Mike 1:1 - WE NU GALE 1995

¹ Nɛ zélé wenɔ kɛ NWA wila zi ma hã Mike, be kɔ le Moresɛtɛ. A wila ma do 'da fala Yotamɛ, Ahazɛ do Ezekiasi wa dungu zi nwa ngɔ nù Yuda dɛ 'do ngba wa ni. NWA Gale wila zi we ni hã Mike si ngɔ ogã le Samaria tɛ ngɔ nù Israɛlɛ, do Yeruzalɛmɛ tɛ ngɔ nù Yuda.

Mike 1:1 Iomraidhean Croise

2 Onwanɔ 15:32

Peka, be 'da Rɛmalia ɔa tɛ to nwa 'da a ngɔ nù Israɛlɛ sabɛlɛ bɔa, nɛ Yotamɛ, be 'da Azaria hɔ nwa ngɔ nù Yuda.

2 Onwanɔ 15:5

NWA fi zi zɛlɛ ngbɛlɛ tɛ Azaria, nɛ wa ba a, nɛ wa fi a kɔ wili tɔa nyɛlɛ do gele winɔ, nɛ a ɔa do ma gbaa, nɛ a fe nɛ. Nɛ be 'da a Yotamɛ dɛa zi to nwa olo li a.

2 Onwanɔ 16:1

Peka, be 'da Rɛmalia ɔa tɛ to nwa 'da a ngɔ nù Israɛlɛ sabɛlɛ 'bu ngɔ nɛ sambo, nɛ Ahazɛ, be 'da Yotamɛ hɔ nwa ngɔ nù Yuda.

2 Onwanɔ 18:1

Oze, be 'da Ela ɔa tɛ to nwa ngɔ nù Israɛlɛ sabɛlɛ talɛ, nɛ Ezekiasi, be 'da Ahazɛ hɔ nwa ngɔ nù Yuda.

2 Sakonɔ 28:1

Ahazɛ hɔa nwa, nɛ nde a do 'bu sabɛlɛ bɔa. Nɛ a dɛa to nwa 'da a tɛ Yeruzalɛmɛ 'do sabɛlɛ 'bu ngɔ nɛ gazɛlɛ. Nɛ Ahazɛ dɛ̃ zi mɔ tɛ̃ a ɔ nɛ kɛ 'da yaa a Davidi ni gɔ. A dɛa zi mɔ kɛ ma dè tɛ NWA Gale 'da a gɔ ni.

2 Sakonɔ 29:1

Ezekiasi hɔa nwa, nɛ nde a do 'bu sabɛlɛ bɔa ngɔ nɛ mɔlɔ. Nɛ a dɛa zi to nwa 'da a tɛ Yeruzalɛmɛ 'do 'bu sabɛlɛ bɔa ngɔ nɛ kusi. Lì naa a a Abi, nɛ a zi a be 'da Zakaria.

Ezai 1:1

NWA wila wenɔ gɛ hã Ezai, be 'da Amɔtisi. We a wele zi ma ni, ma zɔa zi nù Yuda do le Yeruzalɛmɛ. Do 'da fala nɛ, nɛ nde Oziasi, Yotamɛ, Ahazɛ do Ezekiasi wa dungu zi nwa ngɔ nù Yuda dɛ 'do ngba wa.

Ezai 1:2

Aa li nza do nù, nɛ gɛ́ zala nɛ, hã nɛ zele wenɔ kɛ NWA wele gɛ: “Mi dala obe, nɛ wa gã, nɛ wa dɛ kpasa wi, nɛ wa bɛ̃ we nu mi.

Ezai 7:1

Do 'da fala kɛ Ahazɛ, be 'da Yotamɛ, be yaa Oziasi zi a nwa ngɔ nù Yuda ni, nɛ Rɛsinɛ, nwa ngɔ nu Siri, wa mba ngba wa do nwa ngɔ nù Israɛlɛ kɛ li a a Peka, be 'da Rɛmalia, nɛ wa nɛ we bi le Yeruzalɛmɛ. Nɛ nde wa wè zi we ba le ni gɔ.

Yeremi 26:18

“'Da fala Ezekiasi zi a nwa ngɔ nù Yuda ni, nɛ mbe wi gba olo nu Gale zi kpo tɛ kɔ le Moresɛtɛ, li a a Mike. A gba zi olo nu NWA ngɔ mɔ nyanga nza vɛ̃ hã Owi ngɔ nù Yuda na: ‘Kala Sioni ma hɔ sɛ mbé fɔ, le Yeruzalɛmɛ ma dɛ sɛ olo tɔa, nɛ owɔkɔsɔ ma kele sɛ ngɔ kala tɔa Tɛmpɛloe vɛ̃.’

