Mike 2:11 - WE NU GALE 1995

¹¹ “Nɛ kɔ̃a gɛnɛ zele wi kɛ a tɔ̃ bɛlɛ, nɛ a ɔlɔ nɛ do zu li mi na, mi Gale, mi tɔ̃a na, nɛ nɔ sɛ dɔ̃, nɛ nɛ nɔ sɛ 'bɔ onga dɔ̃ wena ni. Wi tɔ̃ bɛlɛ na mɛ ni wia do nɛ.”

Mike 2:11 Iomraidhean Croise

1 Onwanɔ 13:18

Nɛ gbɛlɛ ni tɔ̃ hã a na: “Mi tɛ mɛ 'bɔ a wi gba olo nu Gale ɔ nɛ mɔ ni. Nɛ NWA tumba anzɛ kpo we tɔ̃ hã mi na, mi kpa mɔ, kɔ mi kpolo tɛ mi do mɔ, takɔ mɔ nyɔngɔ mɔ, nɛ mɔ nɔ mbe lì sɛ nɛ de.” Ĩ na, a tɔ̃ zi a bɛlɛ iko.

1 Onwanɔ 22:6

Nɛ Akabɛ sa mɔ hã owi gba olo nu Gale kɔlɔ do kama nalɛ, nɛ a aka wa na: “Nɛ lengge na, mi wia we nɛ we bi le Ramɔtɛ tɛ ngɔ nù Galadɛ we ba ma, tabi mi tɛ nɛ gɔ nde?” Nɛ owi gba olo nu Gale wa gese na: “Mɔ nɛ́, nwa a 'dɔlɔ sɛ ma hã mɔ.”

YƆBƆ 31:5

Mi 'bili bɛlɛ, tabi mi zũ mɔ mɔ wele nde?

GBA WENƆ 25:14

Wi kɛ a kpo mbulu 'dɔlɔ mɔ wena, nɛ nde a dɛ́ ma gɔ ni, a ɔ nɛ kolo kɛ ma dĩ, nɛ nde ma tɛ́ gɔ ni.

Ezai 28:7

Nɛ zɔ̃ onganganɔ do Owi gba olo nu Gale, wa yɔndɔ tɛ nɔ nga dɔ̃nɔ do'do. Wa nɔ nga dɔ̃ɛ hã ma ba wa, nɛ wa dɛ gbee gbee ni. Nɛ owi gba olo nu Gale wa ka mɔ tafu, nɛ nde wa zɔ́ mɛnɔ kɛ Gale be ma hã wa ni do dia nɛ gɔ. Nɛ onganganɔ wa tɔ̃́ 'bɔ mbula hã owinɔ do dia nɛ gɔ.

Ezai 9:15

Owi zɔ mɔ tɛ obe Israɛlɛ, wa ba 'dã wala, nɛ wa yɔa wala do wa do'do.

Yeremi 14:14

Nɛ NWA gisa hã mi na: “Owinɔ wa gba olo nu mi ni wa ɔkɔlɔ winɔ do zu li mi iko. Mi a mi tòmbò wa gɔ. Mi bà nu mi hã wa gɔ, nɛ mi wèlè we kpo hã wa gɔ. Wenɔ wa tɔ̃ hã nɛ ni, mɛ a lɛnggɛ bɛlɛ kɛ ma do gulu nɛ bina, mɛ a olɛnggɛ kɛ wa do tɛ wa wa kũ ma we ɔkɔlɔ do winɔ iko.

Yeremi 23:14

Nɛ nde 'dã mɛ kɛ mi zɔ 'da owi gba olo nu mi, wanɔ wa kɔ le Yeruzalɛmɛ ni, ma 'danga 'bɔ la li ngele. Wa yɛnggɛ 'dɔkɔlɔ ogele galenɔ ɔ nɛ owuko ndumba ni, nɛ wa tɔ̃ tati a lɛnggɛ bɛlɛ iko. Wa gala Owi dɛ 'dã mɛnɔ, do tɛlɛ tɛ kɛ na, wele kpo wè tɛ kɔ̃ we la fala dɛ 'dã mɔ gɔ. Wa vɛ̃ a o'dã wi ɔ nɛ Owi Sodɔmɛ do Gomɔrɛ ni.”

Yeremi 23:17

Wa tɔ̃ hã owinɔ wa zɔ we nu mi li wa yala iko ni na: ‘Mɛnɔ vɛ̃ ma la sɛ ɔ dia.’ Nɛ wa tɔ̃ hã wanɔ wa 'bana dɛ yia nga zui 'da wa ni na: ‘Ngamɔ kpá sɛ nɛ gɔ!’

