Mike 1:6 - WE NU GALE 1995

⁶ We duzu ma, NWA tɔ̃a na: “Mi 'danga sɛ le Samaria, nɛ ma hɔ sɛ nɛ́ gili ota ni. Mi kifi sɛ ma do zamɔ, nɛ ma hɔ sɛ fɔ mi do kpalɛ. Mi kala sɛ otanɔ olo le ni, nɛ mi a ma kɔ gbangɔlɔ̃, nɛ mi zã sɛ nyanga otɔanɔ dɛ nza.

Mike 1:6 Iomraidhean Croise

2 SAMUƐLƐ 17:13

Fala kɛ a usu tɛ̃ a kɔ le nde, nɛ osodanɔ 'da lɛ vɛ̃, wa tɛ sɛ do ofɛlɛ, nɛ lɛ gbɔtɔ sɛ le ni gbaa dɛ kɔ gbangɔlɔ̃ i. Nɛ mbamba sɛkɛkɛ ta 'báná sɛ olo nɛ gɔ.”

2 Onwanɔ 18:10

A linggi zi le gbaa 'do sabɛlɛ talɛ, nɛ kɔ talɛ sabɛlɛ ni, nɛ Salmanazarɛ ba le. A nɛa we ba le, nɛ nde Ezekiasi dɛa zi to nwa 'da a sabɛlɛ gazɛlɛ, nɛ Oze dɛa sabɛlɛ kusi ia.

2 Onwanɔ 18:9

Ma hɔa tɛ nalɛ sabɛlɛ dɛa toe 'da Ezekiasi nwa ngɔ nù Yuda, kɛ mɛ a sambo sabɛlɛ dɛa toe 'da Oze, nwa ngɔ nù Israɛlɛ, nɛ Salmanazarɛ, nwa ngɔ nù Asiri, nɛa zi ngɔ nù Israɛlɛ do osodanɔ 'da a, nɛ a linggi le Samaria.

2 Onwanɔ 19:25

“Nɛ nde mɔ Sɛnakeribɛ, mɔ ĩ̀ na, mɛnɔ ma dɛ tɛ̃ ɛ ni, wi a mi NWA hã mi 'dafa zi ma belee ni gɔ nde? Mɛnɔ kɛ mi 'dafa zi ma ni, ma kɛ mi dɛ ma ngangga gɛ. Mi hã ngawi hã mɔ, nɛ mɔ bi lenɔ kɛ gba ngbo zĩ ma takpa ni, nɛ mɔ gbini ma dɛ nù.

Ezai 17:1

Nɛ zélé toe gɛ, NWA Gale tumba ma hã Owi Damasi. “Owi sɛnɛ nɛ wa kɔla we 'danga le Damasi ia. Wa tɔlɔ sɛ 'bɔ ma kɔ lenɔ ngɔ nù gɛ gɔ. Ma 'danga sɛ vɛ̃.

Ezai 25:12

NWA a gbini sɛ gba ngbo nu lenɔ 'da wa, nɛ a 'danga sɛ ongala tɔanɔ 'da wa. A zã sɛ ma vɛ̃ dɛ nù.

Ezai 25:2

Mɔ 'danga le 'da Owi sɛnɛ lɛ. Mɔ gbini ngbo nu le 'da wa, nɛ mɔ gbɛsɛ gà tɔanɔ 'da wa do'do. Wa dɛ́ sɛ 'bɔ ma dɛ olo nɛ gɔ.

Yeremi 31:5

Nɛ mi sɛ 'bɔ ofɔ vinɔnɔ 'da nɛ tɛ ngɔ kala Samaria i. Nɛ kpalɛnɔ nɛ mi sɛ ni, nɛ wele nɛ nɛ kala sɛ ma.

Yeremi 51:25

Nɛ, owi kɔ le Babilɔnɛ, nɛ ɔ zi nɛ kala kɛ ma gbini, nɛ ma 'danga mɛnɔ ngɔ nù gɛ vɛ̃ ni. Nɛ nde mi NWA, mi sɛnɛ nɛ. Mi kala sɛ nɛ kɔ tɔanɔ 'da nɛ zu kalanɔ i, nɛ mi lo nɛ nù nga. Mi fi sɛ we tɛ le 'da nɛ, nɛ ma bɛlɛ mɛnɔ vɛ̃.

