MARKO 7:9 - WE NU GALE 1995

⁹ Nɛ Yezu tɔ̃ 'bɔ hã wa na: “Nɛ bɛ̃a mbula 'da Gale, takɔ nɛ dɛ mbula olo oyaa nɛ.

MARKO 7:9 Iomraidhean Croise

Zumanɔ 119:126

Aa NWA, mɔ dɛ́ mɔ, we kɛ ngba soe nɛ wia ia, owinɔ wa bɛ̃a we nu mɔ.

Ezai 24:5

Dɛa to tɛ owinɔ ma faka nùi do'do. Mba gɔ, wa bɛ̃a we nu NWA Gale, nɛ wa zèlè mbulanɔ 'da a gɔ. Wa 'danga gba tɔkɛ kɛ a gba zi do wa na, ma ɔ fai ni do'do.

Ezai 29:13

NWA tɔ̃a na: “Owinɔ ni wa sambala mi, nɛ nde wa dɔnggɔ mi do nu wa iko, wa é sila wa ngɔ mi gɔ. Do kɔ sila wa, nɛ nde wa nyɛlɛ do mi wena. Wa dɛ ɔ nɛ kɛ wa yu kili mi yu ni, nɛ nde ma yòlò do kɔ sila wa gɔ, wa yambala dɛ mbulanɔ ni kɔ̃ oyaa wa iko.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

MARKO 7:13

Nɛ dɛ na mɛ ni, nɛ nde nɛ 'danga we nu Gale we dɛ tati a mbulanɔ 'da nɛ iko. Nɛ nɛ dɛ tɛlɛ tɛ mɛnɔ ɔ ní ni wena.”

MARKO 7:5

Nɛ Ofariziɛnɔ do owi be mbulanɔ wa aka Yezu na: “Gulu kɛ owi yambala mɛnɔ 'da mɔ wa dɛ́ mbula 'da oyaa lɛ gɔ we ge nde? Gulu kɛ wa nɛ nyɔngɔ mɔ, nɛ nde wa fɔ́lɔ́ kɔ wa ɔ nɛ kɛ mbula 'da oyaa lɛ tɔ̃a ni gɔ we ge nde?”

ROMA 3:31

Kɔ fala kɛ ma ɔ na mɛ ni, nɛ ma be na kɔ̃a we 'da lɛ ma fua mbula do'do nde? Ma ni gɔ. Kɔ̃a we 'da lɛ ma nganda 'da mbula.

2 KORINTƐ 11:4

Mi tɔ̃a ni we kɛ mi zɔa na, fala kɛ wele hɔ 'da nɛ, kɔ a be we si ngɔ gele Yezu, do gele Hi Wi, do gele Dia Sako kɛ ma si tɛ ɛ do kɛnɔ lɛ bia zi ma hã nɛ ni, nɛ nɛ kɔ̃ gɛnɛ ma vɛ́ kɔ̃a iko.

GALATI 1:14

Mi zila zi mbula 'da Oyudanɔ, nɛ mi hã tɛ mi we mbula 'da oyaa lɛ nɛa ngɔ ongba mi kɛ lɛ gã do wa ni vɛ.

GALATI 2:21

Mi kɔ̃̀ na, olo dia zã 'da Gale dɛ 'da mi ɔ iko gɔ. Mba gɔ, fala kɛ wele fa we hɔ wi bɔlɔ zu li Gale do wala dɛ mbula, nɛ nde ki ni ma be na, gulu fie 'da Kristo bina.

2 TƐSALONIKƐ 2:4

Wi sɛnɛ Gale ni a bɛ̃ sɛ gɛnɛ mɛnɔ vɛ kɛ owele wa sa li nɛ na gale ni, do mɛnɔ vɛ kɛ winɔ wa dɔnggɔ ma ni, nɛ a ba sɛ tɛ a na, ɛ nɛa ngɔ mɛnɔ ni vɛ. Nɛ a nɛ sɛ gbaa we dungu nù kɔ gã tɔa Gale we be tɛ̃ a hã winɔ na, ɛ a Gale ngboo.