MARKO 7:7 - WE NU GALE 1995

⁷ Dɔngga wi wa dɔnggɔ do mi gɛ, ma yala iko, we duzu kɛ mbulanɔ wa be ma ni, mɛ a kɛ Owele wa ia ni iko, nɛ wa tɔ̃ na, mɛ a mbulanɔ 'da mi Gale.’ ”

MARKO 7:7 Iomraidhean Croise

Ezai 29:13

NWA tɔ̃a na: “Owinɔ ni wa sambala mi, nɛ nde wa dɔnggɔ mi do nu wa iko, wa é sila wa ngɔ mi gɔ. Do kɔ sila wa, nɛ nde wa nyɛlɛ do mi wena. Wa dɛ ɔ nɛ kɛ wa yu kili mi yu ni, nɛ nde ma yòlò do kɔ sila wa gɔ, wa yambala dɛ mbulanɔ ni kɔ̃ oyaa wa iko.

MALAKI 3:14

'Dã we kɛ nɛ wele ni ma kɛ. Nɛ na: ‘Gulu dɔnggɔ Gale na ge nde? Lɛ dɛa mbulanɔ 'da a, nɛ lɛ dɛa zi 'bako we 'dã mɛ 'da lɛ, takɔ a, NWA ngɔ mɔ nyanga nza vɛ̃, a be dia zã 'da a hã lɛ. Nɛ nde lɛ kpà mɔ olo nɛ gɔ.

MATIE 15:9

Dɔngga wi wa dɔnggɔ do mi gɛ, ma yala iko, we duzu kɛ mbulanɔ wa be ma ni, mɛ a kɛ Owele wa ia ni iko, nɛ wa tɔ̃ na, mɛ a mbulanɔ 'da mi Gale.’”

MATIE 6:7

“Kɔ fala kɛ mɔ sambala Gale, nɛ mɔ tɛ sì tɛ yɔlɔ gba gili we, ɔ nɛ kɛ owinɔ kɛ wa ĩ̀ ti Gale gɔ wa dɛ ni gɔ. We duzu kɛ wa lengge na, lo wele we wena, sɛ nɛ Gale a zele sɛ lo de.

1 KORINTƐ 15:14

Kɔ fala Kristo zà'dà zi nza kɔ fio gɔ, nɛ nde wenɔ lɛ be ni, ma sɔ do gulu nɛ bina, nɛ kɔ̃a we 'da nɛ sɔ 'bɔ do gulu nɛ bina.

1 KORINTƐ 15:58

Na mɛ ni, onyae kɛ nɛ ngɔ sila mi ni, nɛ yóló nganda, dɔ kɔ̃a we 'da nɛ yáká gɔ. Nɛ hã́ tɛ nɛ we dɛa toe 'da Nwa Yezu 'da fala fai, we kɛ nɛ ĩ na, dɛa toe kɛ nɛ dɛ do zu li a ni, ma yala iko gɔ.

KƆLƆSƐ 2:22

Mbulanɔ ni vɛ̃, ma we mɛnɔ ngɔ nù gɛ, kɛ ma dɛ to hã wele fala kpo, nɛ ma 'danga iko ni. Owele wa a wa dɛa mbulanɔ ni, nɛ wa be 'bɔ ma.

TITO 3:9

Nɛ dɔ mɔ mbá do owinɔ kɛ wa ba kafi ngɔ nu fɛlɛ kula 'da oyaa lɛ, nɛ wa ba da nu ngba wa, nɛ wa mɔ̃lɔ̃ ngɔ mbula 'da Oyudanɔ ni gɔ. Mɔ yú mɛnɔ ni, we kɛ li zuma nɛ bina, nɛ ma gálá wele gɔ.

ZAKE 1:26

Kɔ fala kɛ mbe wele lengge na, ɛ a wi dɔnggɔ Gale, kɔ a ĩ̀ ti fɔmɔ lɛnggɛ nu a gɔ, nɛ nde a ɔlɔ tɛ a iko, nɛ dɔngga wi a dɔnggɔ do Gale ni ma yala iko.

ZAKE 2:20

Mɔ, yɔndɔ wi gɛ, mɔ kɔ̃a na, mi be gulu kɛ na, wele kɔ̃ Gale, kɔ a dɛ̀ de mɔ olo kɔ̃a we ni gɔ, nɛ nde kɔ̃a we 'da a ma yala iko ni hã mɔ nde?

USU MƐNƆ 22:18

Mi Yoanɛ, mi mbese owinɔ vɛ̃ kɛ wa zele wenɔ, kɛ Gale bia ma kɔ 'buki gɛ ni na, wi kɛ a e mbé gele we kpo ngɔ nɛ, nɛ Gale a e sɛ mbé zɛlɛ tɛ ngɔ kɛnɔ wa kɔma ma kɔ 'buki gɛ, nɛ a hã hã a.

1 SAMUƐLƐ 12:21

Nɛ tɛ nɛ 'do gale bɛlɛnɔ gɔ, we kɛ wa do gulu wa bina, nɛ wa wè we hã kpasi hã wele gɔ. Wa a ogale bɛlɛ iko.