Yeremi 23:25

Mi zila wenɔ owi gba olo nu mi wa tɔ̃ ni. Wa 'bili bɛlɛ do zu li mi na, mi bia mɔ hã wa do li yalɛ, nɛ nde mi bè mɔ hã wa gɔ.

Yeremi 23:32

Mi hã sɛ etumbu hã wanɔ wa 'bili bɛlɛ na, mi bia mɔ hã lo do li yalɛ ni. Lɛnggɛ bɛlɛnɔ wa tɔ̃ ni, ma dɛ na owinɔ 'da mi wa yɔ wala. Mi tòmbò wa do to gɔ, nɛ mi bà 'bɔ nu mi hã wa gɔ, nɛ wa dɛ̃ mɔ kpo we owinɔ 'da mi gɔ. Mi NWA, mi tɔ̃a ni.”

Yeremi 28:15

Dɛ 'do nɛ, nɛ mi tɔ̃ 'bɔ hã Hanania na: “Mɔ, Hanania, mɔ zélé mi do dia nɛ! NWA tòmbò mɔ gɔ, nɛ mɔ dɛa na, owinɔ gɛ wa kɔ̃ gɛnɛ lɛnggɛ bɛlɛ.

Yeremi 5:31

Owi gba olo nu mi Gale wa 'bili bɛlɛ iko, onganganɔ wa fa tati a kpasi 'da wa wele nɛ. Nɛ nɛ, owinɔ 'da mi, nɛ zɔa ma, nɛ nɛ kɔ̃a gɛnɛ nɛ wena. Kɔ ngba soe mɛnɔ ni ma e, nɛ nɛ dɛ sɛ nɛ nɛ nde?”

ALA NU 2:14

Aa nɛ, owi Yeruzalɛmɛ, owi gba olo nu Gale wa bé zi 'dã mɛnɔ 'da nɛ dɛ nza gɔ. Wa 'bili zi a bɛlɛ hã nɛ iko. Ɔ do kɛ wa be zi 'dã mɛnɔ 'da nɛ dɛ nza, nɛ mbe gɔ, nɛ nɛ kpasa sɔ. Nɛ nde wa tɔ̃ zi lɛnggɛ bɛlɛ hã nɛ we ɔkɔlɔ do sila nɛ iko.

EZEKIƐLƐ 13:22

Bɛlɛnɔ nɛ 'bili ni, ma mbɔkɔ owi bɔlɔ zunɔ kɛ mi kɔ̃̀ na, wa kpa 'dã mɔ gɔ ni do'do. Nɛ nɛ nganda sila o'dã winɔ na, wa tɛ là 'dã wala 'da wa, kɔ wa kpasa gɔ.

OZE 7:14

Wa sámbálá mi do kɔ sila wa vɛ̃ gɔ. Wa te nù, nɛ wa zɛ nu wa, nɛ wa gɔnɔ dã tɛ wa, nɛ wa gbini zã wa na, lo kpa sɛ dia kpalɛ do dia dɔ̃. Na mɛ ni, wa dɛa nga zu dɛ tɛ mi.

Mike 3:11

Owele wa hã dia mɔ hã Owi 'bili wenɔ, sɛ nɛ wa ĩ ti 'bili dia we hã wa de. Wa hã mbili hã onganganɔ, sɛ nɛ wa be mbula de. Wa hã mbili hã owinɔ kɛ wa gba olo nu Gale ni, sɛ nɛ wa tɔ̃ we mɛnɔ ma dɛ sɛ tɛ̃ ɛ ni de. Nɛ nde mɛ ni, wa 'bã nu wa, nɛ wa tɔ̃ na, NWA Gale do lo boe, nɛ nde lo kpá sɛ 'dã mɔ kpo gɔ.

Mike 3:5

NWA Gale dãlã we dɛ tɛ Owi gba olo nu a, kɛ wa tɔ̃ bɛlɛ do zu li a hã obe Israɛlɛ ni. A na: “Fala kɛ wele hã mbili hã nɛ, nɛ nɛ tɔ̃ hã a na, a kpa sɛ dia dungu. Kɔ fala kɛ a hã̀ mbili hã nɛ gɔ, nɛ nɛ tɔ̃ na, Owele wa bi sɛ a.

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.

FILIPƐ 3:19

Winɔ ni, wa kã tɛ wa hã fio, we kɛ gale 'da wa mɛ a zã wa. Wa dɔnggɔ tɛ wa do mɛnɔ kɛ ma wia sɔ we hã sape hã wa ni, nɛ wa lengge tati a mɛnɔ nù gɛ iko.

1 YOANƐ 4:1

Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.