MARKO 8:12 - WE NU GALE 1995

¹² Nɛ Yezu ɔmɔ hɛ̃ɛ do 'bako kɔ sila a, nɛ a tɔ̃ hã wa na: “Gulu kɛ winɔ kikina gɛ, wa aka tɛ mɛ we gba sɔ̃ mɔ iko ni we ge nde? Mi tɔ̃ hã nɛ do gbãlã we na, mi dɛ́ sɛ gba sɔ̃ mɔ kpo hã wa gɔ.”

MARKO 8:12 Iomraidhean Croise

Ezai 53:3

Ta zu wele zi ngɔ a bina, wa sɛnɛ zi a, wa hã ngamɔ hã a, nɛ wa zɛlɛ tɛ̃ a. Wele kpo ká zi mɔ tɛ̃ a gɔ. Wa zɔ zi a li wa yala iko.

MATIE 12:38

Nɛ ombe wi be mbulanɔ, do ombe Fariziɛnɔ wa aka Yezu na: “Wi be mɔ, lɛ kɔ̃a na mɔ dɛ mbe gba sɔ̃ mɔ kpo hã lɛ, kɔ lɛ zɔ!”

MATIE 16:4

Winɔ kikina gɛ, wa a o'dã wele, nɛ wa kɔ̃̀ 'bɔ gɛnɛ Gale gɔ! Wa kɔ̃a we zɔ gba sɔ̃ mɔ we ĩ na, mi yula 'da Gale nde. Nɛ nde wa zɔ́ sɛ gele gba sɔ̃ mɔ gɔ, ma 'bana sɛ do kɛ zɛ́ 'da fala 'da Yonasi ni iko.” Nɛ a ia wa dɛ di ni, nɛ a la dɛ gele fala.

MARKO 3:5

Nɛ Yezu ka mɔ tɛ wa do nɔ̃lɔ̃ zã, nɛ a zi 'bɔ do 'bako wena, we duzu kɛ wa do 'dã sila. Nɛ a tɔ̃ hã wi zɛlɛ ni na: “Mɔ bɔ́lɔ́ kɔ̃ mɔ!” Nɛ a bɔlɔ kɔ̃ a, nɛ ma de.

MARKO 6:6

Kɔ a nɛa we zɔ na, wa do kɔ̃a we dɛ 'da ɛ bina ni, nɛ a ɔngbɔ wena. 'Do nɛ, nɛ Yezu la we be we nu Gale tɛ kɔ lenɔ vɛ̃ kɛ zã Nazarɛtɛ ni.

MARKO 7:34

'Do nɛ, nɛ Yezu kala li ɛ dɛ ngɔ, nɛ a ɔmɔ hɛ̃ɛ do 'bako kɔ sila a, nɛ a tɔ̃ hã wi ni na: “Efata!” (Gulu nɛ na: “Mɔ fĩ́!”)

MARKO 8:13

Nɛ a la wa dɛ di ni, nɛ wa do owi yambala mɛnɔ 'da a, wa kũ kɔ ga, nɛ wa la dɛ kulu gba ndɔɛ i.

MARKO 9:19

Nɛ Yezu tɔ̃ hã wa na: “O! Aa nɛ, gulu kɛ nɛ do kɔ̃a we dɛ 'da Gale bina we ge nde? Mi 'bana sɛ 'bɔ do nɛ gbaa soe ki nge nde? Mi kunu sɛ sila mi dɛ tɛ nɛ fai nde? Nɛ tɛ́ do be hã mi!”

LUKA 19:41

Yezu kɔla do Yeruzalɛmɛ, kɔ a nɛa we zɔ le, nɛ a ma ngɔ he kɔ̃a tɛ nɛ na: