Mike 1:8 - WE NU GALE 1995

⁸ Ma kɛ mi Mike, mi he sɛ mɔ, nɛ mi ala nu mi. Mi yɛnggɛ sɛ do wila nyanga mi, nɛ mi sɛ do kũlĩ tɛ mi iko. Mi he sɛ mɔ ɔ nɛ o'banggo, nɛ mi ala nu mi ɔ nɛ Odili ni.

Mike 1:8 Iomraidhean Croise

2 Onwanɔ 18:13

Ezekiasi, nwa ngɔ nù Yuda, dɛa zi to nwa 'da a sabɛlɛ 'bu ngɔ nɛ nalɛ, nɛ Sɛnakeribɛ, nwa ngɔ nù Asiri nɛa, nɛ a bi lenɔ 'da Oyuda kɛ gba ngboe zĩ ma takpa ni, nɛ a kala ma vɛ̃.

ƐSTƐRƐ 4:1

Fala kɛ Mardose zila na, wa nɛ gbɛ obe Yudanɔ ni, nɛ 'bako ba a. Nɛ a ɛ̃ dia tulu tɛ̃ a, nɛ a he'de tulu gɛla, nɛ a ndɔ bũ zu a. A nɛa we dɛ ni do'do, nɛ a yɛnggɛ do kɔ le Suzɛ tɛ zɛ nu a do 'bako wena.

YƆBƆ 30:29

Mi he mɔ nɛ́ ogbokologboe tɛ li gba zɔ̃ ni.

Zumanɔ 102:6

Wa zele tati a ɔmɔ gɛlɛ mi iko, fo 'bɔ mulu ti ndala tɛ mi bina.

Ezai 13:21

Le ni ma kifi sɛ fala ɔi mɔ́ osa'de zamɔ. Odili wa ɔ sɛ kɔ gbɛsɛ tɔanɔ, nɛ onɔɛ do osa'de kpi do kpi wa yɛnggɛ sɛ do di ni.

Ezai 13:22

Kɔ tɔa nwanɔ do kɔ ongala tɔanɔ, wa zele sɛ tati nɛ a gɛlɛ o'banggo do ogbokologboe. Kɔ̃ tũ 'danga Babilɔnɛ ma kɔla ia, wa tílí sɛ 'bɔ ma dɛ dati gɔ.

Ezai 16:9

Gulu nɛ a mi he kɔ̃a fala nɛ kpo do Owi Yazɛrɛ, we duzu vinɔ Sibma kɛ ma 'danga ni. Mili kɔ̃a 'bɔa li mi vɛ̃ we duzu nɛ, Owi Hɛsɛboni do Elale, we kɛ hiamɔ bolo wele kɔ le 'da nɛ gboo, nɛ wa kala kpalɛ li fɔnɔ 'da nɛ do'do.

Ezai 21:3

Mi zɔa ni, nɛ mi tana kili. Nɛ tɛ mi zɛlɛ ɔ nɛ tɛ wuko kɛ kula tua a ni. Mɛnɔ vɛ̃ kɛ mi zɔa, do kɛnɔ mi zila ni, ma zɛlɛ sila mi, nɛ zu mi vĩ tɛ nɛ do'do.

Ezai 22:4

Kɔ we duzu ma, nɛ e mi ni, hã mi he kɔ̃a ngamɛ kɛ owinɔ 'da mi wa kpa ma gɛ, nɛ nɛ tɛ gà mi gɔ.

Ezai 32:11

Aa nɛ, owukonɔ kɛ nɛ ɔ ɔi mbɔkɔ sila gɛ, nɛ táná kili, nɛ nɛ sa tɛ nɛ. Nɛ kpóló dia tulu tɛ nɛ do tulu gɛla.

Yeremi 4:19

Ee, kɔ zã mi zɛ zɛla! Mi tɛ bi do ngamɔ, nɛ sila mi to ɔ nɛ ma nɛ gɔ gɔna ni. Mi wè we dungu fio gɔ. Mi wè we kpe nu mi gɔ. We kɛ mi zila giti mɔtũlũ, do hiamɔ bolo.

Yeremi 9:1

Mi kɔ̃a sɔ na, mi kpa mbe fala usu tɛ wi tɛ li gba zɔ̃ i, sɛ a mi wia we yu owinɔ 'da mi dɛ i mɔ de. We kɛ wa a owi vũ to tɛ wi, do owi bɛ̃ gɛnɛ Gale.

Yeremi 9:10

NWA tɔ̃a na: “Mi dɛ sɛ na, le Yeruzalɛmɛ kifi olo tɔa, nɛ osa'de zamɔ wa ɔ sɛ di ni. Ogã lenɔ tɛ ngɔ nù Yuda ma kifi sɛ li gba zɔ̀, nɛ wele wé sɛ 'bɔ we ɔ tɛ nɛ gɔ.”

Yeremi 9:19

Nɛ mi tɔ̃a na: “Nɛ, owukonɔ, nɛ zélé we NWA tɔ̃a ni, nɛ li nɛ sɔ̃. Nɛ bé zuma kɔ̃a fie hã oboko benɔ 'da nɛ, do ongba nɛ.

EZEKIƐLƐ 32:18

“Be 'da wele, mɔ álá nu mɔ dɛ ngɔ Oezipeto! E kɔ zuma ala nui 'da mɔ ma kã wa gbaa dɛ kɔ le 'da fionɔ, kɛ ombe gã nu kɔnggɔnɔ wa zĩlĩ zi dɛ kɔ nɛ mɔ dati ia ni.

Mike 2:4

Do 'da fala nɛ, nɛ wa ga sɛ zuma do zu li nɛ na: “Lɛ 'bɔ do mbé dia mɔ bina, wa kala Onùnɔ 'da lɛ kɔ̃ lɛ do'do. Ogele winɔ wa ndaka lɛ kɔ ofɔnɔ 'da lɛ, nɛ wa kɛ̃ ma dɛ kɔ̃ ongba wa.”

1 SAMUƐLƐ 19:24

A nɛa we hɔ i mɔ, nɛ a hɔlɔ otulu tɛ̃ a vɛ̃, nɛ a yɔ yɔla, nɛ a he mɔ tɛ gba olo nu Gale dɛ li Samuɛlɛ ni. A 'bana do wila go'do a wese do tũi ni vɛ̃. Ma a wa tɔ̃a do gba we na: “Saulo hɔa tɛ mɛ 'bɔ wi gba olo nu Gale nde?”