Mike 1:5 - WE NU GALE 1995

⁵ Nɛ ĩ gulu kɛ Gale nɛ dãlã we dɛ tɛ nɛ ni nde? A nɛ dãlã dɛ tɛ nɛ, we kɛ nɛ, Oisraɛlɛ do Oyuda, nɛ bɛ̃a we nu a, nɛ nɛ dɛa 'dã mɔ. Nɛ nde wi ɔkɔlɔ nɛ Oisraɛlɛ na, nɛ bɛ̃ we nu Gale, wi a wio nde? Wi a owinɔ kɔ gã le Samaria! Nɛ wi ɔkɔlɔ nɛ Oyuda na, nɛ dɔnggɔ osɛa tenɔ, wi a wio nde? Wi a owinɔ kɔ gã le Yeruzalɛmɛ!

Mike 1:5 Iomraidhean Croise

1 Onwanɔ 11:7

Salɔmɔ 'dafa zi fala tɛ ngɔ kala dati Yeruzalɛmɛ na, wa dɔnggɔ do Kɛmɔsi, gba sɔ̃ gale 'da Omoabɛ. Nɛ a 'dafa 'bɔ mbee nɛ we dɔnggɔ do Milkɔmɛ, gba sɔ̃ gale 'da Oamoni.

1 Onwanɔ 13:32

Tua kɛ wenɔ a tɔ́a zi we gbagala tɛ Betɛlɛ, do ofalanɔ wa dɔnggɔ do okpikimanɔ tɛ kɔ lenɔ ngɔ nù Samaria ni, mɛ a olo nu Gale ngboo. Wenɔ a tɔ̃a zi ni, ma dɛ sɛ tɛ̃ ɛ do ngbongbo nɛ.”

1 Onwanɔ 16:24

Dɛ 'do nɛ, nɛ a nɛ 'da mbe wele kpo, li a a Semɛrɛ, nɛ a aka a we oso kala Samaria kɔ̃ a. Nɛ a usa ma do mbili fɛ̃a mɔ bolo koto gazɛlɛ. Nɛ a dɛ gã le ngɔ kala ni, nɛ a e li ma na Samaria, we anga li ã gbɛlɛ wele nɛ, Semɛrɛ.

2 Sakonɔ 34:3

Nɛ ma nɛa zi we hɔ sabɛlɛ kɛ ngbɛ'dɛ'dɛ kɔ to nwa 'da Yoziasi, nɛ nde a 'bana zi do be zagbãlã iko, nɛ a ma ngɔ fa we dɔnggɔ Gale kɛ oyaa a wa dɔnggɔ zi a ni. Nɛ ma nɛa we la sabɛlɛ nalɛ 'do ki ni, nɛ a ma ngɔ 'danga falanɔ wa dɔnggɔ do ogale bɛlɛnɔ, do okpikima gale Asera, do ogele kpikimanɔ kpi do kpi kɔ le Yeruzalɛmɛ, do ngɔ nù Yuda ni.

2 Sakonɔ 34:4

A ba nu a na, wa 'danga ogbagalanɔ 'da gale Bala dɛ gbali ɛ. Nɛ wa 'danga 'bɔ ogbagala dɔ do fũ yɔmbɔnɔ kɛ zã nɛ ni. Nɛ wa 'bili sanga okpikima Asera, nɛ wa gbini sanga ogele kpikimanɔ ni sikili sikili, nɛ ma 'bu, nɛ wa pɛsɛ ma do ngɔ zununɔ 'da owinɔ kɛ wa hã zi dɔnggamɛ hã ogale bɛlɛnɔ ni.

Yeremi 2:17

Aa nɛ, obe Israɛlɛ, gulu kɛ wa dɛa do nɛ ni we ge nde? Nɛ la fala mi, NWA Gale 'da nɛ, ĩ na, mi zi tɛ kpe ti nɛ li dia wala.

Yeremi 2:19

Nɛ kpa sɛ etumbu olo 'dã mɛ 'da nɛ, nɛ tɛ nɛ ma zɛlɛ sɛ olo kɛ nɛ siki 'do nɛ hã mi ni. Na mɛ ni, nɛ nɛ ĩ sɛ na, bɛ̃ gɛnɛ NWA Gale 'da nɛ, mɛ a 'dã mɔ, kɛ ma fanga ɔ nɛ sambe ni. Mi NWA Gale ngɔ mɔ nyanga nza vɛ̃, mi tɔ̃a ni.”

Yeremi 23:13

NWA tɔ̃a 'bɔ na: “Mi zɔa yɔnda dɛa mɛ kɛ Owi gba olo nu mi, wanɔ wa kɔ le Samaria wa dɛa ni, nɛ ma zɛlɛ mi wena. Wa gba olo nu gale Bala, nɛ wa ia Oisraɛlɛ, winɔ 'da mi, li 'dã wala.

