Mike 2:1 - WE NU GALE 1995

¹ Bako do nɛ winɔ kɛ nɛ lengge o'dã linggamɔ do tũ, nɛ nɛ 'dafa na, fala sa, nɛ lo dɛ mɛnɔ lo lingga ni.

Mike 2:1 Iomraidhean Croise

Ndo Nyanga Dɛ Mɔ 31:29

Mi wia sɔ tɛ dɛ mɔ 'danga, nɛ nde Gale 'da baa mɔ tɔ̃a hã mi zɛ tũi gɛ na, mi tɛ è kɔ mi tɛ mɔ gɔ.

1 Onwanɔ 21:7

Nɛ Yezabɛlɛ tɔ̃ hã a na: “See! Mɔ gɛ a nwa ngɔ nù Israɛlɛ gɔ nde? Mɔ kúlú ngɔ, kɔ mɔ nyɔngɔ mɔ, nɛ mɔ dɛ yangga, we duzu kɛ mi a mi nɛ hã fɔ vinɔ 'da Nabɔtɛ hã mɔ.”

ƐSTƐRƐ 3:8

Hamanɛ nɛa, nɛ a tɔ̃ hã nwa Sɛrsɛsi na: “Nwa, ombe wele, wa kɛ̃a tɛ wa dɛ kɔ o'bili tɛ nùnɔ vɛ̃ ngɔ nùi 'da mɔ gɛ, nɛ nde nu kpala wa kpi. Wa ɔ kpi, wa dɛ omɔ olo oyaa wa, kɛ ma wè kɔ̃ do kɛnɔ 'da gele winɔ gɔ, nɛ wa zélé 'bɔ ombulanɔ 'da mɔ gɔ. Ma wè na, mɔ la wa iko gɔ.

ƐSTƐRƐ 5:14

Ongba Hamanɛ mba do kɛnɛ a, wa nɛa we zele ni, nɛ wa tɔ̃ hã a na: “Mɔ 'dafa te, kɛ du nɛ mɛtrɛ 'bu nɛ bɔa ngɔ nɛ mɔlɔ ni, hã bindɛ do titole, nɛ mɔ aka nwa, nɛ mɔ gãlã Mardose nu nɛ, nɛ a fe. Olo nɛ, nɛ sila mɔ ma gɛ̃ sɛ, nɛ mɔ kpe sɛ do nwa do yangga, we nɛ tɛ gbalimɛ 'da kɛnɛ a 'di.” We 'da wa dia tɛ Hamanɛ, nɛ a dɛa du te we gãlã do Mardose, we gbɛ a.

ƐSTƐRƐ 9:25

Nɛ nde Ɛstɛrɛ nɛa zi, nɛ a kpa nwa, nɛ nwa ba nu ɛ, nɛ wa kɔma do mbɛti na, 'dã mɛnɔ vɛ̃ kɛ Hamanɛ 'dafa we dɛ do obe Yuda ni, wa dɛ do a. We duzu ma, nɛ wa gãlã Hamanɛ do obenɔ 'da a tɛ nu ote, nɛ wa fia.

YƆBƆ 15:35

Sila winɔ ni lengge fai we dɛ 'dã mɔ, nɛ wa kpa sɛ si olo 'dã mɛnɔ 'da wa.

YƆBƆ 24:14

Do tũi, nɛ 'dã wi nɛ we zũ mɔ, nɛ do sanga zɛ, nɛ a kulu ngɔ, nɛ a nɛ we gbɛ wi sã.

Zumanɔ 36:4

A ĩ tati a ti wele 'dã we do tɔ̃ bɛlɛ. Dia dɛa mɔ do gulu nɛ li a 'bɔ bina.

Zumanɔ 36:5

A ɔ nù do tũi, nɛ a 'dafa 'dã mɔ we dɛ ma. A dɛ́ de mɔ fala kpo gɔ, a kɔ̃a fai we dɛ 'dã mɔ.

Zumanɔ 58:3

Gɔ! Nɛ lengge tati a 'dã mɔ, nɛ nɛ dɛ ma do mbana. Nɛ ia tɛ nɛ fala ngatɛ ngɔ nù gɛ.

