Mike 1:11 - WE NU GALE 1995

¹¹ Nɛ, Owi kɔ le Safirɛ, owi sɛnɛ nɛ wa kala sɛ nɛ, nɛ wa 'dɔlɔ nɛ dɛ kɔ gele le do wila tɛ nɛ, nɛ sape ma ba sɛ li nɛ. Nɛ nɛ, owi kɔ le Sananɛ, nɛ tɛ fà na, nɛ hɔ nza kɔ gba ngbo nu le 'da nɛ gɔ, we kɛ owi sɛnɛ lɛ wa 'do ngboe ni boe. Nɛ, owi kɔ le Bɛtɛ-Ɛsɛlɛ, nɛ hé kɔ̃a tɛ nɛ, we kɛ fo gba ngbo na, nɛ yu owi sɛnɛ nɛ dɛ kɔ nɛ bina.

Mike 1:11 Iomraidhean Croise

Ezai 16:2

Owuko Moabɛ tɛ nu lì Arnoni wa dɛ nde nde, ɔ nɛ onɔɛ kɛ Owele wa kala tɔa wa do'do ni.

Ezai 20:4

Nwa ngɔ nù Asiri a kala sɛ Oezipeto do ngbá, nɛ a kala sɛ 'bɔ Oetiopi, obe zagbãlãnɔ do okpasa winɔ, nɛ a si do wa. Na mɛ ni, Oezipeto do Oetiopi wa yɛnggɛ sɛ tɛ mɛ 'bɔ do kũlĩ tɛ wa, do wila nyanga wa, nɛ mɛ sɛ a sape wena we Oezipeto.

Yeremi 13:22

Mbe gɔ, nɛ nɛ aka sɛ tɛ nɛ na, gulu kɛ lo kpa ngamɛnɔ gɛ we ge nde? Nɛ nde mɛ a we duzu gba gili 'dã mɛnɔ 'da nɛ, ma kɛ wa kala tulu tɛ nɛ dɛ ngɔ, nɛ wa 'danga nɛ ɔ nɛ kɛ wa wɛlɛ do be zɔnga ni.

Yeremi 48:6

Wa he mɔ na: ‘Nɛ yú fala gɛ do'do! Wele do wele fá na a kpasa! Nɛ yú nganda ɔ nɛ punda li gba zɔ̃ ni!’

Yeremi 48:9

Nɛ zĩ́ ta ngɔ zunu Omoabɛ, we kɛ ma 'bana sĩ, nɛ fo sɛ 'bɔ wa bina. Lenɔ 'da wa ma dɛ sɛ olo tɔa, nɛ ma kifi sɛ li go kɛ wele ɔ́ tɛ nɛ gɔ ni.”

EZEKIƐLƐ 16:37

Ma kɛ mi ngɛmɛ sɛ li owinɔ kɛ mɔ dia tɛ wa ni vɛ̃. Mi ngɛmɛ sɛ li wanɔ kɛ mɔ kɔ̃a gɛnɛ wa, do wanɔ kɛ mɔ sɛnɛ wa ni. Nɛ wa tɛ sɛ, nɛ wa zĩ sɛ mɔ takpa. Nɛ mi hɔlɔ sɛ tulu tɛ mɔ vɛ̃ dɛ li wa.

EZEKIƐLƐ 23:29

Nɛ zã wa ma nɔ̃lɔ̃ sɛ dɛ tɛ mɔ, nɛ wa zɛlɛ sɛ tɛ mɔ 'danga wena. Wa kala sɛ mɔ olo toe 'da mɔ, nɛ wa la mɔ do kũlĩ tɛ mɔ iko. Nɛ owinɔ wa zɔ sɛ mɔ li wa na, mɔ a ndumba.

Mike 1:8

Ma kɛ mi Mike, mi he sɛ mɔ, nɛ mi ala nu mi. Mi yɛnggɛ sɛ do wila nyanga mi, nɛ mi sɛ do kũlĩ tɛ mi iko. Mi he sɛ mɔ ɔ nɛ o'banggo, nɛ mi ala nu mi ɔ nɛ Odili ni.

NAHUMƐ 3:5

Ma kɛ NWA ngɔ mɔ nyanga nza vɛ̃ tɔ̃ hã a na: “Mɔ zɔ́, gulu kɛ mi hã sɛ etumbu hã mɔ gɛ a ni! Mi hɔlɔ sɛ tulu tɛ mɔ vɛ̃, nɛ ogele winɔ wa zɔ sɛ kũlĩ tɛ mɔ, nɛ mɔ hɔ sɛ yia wi li wa.

ZAKARIA 14:5

Nɛ nɛ, owi Yeruzalɛmɛ, nɛ yu sɛ do kɔ gbongboe ngbala kalanɔ ni, we kɛ ma la sɛ gbaa dɛ kɔ le Asalɛ. Nɛ yu sɛ, ɔ nɛ kɛ oyaa nɛ wa dɛa zi do ngba soe nùi tana do 'da fala 'da Oziasi, nwa ngɔ nù Yuda ni. Nɛ NWA Gale 'da mi, a tɛ sɛ fala nɛ kpo do oanzɛnɔ 'da a vɛ̃.

Yozue 15:37

Mbe lenɔ kɛ wa kpa zi 'bɔ ma ni, ma kɛ: Sɛnanɛ, Hadasa, Migdalɛ-Gadɛ,