Mike 1:16 - WE NU GALE 1995

¹⁶ Nɛ, owi Yeruzalɛmɛ, nɛ kpóló mili zu nɛ vɛ̃, nɛ nɛ dungu gɛla. Nɛ hé kɔ̃a obenɔ 'da nɛ ngɔ sila nɛ ni, we kɛ Owi sɛnɛ nɛ wa kala sɛ wa, nɛ wa 'dɔlɔ wa dɛ kɔ gele le nyɛlɛ do nɛ.

Mike 1:16 Iomraidhean Croise

2 Onwanɔ 17:6

Nɛ do ndɔti sabɛlɛnɔ talɛ ni, nɛ a ba le. Mɛ ni dɛa zi tɛ̃ ɛ, nɛ nde Oze ɔa tɛ to nwa 'da a sabɛlɛ kusi ia. Nɛ nwa Salmanazarɛ kala Oisraɛlɛ, nɛ a tombo wa kɔlɔ 'duli tɛ ngɔ nù Asiri. A a ombe winɔ ngɔ nù Hala, nɛ a a ombe kɛ zã nu lì Habɔrɛ tɛ ngɔ nù Gozanɛ, nɛ a a tala wa tɛ kɔ lenɔ ngɔ nù Medi.

YƆBƆ 1:20

Yɔbɔ nɛa we zele ni, nɛ a kulu ngɔ, nɛ a ɛ̃ tulu tɛ̃ a, nɛ a kɛlɛ zu a vɛ̃, nɛ a gu li a nù,

Ezai 15:2

Owi kɔ le Diboni wa kũ dɛ ngɔ kala 'di, tɛ fala wa dɔnggɔ do gale 'da wa ni. Wa nɛa 'di mɔ we he kɔ̃a. Nɛ owi kɔ le Nebo do Mɛdɛba, wa ga zuma 'bako. Wa kɛlɛ zu wa do nzɛlɛ wa vɛ̃.

Ezai 22:12

Do ngba soe ni, nɛ NWA Gale ngɔ mɔ nyanga nza vɛ̃ tɔ̃a hã nɛ na: “Nɛ bí tɛ nɛ, nɛ álá nu nɛ, nɛ kɛ́lɛ́ mili zu nɛ do'do, nɛ nɛ he'de tulu gɛla.”

Yeremi 16:6

Owi kpamɔ do Owi sã wa fe sɛ dɛ ngɔ nùi gɛ, nɛ nde fo sɛ wi mi wa, do wi he kɔ̃a wa bina. Nɛ fo sɛ wi gɔnɔ dã tɛ̃ ɛ, tabi wi kɛlɛ zu ɛ we dungu gɛla wa bina.

Yeremi 4:8

We duzu ma, nɛ hé'dé tulu gɛla, nɛ á kɔ̃ nɛ zu nɛ, nɛ nɛ hé kɔ̃a 'bako. We kɛ NWA Gale, a là fala nɔ̃lɔ̃ zã 'da a dɛ tɛ nɛ, Oyuda gɔ.

Yeremi 47:5

Owi kɔ le Gaza wa kɛlɛ zu wa, nɛ wa dungu gɛla. Nɛ ngɔ tɛ owi kɔ le Askaloni gɛ̃a kpi kpi kpi. Aa nɛ, otala be zã Anakɛ, nɛ 'bana sɛ 'bili tɛ nɛ, nɛ nɛ dɛ 'bako gbaa soe ki nge nde?

Yeremi 6:26

NWA tɔ̃a hã owinɔ 'da a na: “Nɛ hé'dé tulu gɛla, nɛ nɛ kímílí tɛ nɛ do nù. Nɛ ndó dungu gɛla, ɔ nɛ wi kɛ a dungu gɛla kpo bulu be 'da a ni, we kɛ Owi sɛnɛ nɛ, kɛ wa tɛ tɛ we 'danga le 'da nɛ ni, wa kɔla fala gbanga nɛ ia.

Yeremi 7:29

NWA tɔ̃a na: “Nɛ Oyuda, nɛ kɛ́lɛ́ du mili zu nɛ, kɛ ma be na nɛ a owinɔ 'da mi ni, nɛ nɛ a ma zamɔ. Nɛ gá zuma kɔ̃a fio tɛ ngɔ kalanɔ, we kɛ zã mi nwa ma nɔ̃lã, nɛ mi bɛ̃a gɛnɛ nɛ owinɔ 'da mi do'do.”

ALA NU 2:19

Tũi tũ, nɛ nɛ kúlú ngɔ, nɛ nɛ álá nu nɛ hã NWA gbaa, nɛ fala sa nɛ dɛ tɛ nɛ. Nɛ tɔ̃́ kɔ sila nɛ vɛ̃ hã a. Nɛ kálá kɔ̃ nɛ dɛ ngɔ, nɛ nɛ álá nu nɛ hã a, takɔ a kpasa obenɔ 'da nɛ kɛ wa tɛ fe wɛ do li walanɔ vɛ̃ ni.

AMƆSI 7:11

Mba gɔ, a na: Mɔ Yeroboamɛ, mɔ fe sɛ fio bolo, nɛ wa 'dɔlɔ sɛ Oisraɛlɛ nyɛlɛ ndũu do le 'da wa.”

AMƆSI 7:17

A tɔ̃ hã mɔ Amasia na: ‘Kɛnɛ mɔ a hɔ sɛ ndumba kɔ le Yeruzalɛmɛ, nɛ obulu benɔ do boko benɔ 'da mɔ, wa fe sɛ fio bolo. Wa kɛ̃ sɛ sanga kpamɛnɔ do nùi 'da mɔ dɛ kɔ̃ ogele wi. Mɔ do tɛ mɔ ngboo, mɔ fe sɛ gele fala, nɛ wa 'dɔlɔ sɛ Oisraɛlɛ nyɛlɛ ndũu do nùi 'da wa.’ ”

AMƆSI 8:10

Mi kifi sɛ mɔ dɔnɔ 'da nɛ do mɔ gɛla, nɛ ozuma yangganɔ 'da nɛ ma kifi sɛ zuma 'bako. Mi he'de sɛ tulu gɛla hã nɛ, nɛ wa kɛlɛ sɛ zu nɛ. Nɛ ɔ sɛ nɛ wi kɛ kpo bulu be 'da a fi fia ni. Nɛ ngba soe ni ma Sɔkpɔ sɛ do hia kɔ̃a do 'bako.”

Mbulanɔ 28:41

Nɛ ko sɛ obulu be do oboko be, nɛ nde wa 'báná sɛ dɛ kɛ zã nɛ gɔ. We kɛ bolo ma bi sɛ nɛ, nɛ Owele wa kala sɛ wa vɛ̃, nɛ wa 'dɔlɔ wa.