GBA WENƆ 12:2

NWA kɔ̃a gɛnɛ wi dɛ de mɔ, nɛ nde a e wi dɛ vĩ zu ti ngbangga.

GBA WENƆ 14:22

Mɔ dɛ́ mɔ do 'dã hã, nɛ nde mɔ yɔa wala do'do. Kɔ mɔ dɛ de mɔ, nɛ owinɔ wa kɔ sɛ gɛnɛ mɔ, nɛ wa e sɛ sila wa ngɔ mɔ.

GBA WENƆ 3:27

Fala kɛ mɔ ɔ do kpamɔ, nɛ mɔ tɛ bɛ we gala wi kɛ a tia sã ni gɔ.

GBA WENƆ 4:16

O'dã winɔ wa bɛ̃ we le tɔa gbaa na, wa dɛ mɔ kɛ ma dè gɔ ni dati sɛ nɛ de. Fala kɛ wa dɛ 'dã mɔ do wele gɔ, nɛ nde yala gbó li wa gɔ.

Ezai 29:20

Owinɔ kɛ wa zɛlɛ tɛ ngba wa ni, wa kumu sɛ. Owinɔ kɛ wa bɛ̃a gɛnɛ Gale, do owanɔ kɛ wa fa we zɛlɛ tɛ ngba wa ni, wa fe sɛ.

Ezai 3:14

A dãlã do okumu lenɔ, do onwa ngɔ owinɔ 'da a na: “Wi 'danga fɔ vinɔ 'da mi, wi a nɛ. Tɔa 'da nɛ dunu do mɛnɔ kɛ nɛ kala ma kɔ̃ Owi sãnɔ ni.

Ezai 32:7

Nɛ o'dã winɔ wa dɛ 'dã mɔ do owi sãnɔ. Wa 'bili bele dɛ tɛ wa, nɛ wa bɛ̃ we ĩ ti dia gulu we 'da wa.

Ezai 5:8

'Bako we winɔ kɛ wa oso mbé tɔanɔ do mbé fɔnɔ dɛ ngɔ ã kɛnɔ 'da wa ni. Wa dɛ ni fai, nɛ wa ba nùi vɛ̃, nɛ wi 'bana do nùi tati a wa zu wa kpo iko.

Ezai 59:3

Nɛ a owi gbɛ wi, owi 'bili bɛlɛ, Owi tɔ̃ ngalangba.

Yeremi 18:18

Owinɔ wa zila ní, nɛ wa tɔ̃ na: “Lɛ nɛ́, hã lɛ dɛ Yeremi 'danga. Lɛ zɔlɔ onganga we be mɔ hã lɛ gɔ. Lɛ zɔlɔ Owi hã zã we tɔ̃ mbula hã lɛ gɔ. Nɛ lɛ zɔ̀lɔ̀ 'bɔ Owi gba olo nu Gale gɔ. Lɛ tɛ zèlè 'bɔ wenɔ a tɔ̃ ni gɔ. Lɛ fá we 'danga zu li a, sɛ a toe 'da a 'danga de.”

EZEKIƐLƐ 11:2

Nɛ nwa tɔ̃ hã mi na: “Be 'da wele, owinɔ gɛ wa a wa 'danga sila owi Yeruzalɛmɛ do 'dã bia wenɔ 'da wa, nɛ mɛnɔ wa 'dafa we dɛ ma ni, mɛ a 'dã mɔ.

EZEKIƐLƐ 33:26

Nɛ gbini zã nɛ do omɔ bi do bolonɔ 'da nɛ iko, nɛ nɛ dɛ ogã 'dã mɔ, nɛ nɛ ɔ do wukonɔ 'da ongba nɛ. Nɛ kɔdɛ kɛ nɛ tɔ̃ na, wele nùi a mɔ́ lo ni nɛ nde?

EZEKIƐLƐ 38:10

“Mi NWA Gale, mi tɔ̃a na: Ngba soe ni ma hɔ, nɛ 'dã linggamɔ ma hɔ sɛ dɛ zu mɔ Gɔgɛ.