OZE 1:1

'Buki gɛ ma tɔ̃ lɛnggɛnɔ kɛ NWA ia zi dɛ nu Oze, be 'da Beri na, a tɔ̃ ma ni. A tɔ̃a ma do 'da fala Yeroboamɛ, be 'da Yoasi zi a nwa ngɔ nù Israɛlɛ, nɛ Oziasi, Yotamɛ, Ahazɛ do Ezekiasi wa dɛ zi to nwa 'da wa dɛ 'do ngba wa tɛ ngɔ nù Yuda ni.

OZE 4:15

“Aa nɛ, obe Israɛlɛ, nɛ dɛa ndumba. Nɛ nde dɔ Oyuda wa dɛ́ kpo 'dã mɛ ni gɔ. Nɛ tɛ nɛ we dɔnggɔ galenɔ tɛ Gilgalɛ i, tabi tɛ Bɛtɛ-Avɛnɛ gɔ. Nɛ nɛ tɛ zònggò tɛ nɛ do zu li mi nwa, wele kpasi i mɔ gɔ.

OZE 8:14

“Oisraɛlɛ wa dɛa gã tɔa nwa, nɛ ta zu wa ila ngɔ mi, Wi dɛ wa do'do. Nɛ Oyuda wa dɛa tɛ mɛ 'bɔ ongbo 'do lenɔ 'da wa, nɛ nde mi fi sɛ we tɛ lenɔ ni, nɛ ma bɛlɛ sɛ gã tɔanɔ 'da wa.”

AMƆSI 1:1

'Buki gɛ tɔ̃ wenɔ kɛ Amɔsi tɔ̃a zi ni. Amɔsi a be Tekoa, nɛ a zi a wi dala nadalamɔ. NWA tumba zi a na, a tɔ̃ wenɔ gɛ hã owinɔ ngɔ nù Israɛlɛ. Nɛ a tɔ̃a ma do 'da fala kɛ Oziasi zi a nwa ngɔ nù Yuda, nɛ Yeroboamɛ, be 'da Yoasi, zi a nwa ngɔ nù Israɛlɛ ni. A tɔ̃a ma sabɛlɛ bɔa dati kɛ nùi tana zi ni.

AMƆSI 6:1

'Bako do nɛ, ogã wi ngɔ kala Sioni, kɛ nɛ ɔ do ta zu nɛ iko, nɛ nɛ lénggé mɔ gɔɛ ni. 'Bako do nɛ, ogã wi ngɔ kala Samaria, kɛ nɛ lengge na, 'dã mɔ dɛ́ sɛ nɛ kpo gɔ ni. Nɛ a ogã wi ngɔ nù Israɛlɛ, nɛ Oisraɛlɛ vɛ̃ wa yu dɛ 'da nɛ, we fa gala wi kɔ̃ nɛ.

Mike 1:5

Nɛ ĩ gulu kɛ Gale nɛ dãlã we dɛ tɛ nɛ ni nde? A nɛ dãlã dɛ tɛ nɛ, we kɛ nɛ, Oisraɛlɛ do Oyuda, nɛ bɛ̃a we nu a, nɛ nɛ dɛa 'dã mɔ. Nɛ nde wi ɔkɔlɔ nɛ Oisraɛlɛ na, nɛ bɛ̃ we nu Gale, wi a wio nde? Wi a owinɔ kɔ gã le Samaria! Nɛ wi ɔkɔlɔ nɛ Oyuda na, nɛ dɔnggɔ osɛa tenɔ, wi a wio nde? Wi a owinɔ kɔ gã le Yeruzalɛmɛ!

Mike 3:9

Aa nɛ, ogã wi ngɔ obe Israɛlɛ, nɛ zélé mi sɛ! Nɛ kɔ̃̀ gɛnɛ dia 'bili we gɔ, nɛ nɛ dɛ́ mɔ do bɔlɔ nɛ gɔ.

HABAKUKƐ 1:1

Lɛnggɛnɔ kɔ 'buki gɛ, mɛ a lɛnggɛ ngɔ mɛnɔ Gale bia ma li wi gba olo nu a Habakukɛ na, a tɔ̃ ma ni.

2 PETRO 1:21

Mba gɔ, wenɔ kɛ Owi gba olo nu Gale wa tɔ̃a zɛ́ ni, ma yòlò kɔ hã zã 'da wa wele nɛ gɔ. Nɛ nde Hi Wi Santo lia zi kɔ wa, nɛ wa gba olo nu Gale ngboo.