MARKO 7:6 - WE NU GALE 1995

⁶ Nɛ Yezu gisa hã wa na: “Nɛ, owi ɔlɔ winɔ gɛ, Ezai tɔ̃a zɛ́ we ngɔ nɛ do gbãlã we. A kɔma olo nu Gale na: ‘Winɔ gɛ wa dɔnggɔ mi do nu wa iko, nɛ nde sila wa ngɔ mi bina.

MARKO 7:6 Iomraidhean Croise

Ezai 29:13

NWA tɔ̃a na: “Owinɔ ni wa sambala mi, nɛ nde wa dɔnggɔ mi do nu wa iko, wa é sila wa ngɔ mi gɔ. Do kɔ sila wa, nɛ nde wa nyɛlɛ do mi wena. Wa dɛ ɔ nɛ kɛ wa yu kili mi yu ni, nɛ nde ma yòlò do kɔ sila wa gɔ, wa yambala dɛ mbulanɔ ni kɔ̃ oyaa wa iko.

EZEKIƐLƐ 33:31

Nɛ owinɔ 'da mi wa mba ngba wa dɛ 'da mɔ we zele mɔ. Wa zele, nɛ nde wa dɛ́ kɛ wa zila ni gɔ. Wa kɔ do nu wa iko, nɛ nde wa dɛ tati a mɔ kɛ ma gala wa wele nɛ ni.

YOANƐ 15:24

Fala kɛ mi dɛ̀ sɔ mbe mɔ, kɛ gele wele dɛ̀ ma dati gɔ ni dɛ li wa gɔ, nɛ nde wa sɔ do 'dã mɔ bina. Nɛ nde ngangga ni, wa zɔa mɛnɔ mi dɛa ni do gbali wa vɛ̃, nɛ wa sɛnɛ mi, nɛ wa sɛnɛ 'bɔ Baa mi.

YOANƐ 5:42

Kɔ mi ĩ ti tɛlɛ tɛ nɛ, nɛ mi ĩ na, nɛ do kɔ̃a zã dɛ 'da Gale bina.

Owi Nɛ Tonɔ 28:25

Kɔ wa nɛa we kulu ngɔ we la nɛ, nɛ wa zèlè ngba wa gɔ. Nɛ Polo tɔ̃ 'bɔ hã wa na: “We kɛ Hi Wi Santo tɔ̃a zɛ́ hã oyaa nɛ do wala 'da Ezai, wi gba do nu Gale ni, mɛ a gbãlã we. A tɔ̃a zɛ́ na:

2 TIMOTE 3:5

Wa be sɛ tɛ wa ɔ nɛ kɛ wa kɔ̃a Gale kɔ̃a ni, nɛ nde do kɔ sila wa, wa bɛa ngawi kɛ wa wia sɔ we kpa kɔ kɔ̃a we ni. Kɔ mɔ yú owinɔ wa dɛ ní ni do'do.

TITO 1:16

Wa tɔ̃ do nu wa na, lo ĩ ti Gale, nɛ nde dɛa to tɛ wa vɛ̃ be na, wa Ĩ ti Gale gɔ. Wa a o'dã wele ngboo, Owi nga zu, nɛ wa ĩ́ ti dɛ mbe dia mɔ kpo gɔ.