MARKO 6:3 - WE NU GALE 1995

³ Wi kabinda zi dɛ gɛ a ni gɔ nde? Li naa a Maria, nɛ li onya a a Zake do Yoze do Yudasi do Simɔ gɔ nde? Oboko nya a wa a wa ɔ́ dɛ sanga lɛ gɛ gɔ nde?” Nɛ wa ba kafi nu a, nɛ wa kɔ̃̀ gɛnɛ a gɔ.

MARKO 6:3 Iomraidhean Croise

Ezai 49:7

NWA Gale santo 'da obe Israɛlɛ, kɛ a kpasa wa kɔ ngamɛ ni, a tɔ̃a hã wi kɛ owinɔ wa sɛnɛ a, nɛ wa zɔ a li wa yala iko, nɛ wa ia a do ngbá 'da ogã winɔ ni na: “Onwanɔ wa zɔ sɛ mɔ, nɛ wa kulu sɛ ngɔ ngɔ kpongbo nwa 'da wa, we dɔnggɔ mɔ. Kɔ ogã winɔ wa zɔ na mɛ ni, nɛ wa bili sɛ zu wa nù dati mɔ.” Wa yu sɛ kili mɔ na mɛ ni, we duzu nwa, kɛ a saka mɔ, nɛ a ia mɔ do wi dɛa toe 'da a ni. NWA Gale santo 'da obe Israɛlɛ, a dɛ sɛ mbuli kɛ a kpua hã mɔ ni.

MATIE 11:6

Kɔ yangga wena we wi kɛ a do kafi mi kɔ sila a bina ni.”

MATIE 12:46

Yezu 'bana tɛ wele we do gili winɔ ni, nɛ naa a do onya a wa hɔ, nɛ wa yolo do tɛ̃ ɛ, nɛ wa fa we wele we do a.

MARKO 15:40

Nɛ ombe wukonɔ wa zi 'bɔ di ni, wa yula ndũu tɛ ka mɔ dɛ tɛ Yezu. Sanga wukonɔ ni, wi zi a Maria, boko Magdala, do Salome, do Maria, naa Zake be wele kɛ, do Yoze.

MARKO 3:18

do Andre, do Filipɛ, do Bartelɛmi, do Matie, do Toma, do Zake, be 'da Alfe, do Tade, do Simɔ kɛ a bi zi a ngɔ le 'da wa na, ma hɔ nza ti mbula 'da ogele winɔ ni,

LUKA 2:34

Nɛ Simeoni wila nu ɛ tɛ wa, nɛ a tɔ̃ hã Maria na: “Gale saka be gɛ, takɔ do wala 'da a, nɛ ombe Yudanɔ wena wa te li ngbangga, nɛ ombe wena wa kpasa 'bɔ. Nɛ a be sɛ mɛ kɛ Gale kɔ̃a we dɛ nɛ ni dɛ li Owele, nɛ owinɔ wena wa bɛ̃ sɛ gɛnɛ a. Na mɛ ni, a be sɛ linggamɛ 'da owinɔ, kɛ ma usu tɛ̃ ɛ usu ni dɛ nza. Nɛ 'bako ma dunu sɛ kɔ sila mɔ, nɛ ma zɛlɛ mɔ ɔ nɛ wa dumu sila mɔ do kɔya ni.”

LUKA 7:23

Kɔ yangga wena do wi kɛ a do kafi mi kɔ sila a bina ni.”

LUKA 8:20

Nɛ Owele wa tɔ̃a we nɛ hã Yezu na: “Mɔ zɔ́, naa mɔ do onya mɔ, wa hɔa dɛ, kɔ wa kɔ̃a we zɔ mɔ.”

YOANƐ 14:22

Nɛ Yudasi ('bangga tɛ Yudasi Iskariɔtɛ mba) aka Yezu na: “Nwa, mɔ nɛ dɛ sɛ fala be tɛ mɔ hã lɛ, nɛ nde mɔ bé sɛ tɛ mɔ hã ogele winɔ gɔ ni nɛ nde?”

YOANƐ 6:42

Nɛ wa ma ngɔ tɔ̃ na: “A a Yezu, be 'da Yozɛfu gɔ nde? Lɛ ĩ ti baa a do naa a ĩ. Kɔ gulu kɛ a tɔ̃ na, ɛ yula li nza ni we ge nde?”

Owi Nɛ Tonɔ 1:13

Kɔ wa nɛa we hɔ tɛ Yeruzalɛmɛ nga, nɛ wa le kɔ tɔa, nɛ wa kũ dɛ kɔ mbe 'bili tɔa kpo, fala wa kpa zi do ngba wa fai ni. Wi zi a Petro, do Yoanɛ, Zake, Andre, Filipɛ, Toma, Bartelɛmi, Matie, do Zake, be 'da Alfe, do Simɔ (wele kɛ a bi zi ngɔ le 'da a na, ma hɔ ti ngbá ni), do Yuda, be 'da Zake.

Owi Nɛ Tonɔ 12:17

Nɛ Petro ia kɔ̃ ɛ nu ɛ hã wa na, wa tɛ wèlè we gɔ. Nɛ a tɔ̃a tɛlɛ tɛ kɛ Nwa Gale fua do a kɔ bɔlɔkɛ dɛ nza ni. Nɛ a na, wa tɔ̃́ sɛ we nɛ hã Zake do tala onya ɛ. Nɛ a hɔa nza, nɛ a la dɛ gele fala.

1 KORINTƐ 1:23

Nɛ nde lɛ, lɛ be kɛ 'da lɛ a sakoe 'da Yezu Kristo, kɛ wa bɛ̃lɛ̃ zi a ngɔ finda te ni. Oyudanɔ wa zele sakoe ni nɛ́ lɛnggɛ sape ni, nɛ ogele winɔ wa zele ma nɛ́ wila we bɔ ni.

1 KORINTƐ 9:4

Mi wè tɛ kpa nyɔngɔmɔ kɔ̃ winɔ do toe 'da mi gɔ nde?

GALATI 1:19

Nɛ nde mi kpà zi ngba mi do gele wi nɛ toe 'da Kristo gɔ, tati a Zake, nya Nwa Yezu iko.

1 PETRO 2:4

Nɛ kɔ́lɔ́ do Kristo, wele kpasi. A a ta kɛ Owi dɛ tɔanɔ wa da zi ma nù, nɛ nde Gale zɔa na, a a dia wi ngboo, nɛ a saka a.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.