MARKO 7:5 - WE NU GALE 1995

⁵ Nɛ Ofariziɛnɔ do owi be mbulanɔ wa aka Yezu na: “Gulu kɛ owi yambala mɛnɔ 'da mɔ wa dɛ́ mbula 'da oyaa lɛ gɔ we ge nde? Gulu kɛ wa nɛ nyɔngɔ mɔ, nɛ nde wa fɔ́lɔ́ kɔ wa ɔ nɛ kɛ mbula 'da oyaa lɛ tɔ̃a ni gɔ we ge nde?”

MARKO 7:5 Iomraidhean Croise

MATIE 15:2

“Gulu kɛ Owi yambala mɛnɔ 'da mɔ, wa dɛ́ mbula 'da oyaa lɛ gɔ we ge nde? Mba gɔ, fala kɛ wa nɛ nyɔngɔ mɔ, nɛ nde wa fɔ́lɔ́ kɔ̃ wa ɔ nɛ kɛ mbula 'da oyaa lɛ tɔ̃a ni gɔ.”

MARKO 7:13

Nɛ dɛ na mɛ ni, nɛ nde nɛ 'danga we nu Gale we dɛ tati a mbulanɔ 'da nɛ iko. Nɛ nɛ dɛ tɛlɛ tɛ mɛnɔ ɔ ní ni wena.”

MARKO 7:8

Nɛ Yezu tɔ̃ hã wa na: “Nɛ la mbulanɔ 'da Gale do 'do nɛ, nɛ nɛ dɔnggɔ ombula kɛ wele ia ma ni.”

MARKO 7:9

Nɛ Yezu tɔ̃ 'bɔ hã wa na: “Nɛ bɛ̃a mbula 'da Gale, takɔ nɛ dɛ mbula olo oyaa nɛ.

Owi Nɛ Tonɔ 21:21

Nɛ wa zila na, mɔ be hã Oyudanɔ kɛ wa ɔ kɔ gele lenɔ ni na, wa lá fala dɛ mbula 'da Mɔizɛ do'do. Nɛ mɔ 'bɔ na, wa tɛ gɔ̀nɔ̀ benɔ 'da wa gɔ, nɛ wa tɛ dɛ̀ mɔ olo yaa wa gɔ.

Owi Nɛ Tonɔ 21:24

Kɔ ma wia na, 'da fala kɛ wa nɛ fɔlɔ wa we hɔ sa wi li Gale, ɔ nɛ kɛ mbula tɔ̃a ni, nɛ mɔ mba do wa, nɛ mɔ gɔnɔ zu wa, sɛ nɛ wa ĩ ti kpolo zu wa de. Na mɛ ni, nɛ winɔ vɛ wa ĩ sɛ na, wenɔ kɛ lo zila dɛ ngɔ mɔ i ni, mɛ a bɛlɛ. Nɛ wa zɔ sɛ na, mɔ tɛ mɛ 'bɔ, mɔ dɛ mbula 'da Mɔizɛ dɛa.

ROMA 4:12

Nɛ Abrahama 'bɔ a baa Oyudanɔ. A a baa wa, we kɛ wa a gaza ni iko gɔ, nɛ nde we kɛ wa kɔ̃a 'bɔ zu li Gale, ɔ nɛ kɛ Abrahama kɔ̃a zɛ́ dati kɛ na a nɛ gaza ni.

GALATI 1:14

Mi zila zi mbula 'da Oyudanɔ, nɛ mi hã tɛ mi we mbula 'da oyaa lɛ nɛa ngɔ ongba mi kɛ lɛ gã do wa ni vɛ.

2 TƐSALONIKƐ 3:11

Lɛ tɔ̃ na mɛ ni, we kɛ lɛ zila na, ombe sanga nɛ wa dungu iko, wa kɔ̃̀ we dɛ to gɔ, nɛ wa yɛnggɛ tɛ fĩ nu wa kɔ toe 'da ngba wa iko.

2 TƐSALONIKƐ 3:6

Onyae, lɛ tɔ̃ hã nɛ do zu li Nwa Yezu Kristo na, nɛ yú Owi Kristonɔ kɛ wa a osulu wi, nɛ wa kɔ̃̀ we dɛ mbula kɛ lɛ bia zi ma hã nɛ ni gɔ ni.