Yeremi 23:14

Nɛ nde 'dã mɛ kɛ mi zɔ 'da owi gba olo nu mi, wanɔ wa kɔ le Yeruzalɛmɛ ni, ma 'danga 'bɔ la li ngele. Wa yɛnggɛ 'dɔkɔlɔ ogele galenɔ ɔ nɛ owuko ndumba ni, nɛ wa tɔ̃ tati a lɛnggɛ bɛlɛ iko. Wa gala Owi dɛ 'dã mɛnɔ, do tɛlɛ tɛ kɛ na, wele kpo wè tɛ kɔ̃ we la fala dɛ 'dã mɔ gɔ. Wa vɛ̃ a o'dã wi ɔ nɛ Owi Sodɔmɛ do Gomɔrɛ ni.”

Yeremi 4:18

Nɛ, owi kɔ le Yeruzalɛmɛ, mɛ ma kpa nɛ gɛ, mɛ a si olo 'dã dɛa to tɛ nɛ, do 'dã mɛnɔ nɛ dɛa ni. Nɛ ngamɛ ni ma zɛlɛ tɛ nɛ, nɛ ma ba nɛ ɔ nɛ kpili ni.

Yeremi 5:25

Nɛ nde ngangga gɛ, 'dã mɛnɔ 'da nɛ ma kpia wala dia dɛa mɛnɔ ni vɛ̃.

Yeremi 6:19

Nɛ, owinɔ nyanga nza gɛ vɛ̃, nɛ zélé! Mi nɛ tombo ngamɔ hã wa olo 'dã linggamɛnɔ 'da wa. Wa dɛ zi kili wena mi tɔ̃a hã wa ni gɔ, nɛ wa kɔ̃ zi gɛnɛ wenɔ mi bia hã wa ni gɔ.

ALA NU 5:16

Dĩ 'da lɛ fua tɛ̃ ɛ zu lɛ do'do. Lɛ dɛa 'dã mɔ, nɛ lɛ kpa 'bako olo nɛ.

EZEKIƐLƐ 16:46

“Kpasa boko nya mɔ a le Samaria kɛ ma si gbãlã ngɔ. A i mɔ do oboko benɔ 'da a, kɛ mɛ a be lenɔ kɛ zã a ni. Nɛ wele kɛ hɔa dɛ 'do mɔ a le Sodɔmɛ kɛ ma si ba gɔtɔ. A i mɔ do oboko benɔ 'da a, kɛ mɛ a be lenɔ kɛ zã a ni.

OZE 7:1

“Fala kɛ mi lengge we kpasa Oisraɛlɛ, kɔ mi nɛ ka mɔ, nɛ mi zɔ 'bɔ 'dã mɛnɔ vɛ̃ kɛ wa dɛ ni. Wa ĩ ti ɔlɔ ngba wa wena. Wa gbini nu tɔanɔ, nɛ wa le we zũ mɔ, wa gɔnɔ ti owi la walanɔ, nɛ wa zũ mɛnɔ kɔ wa.

AMƆSI 6:1

'Bako do nɛ, ogã wi ngɔ kala Sioni, kɛ nɛ ɔ do ta zu nɛ iko, nɛ nɛ lénggé mɔ gɔɛ ni. 'Bako do nɛ, ogã wi ngɔ kala Samaria, kɛ nɛ lengge na, 'dã mɔ dɛ́ sɛ nɛ kpo gɔ ni. Nɛ a ogã wi ngɔ nù Israɛlɛ, nɛ Oisraɛlɛ vɛ̃ wa yu dɛ 'da nɛ, we fa gala wi kɔ̃ nɛ.

AMƆSI 7:9

Mi 'danga sɛ falanɔ kɛ obe zã Izaka wa dɔnggɔ do mi ni. Otɔa sambalanɔ 'da Oisraɛlɛ ma kifi sɛ olo tɔa. Mi bi sɛ nu fɛlɛ nwa Yeroboamɛ, nɛ mi yulu nu mɔ mbati 'da a nu.”

AMƆSI 8:14

Owinɔ vɛ̃ kɛ wa gbini zã wa do okpikimanɔ tɛ le Samaria do wanɔ kɛ wa kana tɛ wa do zu li gale bɛlɛ tɛ le Danɛ, tabi gale bɛlɛ tɛ Bɛrseba ni, wa ala sɛ nù vɛ̃, nɛ wele kpo kúlú sɛ 'bɔ ngɔ gɔ.”

Mike 1:13

Nɛ, owi Lakisi, nɛ ɛ́nzɛ́ ombalatanɔ dɛ tɛ ongilingilinɔ 'da nɛ we yu Owi sɛnɛ nɛ. Nɛ bɛ̃a we nu Gale, ɔ nɛ kɛ Oisraɛlɛ wa bɛ̃a zi ma ni, nɛ owi Yeruzalɛmɛ wa dɛa 'dã mɔ we duzu nɛ.