Mike 1:3 - WE NU GALE 1995

³ Mɛ a gbãlã we, NWA a yolo sɛ tɛ fala kɛ a ɔ nɛ ni, nɛ a zĩlĩ, nɛ a yɛnggɛ do zu ogba ngala kalanɔ.

Mike 1:3 Iomraidhean Croise

YƆBƆ 40:12

Mɔ á li mɔ ngɔ o'dã winɔ ni, nɛ mɔ fo dĩ zu wa, nɛ mɔ mbɔtɔ wa dɛ fala wa nɛ ni.

Zumanɔ 115:3

Ĩ na, Gale 'da lɛ a li nza i, nɛ a dɛ mɛnɔ vɛ̃ kɛ zã a kɔ̃a ni.

Ezai 25:10

NWA a zɔ sɛ mɔ tɛ kala Sioni. Nɛ nde owi sɛnɛ Omoabɛ wa mbɔtɔ sɛ wa ti nyanga wa, ɔ nɛ kɛ wele ma do zɔ̃ tɛ li fɔ ni.

Ezai 26:21

NWA hɔa nza kɔ tɔa 'da a, nɛ a tɛ tɛ ma we hã etumbu hã Owi dɛ 'dã mɛnɔ ngɔ nù gɛ. Tɔkɔ tɛ winɔ kɛ ma a zi nù ni, ma be sɛ tɛ̃ ɛ, nɛ wɔlɔnɔ kɛ wa usu zi ma ni, nùi ma fo sɛ ma dɛ nza.

EZEKIƐLƐ 3:12

'Do nɛ, nɛ Hi Wi 'da NWA ba mi dɛ ngɔ, nɛ mi zele gɛlɛ wele do 'do mi tɛ he mɔ nganda wena na: “E kɔ wa dɔnggɔ NWA tɛ fala kɛ a be do gã dɔ̃lɔ̃ li 'da a ni.”

AMƆSI 4:13

Gale a wele kɛ a zĩ okalanɔ, nɛ a dɛa gba bũ. Nɛ a be linggamɛnɔ 'da a hã owinɔ. A kpolo gba wese do tũ, nɛ a dungu nwa ngɔ nyanga nza vɛ̃. Li a a NWA Gale kɛ a do nganda vɛ̃.

AMƆSI 9:5

Gale, NWA ngɔ mɔ nyanga nza vɛ̃ ndɔ kɔ̃ a tɛ nùi, nɛ ma ma ngɔ tana nɛ, nɛ winɔ vɛ̃ wa dungu gɛla. Nùi ma kũ sɛ dɛ ngɔ, nɛ ma bindi ɔ nɛ kɛ ngele lì Nilɛ tɛ Ezipeto ma kũ dɛ ngɔ, nɛ ma bindi ni.

HABAKUKƐ 3:19

Ngawi 'da mi, wi a NWA Gale. A a dɛ na, nyanga mi hãsã ɔ nɛ kɛ 'da zambɛlɛ ni, nɛ a kã mi we yɛnggɛ ngɔ kalanɔ do dia nɛ.”

ZAKARIA 14:4

Do 'da fala ni, nɛ a yolo sɛ dɛ ngɔ kala Olivɛ, kɛ mɔ yolo Yeruzalɛmɛ, nɛ nde ma si 'biti gba wese ni. Nɛ kala Olivɛ ma gba sɛ sanga tɛ ngbɛ ɛ bɔa, nɛ mbe kala la si 'biti gba wese, nɛ mbee nɛ la si 'biti gɛ̃a wese, nɛ ma fi gbongbo dɛ gbogbo.

Mbulanɔ 32:13

“A ia zi owinɔ 'da a na, wa ɔ kɔ le ngɔ kalanɔ, nɛ wa nyɔngɔ kpalɛ li fɔnɔ di ni ni. A dɛa zi na, nɔ gɔlɔ fo do ngbala otanɔ hã wa. Nɛ ote olivɛnɔ wa mi ngɔ tanɔ ni, ma gã do dia nɛ ngboo.

Mbulanɔ 33:29

“Aa nɛ, obe Israɛlɛ, nɛ a owi yangga gbãlã we. Nu kɔnggɔ winɔ kɛ NWA kpasa wa, ɔ nɛ kɛ a kpasa do nɛ ni ngɔ nù gɛ bina. NWA zu a kpo, a amba zu nɛ ɔ nɛ ngele ni, a ɔ nɛ du kɔya kɛ ma hã ngawi hã nɛ, nɛ nɛ nɛ ngɔ owi sɛnɛ nɛ ni. Owi sɛnɛ nɛ wa tɛ sɛ, nɛ wa ala nu wa hã nɛ. Nɛ nɛ ma sɛ wa do wali 'da wa dɛ nù.”