Yeremi 51:37

Mi dɛ sɛ na, le Babilɔnɛ ma kifi olo tɔa, kɛ wele wè we ɔ se'de gɔ ni. Nɛ ma hɔ sɛ fala ɔi mɔ́ o'banggo. Nɛ owinɔ vɛ̃ wa zɔ sɛ ma, nɛ wa ɔngbɔ.

Yeremi 9:11

Nɛ mi aka na: “Aa NWA, gulu kɛ nùi ma 'danga, nɛ ma hɔa li gba zɔ̃ kɛ wele wè tɛ la li nɛ gɔ ni we ge nde? Wi kɛ a do hã zã, nɛ a wia we ĩ gulu nɛ ni boe nde? Nɛ wi kɛ mɔ tɔ̃a gulu nɛ hã a na, a tɔ̃ ma hã ogele winɔ ni boe nde?”

ALA NU 4:1

Ki a ge nde? Kɔdɛ kɛ mɔ mbali kutu, nɛ fɛ̃a mɔ bolo tu ngangge ni nɛ nde? Kɔdɛ kɛ odia tanɔ kɔ Tɛmpɛloe, ma pɛsɛ do li walanɔ vɛ̃ ni nɛ nde?

EZEKIƐLƐ 13:14

Nɛ mi 'danga sɛ ngbo le kɛ nɛ zɛa mbui te'de ni. Mi gbini sɛ dɛlɛ ngboe ni, nɛ wa zɔ sɛ a 'dikita tanɔ kɛ wa dɛa ngboe dɛ ngɔ nɛ ni. Ngboe ma gbini sɛ, nɛ ma zɛ nɛ, nɛ nɛ ĩ sɛ ngboo na, mi a NWA.

AMƆSI 5:11

Nɛ nde Gale tɔ̃a na: “Mi ĩ ti ogili yɔa ti dɛa mɛnɔ 'da nɛ, nɛ mi ĩ 'bɔ ti o'dã mɛnɔ kɛ nɛ dɛa ni. Nɛ hã ngamɔ hã Owi bɔlɔ zu, nɛ nɛ zɛlɛ tɛ Owi sã, nɛ nɛ zũ 'bɔ kpalɛ 'da wa. Nɛ hã mbili tɛ fala 'bili we na, dɔ wa gbɛ́ gbãlã we hã Owi sã gɔ. We duzu ma, nɛ ɔ̃ sɛ kɔ odia tɔanɔ kɛ nɛ dɛa ni gɔ. Nɛ dɔ̃ vinɔnɔ kɛ nɛ mi ni, ma gbó sɛ nu nɛ gɔ.

AMƆSI 6:8

Gale, NWA ngɔ mɔ nyanga nza vɛ̃ kana tɛ̃ a na: “Mi sɛnɛ ngatɛ 'da Oisraɛlɛ wena. Nɛ mi bɛ̃a gɛnɛ odia tɔanɔ 'da wa. Nɛ mi 'dɔlɔ sɛ gã le Samaria, do odia mɛnɔ kɔ nɛ ni vɛ̃ hã owi sɛnɛ wa.”

Mike 3:12

Kɔ nɛ zɔ mɛ kɛ o'dã mɛnɔ 'da nɛ, ma nɛ dɛ nɛ ni: kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ wɔkɔsɔ ma kele sɛ ngɔ kala tɔa Tɛmpɛloe vɛ̃.

HABAKUKƐ 3:13

Mɔ hɔa nza we kpasa owinɔ 'da mɔ, do nwa wele kɛ mɔ saka a ni. Mɔ 'bili gɛlɛ nwa ngɔ nu fɛlɛ 'dã winɔ, nɛ mɔ kumu owinɔ 'da a.

MATIE 24:2

Nɛ Yezu tɔ̃a hã wa na: “Nɛ zɔa mɛnɔ tɛ tɔa gɛ vɛ̃ nde? Mi tɔ̃ hã nɛ do gbãlã we na, wa 'danga sɛ ma vɛ̃, nɛ gbãlã ta kpo 'báná sɛ ngɔ ngbɛ ɛ gɔ, ma gbini sɛ vɛ̃.”