EZEKIƐLƐ 46:18

Nɛ gã wi wè do dolo zu nù mɔ́ mbe be Israɛlɛ gɔ. Obe zã a wa kpa sɛ a nùi 'da a ngboo ni na, da dɛ kɔ wele kpo sanga winɔ 'da mi NWA zɔ́lɔ́ nù gɔ.”

Mike 6:12

Owi kpamɛnɔ kɔ gã le 'da nɛ, wa zɛlɛ tɛ Owi sãnɔ. Nɛ nɛ vɛ̃, nɛ a Owi ɔlɔ wi, do owi 'bili bɛlɛ.

NAHUMƐ 1:11

Aa nɛ owi Ninivɛ, nɛ kua wele kpo kɛ zu a dè gɔ, nɛ a lengge NWA Gale 'danga wena ni.

ZAKARIA 7:10

Nɛ tɛ zɛlɛ tɛ Owi fio wilinɔ, do obe gulanɔ gɔ, nɛ nɛ tɛ zɛlɛ 'bɔ tɛ ogɛnɛnɔ, do owi sãnɔ gɔ. Nɛ tɛ 'dàfà 'dã mɔ we dɛ do ngba nɛ gɔ.”

MARKO 15:1

Nɛ do titole belee, nɛ onwa nganganɔ wa mba li ngba wa fala nɛ kpo do okumunɔ, do owi be mbulanɔ, do owi 'bili wenɔ vɛ̃, takɔ wa ɔ ngɔ lɛnggɛ. Nɛ wa ba Yezu, nɛ wa ɛnzɛ a, nɛ wa nɛ do a hã Pilatɛ, gã wi fɔmɔ le.

LUKA 20:19

Do 'da fala ni, nɛ owi be mbulanɔ do onwa nganganɔ wa ĩ na, Yezu tɔ̃ we ni hã lo, nɛ wa ma ngɔ fa wala we ba a. Nɛ nde wa dɛa kili gba gili winɔ.

YOANƐ 19:11

Nɛ Yezu gese hã a na: “Ɔ do kɛ Gale hã̀ sɔ ngawi hã mɔ gɔ, nɛ nde mɔ sɔ do ngawi ngɔ mi bina. Ma kɛ 'dã mɛ 'da wi kɛ a ba mi hã mɔ ni, ma nɛa ngɔ gɛlɛ 'dã mɛ 'da mɔ.”

Owi Nɛ Tonɔ 23:12

Kɔ fala nɛa we sa nɛ, nɛ ombe Yudanɔ wa ba zã zu gbɛ Polo. Nɛ wa kana tɛ wa na, lo nyɔ́ngɔ́ sɛ mɔ gɔ, nɛ lo nɔ́ sɛ lì gɔ gbaa na, lo gbɛ Polo do'do sɛ nɛ de.

Owi Nɛ Tonɔ 23:15

Kɔ ma wia na, nɛ, do Owi 'bili wenɔ, nɛ nɛ 'da gã wi ngɔ sodanɔ, nɛ nɛ ɔkɔlɔ a na, a tombo Polo hã nɛ, we kɛ nɛ kɔ̃a we zɔ 'bɔ we 'da a ngboo sɛ. Nɛ lɛ 'dafa sɛ we gbɛ a dɛ sanga wala i, dati kɛ na a hɔ i nga ni.”

ROMA 1:30

Wa a wi tɔ̃ tɛ wi, do wi sɛnɛ Gale, nɛ wa tulu ngba wa wena. Wa a wi gã zu, nɛ wa dɔnggɔ tɛ wa wena. Wa tɛ fa mbé 'dã hã fai we dɛ wele 'danga, nɛ wa dɔ́nggɔ́ Owele wa gɔ.

Mbulanɔ 28:32

Wa 'dɔlɔ sɛ obulu benɔ, do oboko benɔ 'da nɛ dɛ gbali nɛ gɛ, nɛ wa hɔ sɛ ngbá kɔ gele le. Nɛ ka sɛ mɔ dɛ wala olo wa tũ kpo kpo gbaa nɛ nɛ mbɔkɔ, nɛ nde wa sí sɛ 'do gɔ.