gale, mi tɔ̃a hã nɛ na, yolo do sɔɛ gɛ, mi do tɛ mi, mi zɔ sɛ mɔ tɛ nadalamɛnɔ 'da mi, nɛ mi fɔmɔ sɛ wa.

EZEKIƐLƐ 34:13

Mi fo sɛ wa sanga gele winɔ tɛ ngɔ gele nùnɔ wa se'de ni, nɛ mi gese sɛ wa dɛ ngɔ nùi 'da wa. Mi kã sɛ wa dɛ ngɔ kalanɔ tɛ ngɔ nù Israɛlɛ do kɔ gbangɔlɔ̃nɔ, do falanɔ vɛ̃ kɛ wele wia tɛ ɔ nɛ ni.

EZEKIƐLƐ 34:22

Ma kɛ mi tɛ sɛ we gbaka wa na, da dɛ kɔ wa té dɛ kɔ̃ wi gbɛ wa gɔ. Mi nɛ gɔnɔ we sanga dia wanɔ do 'dã wanɔ.

EZEKIƐLƐ 34:31

“Nɛ, owinɔ 'da mi, nɛ a batanɔ 'da mi, nɛ mi a wi fɔmɔ nɛ. Nɛ a owinɔ kɛ mi fɔmɔ nɛ ni, we kɛ mi a Gale 'da nɛ. Mi NWA Gale, mi tɔ̃a ni.”

EZEKIƐLƐ 36:37

NWA Gale tɔ̃a na: “Mi la sɛ 'bɔ obe Israɛlɛ na, wa ala nu wa hã mi, nɛ mi zele sɛ wa. Nɛ mi dɛ sɛ na, wa dɛlɛ ɔ nɛ onadalamɔ kɔ ba'de ni.

EZEKIƐLƐ 37:21

Nɛ mɔ tɔ̃ hã wa na, mi NWA Gale, mi nɛ fo obe Israɛlɛ sanga ogele winɔ kɛ wa la zi dɛ 'da wa ni. Nɛ mi ngbolo sɛ li wa, nɛ mi gese wa dɛ ngɔ nùi 'da wa.

AMƆSI 1:12

We duzu ma, mi tombo sɛ nyɛa we, nɛ ma bɛlɛ le 'da wa Temanɛ, do odia tɔanɔ kɔ le Bɔsra vɛ.”

Mike 2:13

Ɛ NWA Gale 'da nɛ, ɛ kpe sɛ dati nɛ, nɛ ɛ fĩ sɛ wala hã nɛ na, nɛ hɔ́ nza kɔ ngbá. Ɛ fo sɛ nɛ kɔ ngamɔ, nɛ ɛ 'dɔlɔ sɛ zã ngbo nu le, nɛ nɛ hɔ do ma.

Mike 4:8

Mi dungu sɛ ngɔ kala ni we zɔ mɔ tɛ winɔ 'da mi, ɔ nɛ kɛ wi fɔmɔ oduanɔ dungu ngɔ gba'da, we zɔ do mɔ tɛ duanɔ 'da a ni. Nɛ mi dɛ sɛ na, le ni ma hɔ 'bɔ gã le nwa nɛ́ kɛ zi dati ni.”

Mike 5:7

Nɛ tala obe Israɛlɛ kɛ wa 'bana sɛ sanga ogele winɔ ni, wa nganda sɛ nɛ́ kɛ gbɔgbɔ nganda sanga osa'denɔ zamɔ 'di ni. Wa ɔ sɛ nɛ be gbɔgbɔ kɛ a hɔ ngbala obata, nɛ a ba mbe kpo, nɛ a nyɔngɔ a, nɛ nde fo wi ba tala nɛ nu a bina ni.

Mike 5:8

Kafi bina, obe Israɛlɛ wa kala sɛ owi sɛnɛ wa, nɛ wa gbɛ wa vɛ̃.

Mike 7:14

Aa NWA Gale, mɔ ka lɛ owinɔ 'da mɔ kɛ mɔ saka lɛ ni. Mɔ zɔ́ mɔ tɛ lɛ, ɔ nɛ kɛ wi fɔmɔ odua bata zɔ do mɔ tɛ batanɔ 'da a ni. Nùi lɛ ɔ ngɔ nɛ gɛ, ma dé kpalɛ gɔ, nɛ nde odia nù mi do kpalɛ zĩ lɛ takpa. Kɔ mɔ ka lɛ dɛ tɛ nù Basanɛ do Galadɛ, kɔ lɛ kpa dia nù i mɔ, nɛ lɛ mi do kpalɛ ɔ nɛ kɛ zɛ́ dati ni.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

SOFONI 3:20

Do 'da fala ni, mi mba sɛ li nɛ vɛ̃ dɛ ngɔ nùi 'da nɛ. Nɛ mi dɛ sɛ na, dungi 'da nɛ ma de, nɛ nɛ ɔ do dɔ̃lɔ̃ li sanga owinɔ ngɔ nù gɛ vɛ̃. Mi nwa, mi tɔ̃a ni.”