Mike 2:10 - WE NU GALE 1995

¹⁰ Kɔ nɛ fó tɛ nɛ fala gɛ do'do! Nɛ lá! We kɛ dungu fio 'bɔ ngɔ nùi gɛ bina. 'Dã mɛnɔ 'da nɛ ma 'danga nùi do'do, nɛ nɛ kpa sɛ ngamɔ we nɛ wena.

Mike 2:10 Iomraidhean Croise

1 Onwanɔ 9:7

nɛ mi fo sɛ nɛ obe Israɛlɛ, winɔ 'da mi, tɛ ngɔ nùi mi ba hã nɛ gɛ do'do. Nɛ tɔa Tɛmpɛloe, kɛ mi wila nu mi tɛ nɛ na, ma ɔ we dɔ̃lɔ̃ li 'da mi gɛ, mi da sɛ 'bɔ kɔ̃ mi tɛ nɛ do'do. Nɛ ogele winɔ vɛ̃ wa mɔmɔ sɛ nɛ obe Israɛlɛ, nɛ wa zɔ sɛ nɛ li wa yala iko.

2 Onwanɔ 15:29

Do ngba soe kɛ Peka dungu zi nwa ngɔ Oisraɛlɛ ni, nɛ Teglatɛ-Falasarɛ, nwa ngɔ nù Asiri bi zi olenɔ gɛ: Yoni, Abɛlɛ-Bɛtɛ-Maka, Yanoa, Kedɛsi do Hasɔrɛ, nɛ a kala ma do mɔ a. Nɛ a bi zi nù Galadɛ, Galile, do Nɛftali vɛ̃. Nɛ a kala owi kɔ lenɔ ni, nɛ a tombo wa kɔlɔ 'duli tɛ ngɔ nù Asiri.

2 Onwanɔ 17:6

Nɛ do ndɔti sabɛlɛnɔ talɛ ni, nɛ a ba le. Mɛ ni dɛa zi tɛ̃ ɛ, nɛ nde Oze ɔa tɛ to nwa 'da a sabɛlɛ kusi ia. Nɛ nwa Salmanazarɛ kala Oisraɛlɛ, nɛ a tombo wa kɔlɔ 'duli tɛ ngɔ nù Asiri. A a ombe winɔ ngɔ nù Hala, nɛ a a ombe kɛ zã nu lì Habɔrɛ tɛ ngɔ nù Gozanɛ, nɛ a a tala wa tɛ kɔ lenɔ ngɔ nù Medi.

2 Sakonɔ 7:20

nɛ mi fo sɛ nɛ ngɔ nùi kɛ mi ba hã nɛ gɛ do'do. Nɛ mi da sɛ 'bɔ kɔ mi tɛ tɔa Tɛmpɛloe, kɛ mi wila nu mi tɛ nɛ na, ma ɔ we dɔ̃lɔ̃ li 'da mi ni. Nɛ ogele winɔ vɛ̃ wa mɔmɔ sɛ nɛ obe Israɛlɛ, nɛ wa zɔ sɛ nɛ li wa yala iko.

Zumanɔ 106:38

Wa kala obenɔ 'da wa kɛ wa do 'dã mɔ bina ni, nɛ wa gbɛ wa we dɔnggɔ do galenɔ 'da Okanana. Nɛ 'dã mɛnɔ wa dɛa ni ma faka le 'da wa.

Zumanɔ 95:11

“Nɛ zã mi nɔ̃lã, nɛ mi zonggo tɛ mi na: ‘Wa lé sɛ ngɔ nùi kɛ mi 'dafa hã wa na, wa ɔmɔ tɛ wa ngɔ nɛ ni gɔ.’ ”

Yeremi 10:18

NWA tɔ̃a na, ɛ nɛ ndaka nɛ ngɔ nùi 'da nɛ do'do. Ɛ mbɔtɔ sɛ nɛ vɛ̃, nɛ wele kpo 'báná sɛ gɔ.

Yeremi 3:2

Nɛ sókó okalanɔ vɛ̃, nɛ nɛ ĩ sɛ na, kala kɛ nɛ hɔ tɛ nɛ we dɔnggɔ ogele galenɔ gɔɛ ni, ma bina. Nɛ yolo zi dɛ li walanɔ, nɛ nɛ 'bɔ 'da ogalenɔ nɛ kɔ̃a wa ni. Nɛ dɛ zi ɔ nɛ Oarabɛnɔ kɛ wa nɛ tɛ li gba zɔ̃ i, nɛ wa dungu we 'bɔ 'da Owi la walanɔ we gbɛ wa ni. Nɛ dɛa zi na, nùi ma hɔ mɔ ndi li mi, we 'dã dɛa to tɛ nɛ, do vĩ zu dɛa mɛnɔ 'da nɛ.

Yeremi 9:19

Nɛ mi tɔ̃a na: “Nɛ, owukonɔ, nɛ zélé we NWA tɔ̃a ni, nɛ li nɛ sɔ̃. Nɛ bé zuma kɔ̃a fie hã oboko benɔ 'da nɛ, do ongba nɛ.

EZEKIƐLƐ 36:17

“Be 'da wele, mɔ zélé! 'Da fala obe Israɛlɛ wa zi a tɛ ngɔ nùi 'da wa ni, nɛ wa faka ma do 'dã mɛnɔ kɛ wa dɛa zi ni. Dɛa to tɛ wa hɔa mɔ ndi li mi, ɔ nɛ tɔkɔ zɛlɛ zã ni.

EZEKIƐLƐ 36:19

Mi hã etumbu hã wa we 'dã mɛnɔ kɛ wa dɛa ni, nɛ mi pɛsɛ wa dɛ sanga ogele winɔ.

Mbulanɔ 12:9

Nɛ dɛ na mɛ ni, we duzu kɛ nɛ tɛ lè ngɔ nùi kɛ NWA Gale 'da nɛ, a hã ma hã nɛ na, nɛ kpa dungu fio ngɔ nɛ ni gɔ.

Mbulanɔ 30:18

nɛ nɛ kumu sɛ vɛ̃. Mi mbese nɛ sɔɛ gɛ na, nɛ dɛ ní, nɛ 'do nɛ nyɛ́lɛ́ sɛ ngɔ nùi kulu Yɔrdanɛ i, kɛ nɛ kɔlɔ ba ma ni gɔ.

Mbulanɔ 4:26

Sɔɛ gɛ, mi ia li nza do nùi do temɔɛnɔ 'da mi na, fala kɛ nɛ dɛ 'dã mɛnɔ ɔ na mɛ ni, nɛ 'do nɛ nyɛ́lɛ́ sɛ ngɔ nùi ni gɔ. Nɛ nɛ fe sɛ ngɔ nùi kɛ nɛ nɛ ba ma kulu lì Yɔrdanɛ i ni, nɛ nɛ kumu vɛ̃.